AG 18: Kudu Sukses Prestasi, Penyelengaraan lan Administrasi
Diposting oleh : Administrator
Kategori: Pangudarasa - Dibaca: 6 kali

Manut ilmu ekonomi, uwong diarani makmur yèn kebutuhan primèré wis kecukupan, papan, sandhang lan pangan. Kejaba kecukupané kebutuhan pokok, ana bab sing uga penting banget, yaiku kasarsan. Kanthi awak séhat, kita bisa ngupaya upa (golèk nafkah), pikiran bening lan mangan bisa krasa énak. Sarana utama kanggo njaga kasarasan, kita perlu olah raga (OR). Mula kita duwé slogan : Memasyarakatkan Olah Raga lan Mengolahragakan Mayarakat. Pengalaman wis nuduhaké yèn sawijining bangsa sing makmur, prestasi OR-né uga saya maju.

Negara kita uga wis usaha memasyarakatkan OR wiwit negara kita durung suwé mardika. Taun 1948 kita wis nga­nakaké Pekan Olahraga Nasional (PON) I, najan ekonomi kita isih prasaja banget. Pancèn OR minangka salah sijiné parameter kemajuan peradaban bangsa. Ajang OR ing jaman modern iki tanprabéda medan perang kanggo pamèr keperkasaané para atlet kanggo ngarumaké jenengé bangsa.

OR ora mung masalah prestasi ing lapangan. OR gegan­dhèngan karo promosi nilai-nilai sing dijunjung sawijining bangsa, kaya ta piranti (peralatan), teknologi lan mawarna infrastruktur sing dibutuhaké. Alhasil ajang OR sejajar lan identik karo ajuning peristiwa kabudayan. OR uga ora bisa dipisahaké karo watak ksatriya (sportif). Unggulé prestasi OR kudu diba­rengi karo watak ksatriya sing nengenaké kejujuran. Prestasi OR ora kena digayuh kanthi curang lan kadurjanan.

OR uga ora bisa dipisah 100 % karo politik. Contoné : Nalika Irian Barat (Papua) durung bali ing pangkuan NKRI, ing arena PON VI Makasar 1960, Kontingen Irian Barat wis mèlu aktif, senajan mung sethithik banget atlet asli Irian sing mèlu. Diplomasi ping-pong, presiden AS Richard Nixon anjangsana main tennis meja ing Beijing, sing saterusé ngasilaké pengakuan negara Cina daratan ing PBB. Taun 1962, AG (Asian Games) IV Jakarta ora diakoni sah déning Dewan Olimpiade Asia, merga Indonesia ora nglebokaké Israel marang negara peserta.

Minangka negara penyelenggara ajang OR mesthi kudu mbangun gedhèn-gedhènan prasarana OR sing sadurungé ora (durung) siyap. Contoné AG IV 1962 Jakarta, Indonesia kudu lan kasil mbangun Gelora Bung Karno Senayan, Hotel Indonesia, TVRI (24 Agustus 1962) lsp sing tetep kita anggo nganti saiki. Wektu iku (1962) kita isih gencar ngrebut baliné Irian Barat marang NKRI lan kita mbutuhaké sakabèhing warga NKRI bersatu padu nyawiji bebarengan tanpa jégal-jégalan ber­juwang ngrebut baliné Irja marang NKRI, lan uga bersatu ing ajang AG IV nganti RI kasil olèh peringkat (nomer) loro sawisé Jepang.

20 Juli 2014, Dewan Olimpiade Asia wis netepaké kita dadi penyelenggara AG 18 ing Jakarta lan Palembang wulan Agustus, sing uga bakal kita leksanakaké Pilkada serentak ing wulan Juni ngarep iki. Kita tetep nganggep AG minangka momentum menggelorakan persatuan bangsa. AG sing bakal diéloni 45 negara, luwih 15.000 atlet, pelatih lan ofisial, sarta éwon wartawan. Anggaran prabéyané Rp 6,6 triliun. Iki dadi pertaruhan kredibilitas kita. Kita kudu sukses. Ya sukses ing prestasi OR lan sukses ing penyelenggaraan. Target prestasi, kudu nggayuh medali nomer urut 8. najan ana uga sawetara elite politik sing nganggep even iki sawijining pemborosan utawa penghamburan dana. Panemu mau sah-sah waé. Nanging kita wis ora bisa mundur.

Yèn 56 taun kepungkur ing AG IV kita sukses ing tengah-tengahé perjuangan Trikora, saiki kita uga kudu sukses ing taun politik. Kita ora kena setengah-setengah. Kita kudu nuduhaké budaya kita sing unggul kanthi etos kerja keras. OR ing AG 18 iki bakal dadi sarana sing efektif kanggo ma­mèraké kemajuan bangsa lan mamèraké kemampuan teknologi anak bangsa.

Masalah iklan lan promosi AG 18, pancèn kita rada kalèpyan. Nanging isih ana wektu ± 100 dina kanggo nggenjot promosi, marga kita kalah karo promosi pilkada serentak. Yèn sakabèhing warga manunggal, kita bakal bisa sukses penyelenggaraan, prestasi lan uga sukses administrasi. Ayo kita buktèaké yèn Indonesia sejajar karo bangsa-bangsa liya liwat ajang AG 18. (MW)

 

Berita Terkait

Samak Minggu Ini

img

img

Sumber Semangat

Wong kang nglarani awakmu, yen dudu luwih kuwat ya luwih ringkih saka awakmu. Tumrape sing luwih ringkih saka awakmu, apu-ranen. Lan kang-gone kang luwih kuwat, apuranen awakmu dhewe.

Klik

PATUNG RASEKSA MAO ZHEDONG

Patung emas raseksa tilas pemimpin Cina, Mao Zedong ing desa Tongxu, Henan, Cina. Patung kang dhuwure 36,6 meter mawa cet emas iki madeg ing sandhuwure pategalane warga, ing desa Tongxu, provinsi Henan, Cina. Ragad kang dientekake kanggo mbangun patung iki kurang luwih Rp 6,3 milyar. Mao Zedong mujudake presiden pisanan negara pandha kang kuwasa suwene 27 taun. (d/ist)***

Pethilan

Rega pangan ngadhepi pasa dijamin

Pengin murah, tuku nang koran ae!

Gaya ngadibusanane Pres. Jokowi mujudake strategi komunikasi

Ana sing nggaya ote-ote uga

Legislator kena OTT KPK maneh. Ketua DPR Bambang Soesatyo nga¬jab iku kang pungkasan

Pungkasan sing korupsi apa pung­kasan sing konangan?