Ngopi Bareng Gubernur Jateng
Diposting oleh : Administrator
Kategori: Laporan - Dibaca: 131 kali

Gubernur Jateng Ganjar Pranowo ditodhong warga ngijinake trayek Belik-Jakarta kanggo bis AKAP nalika rawuh jrone acara Ngopi Bareng ing Pendhapa Kabupaten Pemalang, mentas iki.

Acara kang dirawuhi sakehing unsur pamarentahan Pemkab Pemalang iku dileksanakake prasaja kanthi lesehan. Becik rombongan Gubernur apadene pemkab lungguh sila ing dhuwur karpet. Rawuh  jroning acara kasebut Bupati Junaedi lan Wakil Bupati Martono sarta Sekda Budhi Rahardjo.

Sawise  acara dibukak dening Sekda, Gubernur langsung njlentrehake  maksud lan tujuwane ngleksanakake kunjungan ing dhaerah, klebu Pemalang, sarta njlen­­trehake maneka program kang dilek­sanakake sesuwene iki.

Rampung aweh paparan, dibukak sesi dialog. Saka pitakon sing diajokna antara liya  pangajap  saka warga Desa Belik Kec. Belik Kab. Pemalang kang nyu­wun  Gubernur ngijinake dibukake trayek Belik-Pemalang kanggo bus AKAP (Antar Kota Antar Provinsi), sing diaturake  dening Kades Belik Ratno. Trayek kuwi  dibu­tuh­ake banget dening warga ma­sya­rakat.

Miturute Kades Belik, sasuwene iki warga Belik kang lunga menyang Jakarta apadene sawalike cukup akeh. Saben dina bisa nyan­dhak atu­san wong. Nanging war­ga Belik kudu lunga me­nyang  kutha Pemalang dhisik kanggo numpak bis AKAP, sa­eng­ga ong­kose luwih gedhe diban­dhing­ake me­na­wa ana trayek ka­se­but.

‘’Saka Jakarta warga Belik sing arep balik/mulih numpak bus amung tekan ing Terminal Induk Pemalang. Kanggo nerusake mulih kudu numpak kendharaan liya nanging ora bisa tekan/anjog ing Belik, lan di­iudhunake ing Randudongkal,’’ tuture Ratno.

Njawab pitakon kuwi Gubernur katon remen. Panjenengane nguwuh  marang pihak sing kepengin ana trayek anyar kuwi supaya nggawe surat usulan me­nyang Gubernur. “Kejaba iku arep didelok luwih dhisik, apa kuwi wis perlu dibukak trayek anyar utawa durung kang­go ke­pentingan warga akeh,” kan­dhane Ganjar.

Nyenggol ngenani lapuran utawa pengaduan saka warga kang mlebu panjenengangane ujare Gubernur Jateng, paling akeh yaiku soal KTP, akte lan kartu keluarga (KK) kang relatif suwe prosese.

Sauntara kuwi Biro Humas Pemprov Jateng nerangake , kunjungan Gubernur menyang sawetara pemkab/kota  iki  kanggo ngecek pelaksanaan kegiyatan infrastruktur bantuan keuangan Pemprov Jateng, lan sarta nemtokake rancangan kerja taun ngarep. (Imam As)

Berita Terkait

img

Samak Minggu Ini

img

img

Sumber Semangat

Saupamane wae kabagyan iku bisa dituku, mesthi wong-wong sugih bakal nuku kabagyan mau. Lan kita bakal kangelan oleh kabagyan ksb merga wis diborong wong kang sugih mau. Nanging tujune ka­bagyan kuwi anane mung ing njero  ati lan pikiran. Ka­bagyan iku mung bisa didu­weni dening wong kang pin­ter nindakake sukur.

Klik

ARIF WICAKSANA

Grengsenge mbabat alas kanggo kabutuhan pembangunan kanthi ngurbanake sakehing warna-warna ijo ing alam, pranyata isih ana uga kang gelem ngalah lan ngajeni banget marang ‘pabrik’ oksigen ksb. Iki salah siji contone, dimen nylametake wit siji-sijine, panggawene dalan nasional lila dienggokake. Dadi, ayo ndadekake wit-witan minangka karib kita, ing ngendi wae. (d/ist)***

Pethilan

Amandemen gumantung keputusan politik

Gumantung kepentingane uga

Koalisi padhadene ngenteni capres cawapres

Intip-intipan rupa lawas

Lobi-lobi politik saya kerep

Kasak kusuk, nyang-nyangan…