Ndandani Memory Card kang Rusak
Diposting oleh : Administrator
Kategori: Aiti - Dibaca: 234 kali

Kartu SD (SDCard) utawa sing biasa diarani memori eksternal mujudake salah sijine perangkat kang paling dibutuhake dinane iki. Sena­jan wis akeh gadget kang nduweni me­mori internal gedhe, tetep wae kita mbu­tuhake memori eksternal (MicroSD) kang­go nyimpen data-datane.

Mungkin kita tau ngalami masalah memori ora kawaca (damage) ya. Kanthi memori kang ora bisa diwaca jelas wae bakal ngrepotake kita mindhahake data-data kang ana ing njero memori mau. Nanging aja sumelang, kanggo ngatasi masalah memory card ora kawaca ing Android iki, iki ana patang cara kang bi­sa ditindakake kanggo ndandani memori mau.

 

Cara 1: Ngresiki Kartu Memori

·  Pertolongan pertama kanggo nga­tasi masalah memory card kang ora bisa ndeteksi yakuwi kanthi ngetokake kartu memori saka gadget. Pesthekna yen gad­get-e wis dipateni dhisik lo.

·  Resikana lempengan tembaga (war­na kuning keemasan) kang ana nganggo penghapus pensil (kang warna putih). Gosok alon-alon nganti resik. (gbr 1)

·  Yen yakin wis resik, lebokna maneh kartu memori mau menyang slot memori banjur periksa apa wis kawaca apa du­rung.

 

Cara 2: Nindakake Format

saka Android

·  Mlebu menyang menu Setting > Storage. (gbr 2)

·  Ing njero menu ksb ana pilihan Erase SD card. Kanthi mbusak SD Card, bisa ndadekake memori resik kaya anyar.

 

Cara 3: Cek Error saka PC

·  Sambung Android menyang lap­top utawa PC nganggo kabel data.

·  Pesthekna Android mau nyam­bung ing Mass storage mode (MSC), dudu Media transfer mode (MTP).

·  Bukak Windows Explorer, klik kanan ing Drive kartu memori, pilih Properties > Tools > Error Checking, entena­na nganti kabeh proses rampung. (gbr 3)

·  Eject kartu memorine, banjur cek apa wis kawaca apa durung.

 

Cara 4: Format saka PC

Yen kartu memori (MicroSD) kawaca lan katon apik-apik wae ing komputer nanging tetep ora kawaca ing Android. Coba gunakna cara iki:

·  Nggawe folder anyar ing HardDisk, wenehana jeneng sembarang asal kita bisa eling yen folder anyar iki bakal dadi panggonan nyimpen sementara alias backup isi kartu memori kang rusak mau.

·  Copy kabeh isi kartu memori ban­jur Paste menyang folder kang wis digawe iki.

·  Yen wis yakin kesalin kabeh, format kartu memori ksb.

·  Banjur balekna  kabeh data-data kang ana ing folder menyang njero me­mori kang wis diformat ksb.

·  Saiki cek maneh, isih gagal apa ora. Yen isih gagal uga, coba dibaleni maneh langkah-langkahe.

Sugeng nyoba! (d)***

 

Berita Terkait

img

Samak Minggu Ini

img

img

Sumber Semangat

Yen kowe weruh semut kepleset lan ceblok ing banyu, mula angkaten lan tulungana dheweke...  Sapa ngerti kuwi dadi sebab anane ampunan tumrapmu ing akherat mengko.

Klik

FESTIVAL CAGANARES

Caganers yakuwi sawijining festival kang dianakake saben wulan Desember ing daerah Catalunya utawa Barcelona, Spanyol. Festival iki bakal ndadekake sapa wae gedheg-gedheg. Kepriye ora, merga masyarakat ing kono ngumpulake maneka figur tokoh dunia kang lagi mbukak kathoke lan (ngapunten) bebuwang. Tokoh duniane macem-macem, kaya Ronaldinho, Albert Einstein, Michael Jackson, Donald Trump, Barrack Obama, lsp. Festival iki ngemu teges yen sapa wae satemene padha tanpa ndeleng trah utawa jabatane nalika bebuwang. (d/ist)***

Pethilan

LP Banda Aceh ribut, 113 napi kabur

Sapa sing betah nang pakunjaran?

Cawe-cawene guru ora bisa digenteni

Apamaneh sing jenenge Pak Google

600 dina kasus penyerangan Novel durung kawiyak

Aparat lagi asyik ngetung dina mbok­menawa