Penganten
Diposting oleh : Administrator
Kategori: Sing Lucu - Dibaca: 78 kali

Parno :         “Apa wis tau weruh lan krungu ana pengantenan sing super megah lan mewah sadonya?! Ana ngendi coba?”

Pardi :         “Kok durung tau, wis coba dakgoleki nang WA, FC, YouTube kok ora ana?”

Parno :         “Pengin ngerti, kae lho pengantenane Raden Premadi, ya Raden Harjuna, ya panengah Pandhawa, ana pewayangan.”

Pardi :         “Lha kok...?!”

Parno :         “Coba ta, titihane Rata Kencana ditarik kebo ndanu satus patang puluh, kusire Begawan Mayangkara saka Kendhalisada, kairid Bethara-bathari, Dewa-dewi Suralaya, gemelane Lokananta sing muni ing awang-awang, sindhene para widadari, srah-srahane mas picis raja brana malimpah, sing ngrawuhi para nata mancanegara, apa ora hebat?!

Pardi    :           “Wah... wah... wah... tiwas nggonku mikir super mumet!?!” (kir: Pakne Andi, Purwokerto)

Berita Terkait

img

Samak Minggu Ini

img

img

Sumber Semangat

Yen kowe weruh semut kepleset lan ceblok ing banyu, mula angkaten lan tulungana dheweke...  Sapa ngerti kuwi dadi sebab anane ampunan tumrapmu ing akherat mengko.

Klik

FESTIVAL CAGANARES

Caganers yakuwi sawijining festival kang dianakake saben wulan Desember ing daerah Catalunya utawa Barcelona, Spanyol. Festival iki bakal ndadekake sapa wae gedheg-gedheg. Kepriye ora, merga masyarakat ing kono ngumpulake maneka figur tokoh dunia kang lagi mbukak kathoke lan (ngapunten) bebuwang. Tokoh duniane macem-macem, kaya Ronaldinho, Albert Einstein, Michael Jackson, Donald Trump, Barrack Obama, lsp. Festival iki ngemu teges yen sapa wae satemene padha tanpa ndeleng trah utawa jabatane nalika bebuwang. (d/ist)***

Pethilan

LP Banda Aceh ribut, 113 napi kabur

Sapa sing betah nang pakunjaran?

Cawe-cawene guru ora bisa digenteni

Apamaneh sing jenenge Pak Google

600 dina kasus penyerangan Novel durung kawiyak

Aparat lagi asyik ngetung dina mbok­menawa