Ketua Dekranasda Jatim Ngajak UKM Kerajinan Sinau Bathik Menyang Solo lan DIY
Diposting oleh : Administrator
Kategori: Laporan - Dibaca: 50 kali

Dewan Kerajinan Nasional Daerah (Dekranasda) terus mbudiaya ngundhak­ake kuwalitas prodhuk supaya luwih nduweni daya saing. Salah sijine yaiku ngajak para pelaku Usaha Kecil Mene­ngah (UKM) sektor kerajinan kanggo tukar pikiran karo para perajin bathik ing Solo lan Daerah Istimewa Yogjakarta (DIY). Suwene rong dina tanggal 25-26 April 2018, Ketua Dekranasda Prov. Jatim, Dra. Hj. Nina Soekarwo, M.Si nekani sawetara papan perajin bathik ing antarane Bathik Karlina Solo, Bathik Gunawan Solo lan Afif Collection.Kanthi   ngajak para pelaku UKM Jatim menyang  perajin bathik ing Solo lan DIY, diyakini Budhe Karwo bakal ngundhakake daya saing UKM Jatim, khususe ngadhepi era perdagangan bebas. Kunjungan iki uga minangka upaya supaya  bathik tetep lestari lan terus ditresnani masyarakat Indonesia lan donya. “Silaturahmi iki nambah wawasan anyar kanggo  para pelaku UKM kanggo terus ngundhakake  kuwalitas bathik. Kejaba iku uga bisa sinau  manajemen organisasi saengga bisa saingan  lan gawe inovasi anyar,” ujare nalika nekani Paguyuban Sekar Jagad lan Afif Collection, Daerah Istime­wa Yogjakarta, Kemis (26/4).

Ketua Dekra­nasda Jatim njlentrehake, Solo lan  DIY  dadi kiblat njroning mekare bathik ing  nusantara, khu­suse  Paguyuban Pecinta Batik Se­kar Jagad  kang nduweni  visi lan misine yaiku ba­thik lestari ing donya. Diajap, lumantar kunju­ngan iki bakal ana tembayatan  antarane Sekar Jagad karo De­kra­nasda Prov. Jatim apadene karo para perajin lan ndadekake bathik tetep eksis ing bumi nusantara.”Perajin bathik saka Jatim akeh sinau saka Solo lan DIY salah sijine kudu ana upaya modernisasi,” ngen­dikane.

Miturut budhe, saben bathik kudu ngandhut sawijining filosofi. Ing Jatim wis akeh  bathik sing diasilake, nanging kudu dipikuwati ma­wa filosofi. Saengga bakal nduweni nilai tambah. “Ing saben ba­thik bakal luwih becik manawa ndu­weni  des­krip­si kaya je­neng lan  filoso­fine,“ jlentrehe. Bu­dhe Karwo nam­bahake, Ja­tim dadi  siji si­jine  Pemerin­tah Provinsi kang nganggo  bathik se­minggu kaping telu, amarga  pro­vinsi liya mung seminggu ka­ping pindho. Bab iki dadi salah siji upaya jroning re­rangken  ngajak masyarakat amrih tetep padha nresnani bathik.

Jroning kunjungan menyang Solo lan DIY, Budhe Karwo uga didhampingi dening Wakil Ketua I Dekranasda Prov. Jatim, Lili Halim, Kabiro Perekonomian minangka  Sekretaris Dekranasda Prov Jatim. Aries Mukiono, lan Kadis Koperasi dan UMKM Prov. Jatim minangka Kepala Bidang Pengembangan Usaha Dekranas­da Jatim , Mas Purnomo Hadi.

 

Pamekasan Jadi Pasar Batik Donya

Bude Karwo bombong kanthi dibi­warakake manawa Pamekasan minang­ka Pasar bathik donya. Ana watara 103 perajin bathik ing Pame­kasan. “Keisti­mewaan bathik Pamekasan yaiku regane sing murah lan modhele akeh,” wuwuhe Budhe Karwo. Sauntara iku Gusti Kan­jeng Bendoro, Raden Ayu Adipati Pa­kualam nelakake pembathik Pamekasan luar biasa kanthi  karya kang hebat. Bab kasebut diwujudake nalika dianakake salah sini pameran batik ing DIY. Aleh masyarakat kang antusias ruku bathik Pamekasan. “Iki mbuktekake manawa bathik Pamekasan dadi corak anyar,”  ujare. (at)

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan