Carane Nglacak File Undhuhan ing Android
Diposting oleh : Administrator
Kategori: Anyar Katon - Dibaca: 75 kali

Senajan keprungune sederhana, pranyata ora saben wong bisa nemokake file kang wis diundhuh lo, utamane tumrape para pengguna awal.

Banjur, apa kang dikarepake karo file undhuhan? File iki yakuwi file kang kita undhuh saka ‘peramban’ upamane. Nanging, file ksb beda karo file kang kita undhuh saka aplikasi, kayadene WhatsApp.

Kayadene kang disebutake dening AndroidPit, nemokake folder papan simpenan file undhuhan gampang banget. Pancen, piranti ponsel Android macem-macem. Nanging intine, bab kang kudu ditindakake tetep padha. Mangkene carane nggoleki file kang wis kita undhuh.

 

1. Nggoleki aplikasi File utawa File Manager

Merga manufaktur ponsel Android bebas nggawe piranti kanggo ponsele, kadhang jeneng saka sawijining aplikasi beda. Biasane, kanggo ngakses konten ing ponsel, kita bisa nemokake ing aplikasi kang aran File utawa File Manager. 



2. Mlebu menyang folder Download

Ing kene, kita bakal nemokake kabeh file kang wis kita undhuh. 

Ing ponsel kang migunakake Marshmallow, kita bisa nemokake folder Download ing bagian Settings > Storage & USB > Explore > Download. (d/ist)***

 

Berita Terkait

img

Samak Minggu Ini

img

img

Sumber Semangat

Yen kowe weruh semut kepleset lan ceblok ing banyu, mula angkaten lan tulungana dheweke...  Sapa ngerti kuwi dadi sebab anane ampunan tumrapmu ing akherat mengko.

Klik

FESTIVAL CAGANARES

Caganers yakuwi sawijining festival kang dianakake saben wulan Desember ing daerah Catalunya utawa Barcelona, Spanyol. Festival iki bakal ndadekake sapa wae gedheg-gedheg. Kepriye ora, merga masyarakat ing kono ngumpulake maneka figur tokoh dunia kang lagi mbukak kathoke lan (ngapunten) bebuwang. Tokoh duniane macem-macem, kaya Ronaldinho, Albert Einstein, Michael Jackson, Donald Trump, Barrack Obama, lsp. Festival iki ngemu teges yen sapa wae satemene padha tanpa ndeleng trah utawa jabatane nalika bebuwang. (d/ist)***

Pethilan

LP Banda Aceh ribut, 113 napi kabur

Sapa sing betah nang pakunjaran?

Cawe-cawene guru ora bisa digenteni

Apamaneh sing jenenge Pak Google

600 dina kasus penyerangan Novel durung kawiyak

Aparat lagi asyik ngetung dina mbok­menawa