TILAS
Diposting oleh : Administrator
Kategori: Rena-rena - Dibaca: 6 kali

TILAS Panglima TNI Gatot Nurmantyo lan eks Menko Maritim Rizal Ramli siap maju dadi Ca-pres 2019 senajan tanpa panyengkuyung parpol. * Gatot mung ngendelake otot, Rizal Ramli mung jajal-jajal, mangka Ca­pres butuh elektabilitas lan uwang ker­tas.

***

JARENE Mbah Amien Rais, partai Allah utawa agama iku mung Gerindra, PKS lan PAN, dene kelom­pok gedhe liyane mung partai setan.

* Nyatane sing jare partai agama, ok­nume akeh sing ora ngugemi agamane, dijak setan korupsi kok ora gemang?

***

KABARE Ketum Gerindra Prabowo gelem dadi Cawaprese Jokowi waton entuk jatah mentri wolu lan lan nyekel garis ko­mando mili­ter. * Yen bener, bisa dadi satru mung­gwing cangklakan, panguwa­sane Jokowi dadi congklang, wekasane kecengklak.

***

NANGING politisi Gerindra Fadli Zon mbantah kabar mau. Yen ta Jokowi nganti arep “ngrang-kul” Prabowo, pertandha yen wedi kalah. * Rakyat uga ora mathuk. Jokowi-Pra­bowo iku ibarate gule kambing dicampur mbako enak, rasane malah dadi pait kabeh.

***

GURU SMK ing Purwokerto sing ngeplaki muride cacah 9 merga ninggalake kelas pas wu­lang­an, diundamana PGRI, FGSI, KPIA nganti Mendikbud. * Gara-gara UU Per­lindungan Anak, murid lan waline pa-dha nglunjak, gurune sing kepenyak-

penyak.

***

MERGA pepenginane dadi Cawapres ora ditanggapi Jokowi, Muhaimin Iskandar Ketum PKB gawe poster JOIN sing karepe Joko­wi-Cak Imin. * Nganggo singkatan JO-MIN ora wani, kuwatir disengguh sim­pang Jomin Kab. Krawang sing kondhang macete.

***

JALARAN gugatan PT Freeport Indonesia dimenangake MA, Pemprov Papua kelangan pajeg banyu setaune Rp 3,5 trilyun. * Muga-muga hakim MA-ne pancen imun, disogok dhu­wit tangeh lamun, dhuwit gedhe dadi ebun, Pemprov-e Papua sing manyun!

***

TINIMBANG dadi isyu ora nggenah, Ketum Demokrat SBY ngajab Presiden Jokowi ngumumake pira gunggunge buruh asing. * Buruh asing bangsa Asiong sing jare mung 74.000 ewu, saiki wis ana 126.000. Nek ngono apa buruh iku mlebune ora weruh?

***

KUCIWA marang pemerintahan Jokowi, Mardani Alisera politisi PKS ada-ada gawe sesanti: #2019 Ganti Presiden. * Demokrasi saya maju, ganti presiden dipadhakake kaya ganti olie. Jaman Orde Baru, sing kepe­ngin ganti presiden malah bisa ganti alam.

***

LIWAT dispensasi Pengadilan Agama, KUA Bentaeng (Sulsel) kepeksa ngijabake penganten SY-FA sing lagi umur 15 lan 14 taun.

* Sajake kepanjingan Betara Drema-Dremi, yen ekonomine ngendelake der­mane wong tuwa, sing wedok bakale ndrememeng.

***    

FAHRI Hamzah darbe keyakinan, senajan saiki elektabilitas Capres Jokowi wis nggayuh 55 %, ning tekaning enggon malah rontok ora bisa maju. * Fahri Hamzah mono guneme pijer ora nggenah, logikane pikir bubrah, tujune Pileg 2019 Fahri empun kesah!

***

SAMSUDIN Simbolon juragan miras oplosan Bandung sing niwasake wong 45, kejaba dibeslah bandhane uga bisa diancam ukuman pati. * Dosane jan saarat-arat, wis di­gawe mlarat, nyawane oncat, ing ndo­nya wareg dihujat, mbuh nasibe ing ngakerat.

***

WAKIL Ketum Demokrat KRMTKRMT Roy Suryo dipenging Pak SBY omong ing media, amarga panemune mbingungake publik. * Politisi yen kakehan omong, guneme nggarahi ora dhong, sing krungu padha njontong, wekasane malah dilebokake tong.

***

PENYANYI Ahmad Dhani sing diadili merga kasus ujaran kebencian ing medsos, nekani sidhang nganggo jas nanging sirahe blangkonan. * Penyanyi gundhul, omongane cal-cul, rumangsa dudu wong jadul, nyenyan­dhang ya kaya kethoprak ucul.

***

(GTS)

 

Berita Terkait

Samak Minggu Ini

img

img

Sumber Semangat

Wong kang nglarani awakmu, yen dudu luwih kuwat ya luwih ringkih saka awakmu. Tumrape sing luwih ringkih saka awakmu, apu-ranen. Lan kang-gone kang luwih kuwat, apuranen awakmu dhewe.

Klik

PATUNG RASEKSA MAO ZHEDONG

Patung emas raseksa tilas pemimpin Cina, Mao Zedong ing desa Tongxu, Henan, Cina. Patung kang dhuwure 36,6 meter mawa cet emas iki madeg ing sandhuwure pategalane warga, ing desa Tongxu, provinsi Henan, Cina. Ragad kang dientekake kanggo mbangun patung iki kurang luwih Rp 6,3 milyar. Mao Zedong mujudake presiden pisanan negara pandha kang kuwasa suwene 27 taun. (d/ist)***

Pethilan

Rega pangan ngadhepi pasa dijamin

Pengin murah, tuku nang koran ae!

Gaya ngadibusanane Pres. Jokowi mujudake strategi komunikasi

Ana sing nggaya ote-ote uga

Legislator kena OTT KPK maneh. Ketua DPR Bambang Soesatyo nga¬jab iku kang pungkasan

Pungkasan sing korupsi apa pung­kasan sing konangan?