Siap-siap Kate Pasaan
Diposting oleh : Administrator
Kategori: Surabayan - Dibaca: 8 kali

“Alhamdulillah awak dhewe isik diparingi ke­sempatan ketemu barek wulan Ramadhan maneh, artine ketemu barek wulan sing ndhuk kono akeh bonus-bonuse gae insan sing ndhepe-ndhepe barek Gusti Allah. Ibadah apa ae tah perbuatan apa ae sing intine nindakna dhawuhe Gusti gan­jarane tikel tekuk. Barek onok bonus gedhe pisan yaniku sing diarani Lailatul Qodar, ganjaran sewengi koyok ganjaran sewu wulan, koyok ganjaran se­lawase urip. Makane ngadhepi wulan pasa niku kudune awak dhewe kudu wis cepak-cepak wiwit saniki, cepak jasmani barek rohanine. Saengga engkuk nek wis wayahe ketemu barek wulan Ramadhan isok ngibadah barek maksimal, gak muk sekadar pasa ae, tapi ya isok njalanna kegiatan ibadah liyane. Sholat-sholat sunah, shodaqah, maca Al Qur”an barek liyane maneh,” ujare Ning Su­meh nduk bala balane.

“Setuju encene gawe ngadhepi gawe gedhe tumrap umat Islam niki, sing bener ya kudu onok persiapane, upamane, sadurunge wis nyelengi dhu­wik, lha engkuk pas wayahe  pasa isok shodaqoh mbantu kaum dhuafa utawa gae bukaan digawa ndhuk mesjid tah langgar. Nyantuni anak yatim tah wong-wong sing mbutuhake supayane wong-wong mau iya bisa padha pasa kanthi maksimal,” tambahe Cak Bedja.

Cak Ari nimbrung “Nek sak suwene niki awak dhewe niki encene ya wis pasa ndhuk wulan Ramadhan  sewula nutug, tapine tak akoni encene kurang gae ibah liyane, padhahal niu wulan sing kebak bonus, dadi aku ya termasuk rugi. Sing be­ner encene kudu onok persiapane.”

“Kanjeng Nabi Muhammad ae nek katene mlebu wulan pasa nduk wulan sadurunge wis siap-siap upamane ngakeh-akeh pasa ndhuk wulan ruwah, dadine pas wayahe pasa Ramadhan wis isok dilakone entheng, soale ndhuk wulan Rama­dhan niku lak onok sholat istimewa yaniku  sholat tarweh sing gak onok ndhuk wulan liyane. Nek sadurunge wis kulina  tangi bengi saur pasa sunat lha ndhuk wulan Ramadhan wis entheng, dadi gak kuwatir mokel. Merga rumangsa abot barek gak tau latihan. Ndhuk kesemaptan niki awak dhewe sakanca ngaturna Sugeng Siyam kagem dulur Islam sing padha nindakna pasa Ramadhan,”  Pak Lik Dur nambahi omongan.

(Sing kepengin isok pasa Ramadhan sewulan jangkep: Cak Ali, Cak Bedja, Pak Lik Dur barek Ning Sumeh)

Berita Terkait

Samak Minggu Ini

img

img

Sumber Semangat

Wong kang nglarani awakmu, yen dudu luwih kuwat ya luwih ringkih saka awakmu. Tumrape sing luwih ringkih saka awakmu, apu-ranen. Lan kang-gone kang luwih kuwat, apuranen awakmu dhewe.

Klik

PATUNG RASEKSA MAO ZHEDONG

Patung emas raseksa tilas pemimpin Cina, Mao Zedong ing desa Tongxu, Henan, Cina. Patung kang dhuwure 36,6 meter mawa cet emas iki madeg ing sandhuwure pategalane warga, ing desa Tongxu, provinsi Henan, Cina. Ragad kang dientekake kanggo mbangun patung iki kurang luwih Rp 6,3 milyar. Mao Zedong mujudake presiden pisanan negara pandha kang kuwasa suwene 27 taun. (d/ist)***

Pethilan

Rega pangan ngadhepi pasa dijamin

Pengin murah, tuku nang koran ae!

Gaya ngadibusanane Pres. Jokowi mujudake strategi komunikasi

Ana sing nggaya ote-ote uga

Legislator kena OTT KPK maneh. Ketua DPR Bambang Soesatyo nga¬jab iku kang pungkasan

Pungkasan sing korupsi apa pung­kasan sing konangan?