Telek Kuliahan
Diposting oleh : Administrator
Kategori: Surabayan - Dibaca: 300 kali

“Ora kurang saka arek 850.000 sa Indonesia padha telek kuliahan liwat seleksi bersama masuk perguruan tinggi negeri (SBM PTN), areke kudu saingan siji barek sijine supayane isok mlebu sekolah sing sipilih, dene wong tuwane sing ibut telek dhuwik gae mlebune engkuk nek ketampa. Soale saniki kuliah dhuwike akeh. Awak dhewe ya gak eruh apaa tambah suwe sing arane kuliah niku tambah larang padhahal lulus ku­liah ya gak jaminan isok entuk pegaweyan sing enak. Malah akeh sing trima bukak usaha dhewe merga gak onok lowong­an pegawe­yan sing cocok barek bidang studine. Lha nek ka­­ya iku sing sa­lah sing kuliah apa sekolahane sing mung asal mbukak ju­rusan. Lha niki prasaku sing kudu dipikirna ba­rek pihak sekolahan. Sekolahan nampa mahasiswa niku eng­kuk kate dibuwak ngendi. Wayahe kudu jelas, dadi arek lulus sekolah wis jelas kate nyambutgawe ndhuk endi. Nek saniki sing akeh pokoke kuliah, tapine wayahe telek kerjaan, wis pokoke kerja embuh niku ndhuk bidang apa, sing penting isok telek dhuwik. Merga gak cocok barek bidang studine, per­kara gaji polih sa onoke gak isok ngarani,” ujare Ning Sumeh barek methiki lombok.

“Encene Ning iklim ndhuk Indonesia isik koyok ngono, ya encene si onok sing entuk gawean cocok barek sekolahe ta­-pi ya gak kabeh. Perkarane mergane sing arane lowongane ga­wean niku muk thithik luwih akeh lulusane sekolah. Lha ya embuh kono teleke dhuwik modhel apa pokoke sing arane sekolah niku wis nyangoni ilmu sesuai barek pilihane arek. Perkarane ilmune gurung mumpuni encene yok apa, encene pendidikan ndhuk Indonesia niku isih adoh entungane saka sampurna nek dibandhingna barek sekolahan luwar negeri,” tambahe Cak Bedja.

Cak Ari nambahi “Encene kelas kuliahan ndhuk Indone­sia nek dibandhingna barek luar negeri ya adoh. Kuliahan  sing paling apik ndhuk Indonesia aku nate maca paling apik onok urutan imangatusan. Iku kuliahan negeri paling apik, lha terus nek kuliah swasta ndhuk urutan pira ya gak usah ditakokna. Iku gae gambaran kualitase arek sing lulus dadi sarjana ndhuk Indonesia.”

“Nek nontok niku awak dhewe ya prihatin, kate nguliahna arek tapi kualitas lulusane gak isok dijagakna gae telek ga­wean, nek gak dikuliahna niku kadhang-kadhang ya polih mi­der ndhuk srawungan. Padhahal kuliah jaman saniki sing apik thithik sekolahane mbayare ya nekek gulu temen. Terus areke kuliahe ya sak enake pokoke rajin mlebu kuliah meng­kuk lak lulus. Onok lho kuliahan sing koyok niku. Apa malah nate tumon, niku tangga dhewek sing sekolah S1 sekolahae gak mesthi mbendina, tapi setaun wis lulus wis dikeki serti­fikat, lha niki terus sekolah cap apa. Sekolahan muk gae ngu­ber ijasah gae telek pangkat tah sertifikasi,” Pak Lik Dur melok omong

(Sing melok prihatin barek wong tuwa sing nubyak-nubyak nguliahna anak: Cak Ali, Cak Bedja, Pak Lik Dur barek Ning Sumeh)

Berita Terkait

img

Samak Minggu Ini

img

img

Sumber Semangat

Yen saperangan gedhe urip kita en­tekake kanggo mu­lang, mula kita bakal dikenal mi­nangka guru nali­ka kita ma­ti. Yen kita entekake wek­tu kita kang­go main, kita mati mi­nangka gamers.

Klik

PERANG TOPAT

Ing Lombok Barat, NTB, ana tradhisi unik kang arane Perang Topat. Tradisi iki digelar sasi November-Desember, utawa sawise panen lan sadurunge mangsa tandur maneh. Masyarakat suku Sasak lan warga keturunan Bali ing Lombok Barat nggelar ritual iki bebarengan ing Pura Lingsar. Puncake perayaan ditindakake kanthi tradhisi pujawali perang topat utawa padhadene nyawatake kupat ing antarane warga. Ora ana rasa mangkel utawa memungsuhan ing acara kang wis umur atusan taun iki, sing ana malah rasa sukacita tumrap warga kang beda-beda agamane ksb. (d/sit)***

Pethilan

Hoaks luwih ngrusak ing negara berkembang

Ana sing seneng rusak-rusakan

Wajib njaga legitimasi Pemilu 2019

Sauger menang, apa wae ditindakake

Pradebat capres batal, paslon gela

Sabar… ngenteni kasus dagangan 80 yuta iku lerem dhisik