Bocah Sangang Taun dadi sing Paling Moncer ing Honda Dream Cup 2018
Diposting oleh : Administrator
Kategori: Olahraga - Dibaca: 78 kali

Awake cilik lan durung bisa ngontrol banget tung­gangane, nanging nalika kopling diculake lan gas dibleyer, dheweke kaya-kaya berubah.

Ya, jenenge Veda-Ega lan umure lagi sangang taun. Ing bangku sekolahe dheweke uga isih kelas telu SD.

Yen tanpa motor, helm lan wearpack, Veda-Ega kaya bocah umume, polos sarta isinan.

Nanging nalika dheweke wis migunakake wearpack, helm lan nunggangi motore, Veda mungil iki berubah dadi predator ing sirkuit.

Paling ora iku kang dirasakake dening pembalap liyane ing seri pertama Honda Dream Cup (HDC) 2018 kelas 150cc standar pemula U12. Kelas U12 iki mujudake kelas anyar ing HDC 2018.

Minangka ‘predator’, Veda pancen diwedeni lan sanggup dadi kang paling banter ing kelas iki. Ora main-main, jarake uga cukup adoh saka posisi kaloro apamaneh katelu.

 

Kacang Ora Ninggal Lanjaran

Veda kudu diakoni dadi bukti yen paribasan kacang ora ninggal lanjaran iku bener. Bocah umur sangang taun iki nduweni DNA pembalap kang kenthel, utamane saka bapake, Sudarmono utawa kang akrab disapa Momon.

Momon mujudake sawijining pembalap profesional kang wis suwe ambyur ing ja­gading balap nasional apadene inter­nasional. Nanging senajan duwe DNA balap saka bapake, Veda ngaku yen babar pisan ora tau dikon bapake melu balapan utawa dadi pembalap.

“Ora tau diutus dadi pembalap” tuture Veda. Kekarepane dadi sawijining pembalap justru muncul saka Veda dhewe. Lan anggone kebut-kebutan ora langsung ambyur menyang jagading Road Race, nanging Veda luwih dhisik nyoba offroad sajege umur patang taun.

“Aku miwiti saka offroad dhisik. Pisanan nyoba nalika isih umur patang taun” ujare.

“Offroad wis akeh dadi juara lan aku nyoba offroad nganti umur wolung taun” bacute.

Lan lagi sawise dheweke cukup mahir ing offroad, bapake ngakon Veda hijrah menyang Road Race. Dinane iki Veda wis nyoba jagading Road Race kurang luwih setaun.

“Aku pindhah menyang Road Race merga diutus bapak. Aku seneng kekarone (Road Race lan Offroad)” ujare sinambi ngguyu.

Mesthi wae amrih bisa dadi juara dudu perkara gampang, utamane kanggo bocah saumurane Veda iki. Latihan fisik super abot wis mesthi dilakoni dening Veda supaya fisike tetep kejaga, apamaneh motore uga duwe beban kang cukup abot.

“Biasane yen latihan iku mlayu, ngegym, lan latihan fisik sing liyane uga kayadene sepedhahan” ujare.

Saliyane latihan fisik kang abot, Veda pranyata uga kerep ngorbanake sekolahe amrih bisa tetep melu balapan. Nalika ditakoni apa tau mbolos sekolah, Veda ngamini karo rada isin.

Sing pungkasan, Veda uga nyritakake pesene bapake yen sadurunge budhal balapan. Momon tansah wanti-wanti supaya anake kuwi tenang sarta yakin bisa dadi pemenang.

“Pesene bapak kudu tenang lan kudu yakin supaya bisa dadi juara” pungkase. (d/ist)

 

Berita Terkait

img

Samak Minggu Ini

img

img

Sumber Semangat

Yen saperangan gedhe urip kita en­tekake kanggo mu­lang, mula kita bakal dikenal mi­nangka guru nali­ka kita ma­ti. Yen kita entekake wek­tu kita kang­go main, kita mati mi­nangka gamers.

Klik

PERANG TOPAT

Ing Lombok Barat, NTB, ana tradhisi unik kang arane Perang Topat. Tradisi iki digelar sasi November-Desember, utawa sawise panen lan sadurunge mangsa tandur maneh. Masyarakat suku Sasak lan warga keturunan Bali ing Lombok Barat nggelar ritual iki bebarengan ing Pura Lingsar. Puncake perayaan ditindakake kanthi tradhisi pujawali perang topat utawa padhadene nyawatake kupat ing antarane warga. Ora ana rasa mangkel utawa memungsuhan ing acara kang wis umur atusan taun iki, sing ana malah rasa sukacita tumrap warga kang beda-beda agamane ksb. (d/sit)***

Pethilan

Hoaks luwih ngrusak ing negara berkembang

Ana sing seneng rusak-rusakan

Wajib njaga legitimasi Pemilu 2019

Sauger menang, apa wae ditindakake

Pradebat capres batal, paslon gela

Sabar… ngenteni kasus dagangan 80 yuta iku lerem dhisik