Iki Target Timnas Indonesia ing Piala AFF 2018
Diposting oleh : Administrator
Kategori: Olahraga - Dibaca: 243 kali

Federasi sepak bola Indonesia ngajab skuat Garuda bisa dadi kang paling apik ing turnamen rong taunan sepisan iki.

Ing Piala AFF 2016, timnas Indonesia mung bisa nggayuh final sawise dikalahake Thailand kanthi agregat 2-3 jroning rong pertandhingan.

Asil iki ndadekake timnas Indonesia dadi negara paling akeh kang ngrasakake runner up nganti kaping papat.

Ing Piala AFF 2018, oleh-olehan dadi runner up kudu enggal dilalekake dening timnas Indonesia.

Skuat Merah Putih kudu tampil entek-entekan dhimen bisa nggayuh target ksb.

“Piala AFF 2018 kudu juara,” tandhese Sekretaris Jenderal (Sekjen) PSSI, Ratu Tisha, nalika ditemoni wartawan sarampunge drawing babak penyisihan Grup Piala AFF 2018 ing Hotel Mulia, Senayan, Jakarta Pusat, rebo kepungkur (2/5/2018).

Ing babak penyisihan, timnas Indonesia kagabung menyang Grup B bebarengan karo Thailand, Filipina, Singgapur, lan Brunei Darussalam utawa Timor Leste.

Skuat Abang Putih bakal nindakake pertandhingan laga kandang kaping pindho lawan Filipina lan Brunei Darussalam utawa Timor Leste.

Sisane rong pertandhingan maneh bakal kanthi status tandhang lawan Singgapur lan juara Piala AFF 2016, Thailand.

Sauntara ing Grup A ana Vietnam, Malaysia, Kamboja, Laos, lan Myanmar.

Kekarone negara paling apik ing saben grup iki nduweni hak lolos menyang semifinal kang mengkone tandhing kanthi sistem kandhang tandhang.

Pemenang semifinal bakal maju menyang final kang mengkone uga digelar kanthi sistem home lan away.

Piala AFF 2018 bakal wiwit digelar ing tanggal 8 November nganti 15 Desember 2018.

Thailand isih dadi negara kang nyekel predikat juara paling akeh kanthi limang gelar sajage turnamen iku digelar taun 1996.

“Kita pancen kudu bali menyang negara gedhe ing sakabehing bab ing Asia Tenggara” ujare Tisha. (d)***

 

Berita Terkait

img

Samak Minggu Ini

img

img

Sumber Semangat

Yen kowe weruh semut kepleset lan ceblok ing banyu, mula angkaten lan tulungana dheweke...  Sapa ngerti kuwi dadi sebab anane ampunan tumrapmu ing akherat mengko.

Klik

FESTIVAL CAGANARES

Caganers yakuwi sawijining festival kang dianakake saben wulan Desember ing daerah Catalunya utawa Barcelona, Spanyol. Festival iki bakal ndadekake sapa wae gedheg-gedheg. Kepriye ora, merga masyarakat ing kono ngumpulake maneka figur tokoh dunia kang lagi mbukak kathoke lan (ngapunten) bebuwang. Tokoh duniane macem-macem, kaya Ronaldinho, Albert Einstein, Michael Jackson, Donald Trump, Barrack Obama, lsp. Festival iki ngemu teges yen sapa wae satemene padha tanpa ndeleng trah utawa jabatane nalika bebuwang. (d/ist)***

Pethilan

LP Banda Aceh ribut, 113 napi kabur

Sapa sing betah nang pakunjaran?

Cawe-cawene guru ora bisa digenteni

Apamaneh sing jenenge Pak Google

600 dina kasus penyerangan Novel durung kawiyak

Aparat lagi asyik ngetung dina mbok­menawa