Pil Koplo 4,8 Yuta Kasil Digagalake
Diposting oleh : Administrator
Kategori: Yak Opo Kabare - Dibaca: 169 kali

Wali Kota Surabaya Tri Rismaharini nesu marang tersangka

Wali Kota Surabaya Tri Ris­maharini sajak nesu banget. Ka­nepsone katon cetha nalika dhe­weke ngadhepi tersangka komplotan ubenge pil koplo wong enem kang ditangkep ang­­gota Polsek Tegalsari men­tas iki. Risma nakoni kepriye rasa-pangrasane para tersangka yen sing dadi kurbane anak-anake dheweke dhewe. Ana 4,8 yuta iji pil sing dibeslah petugas saka tangane para tersangka.

“Hey, yen namani adhimu utawa anakmu dhewe, kowe gelem?” ujare karo nuding pa­suryane salah sawijining tersang­ka nalika ‘rilis ungkap kasus’ ing Mapolrestabes Surabaya, Senin (23/4) kepungkur. Pitakonan iku diambali makaping-kaping. Para tersangka bisane mung ndhingkluk. Saperangan ana sing nutupi mripate. “Hey, wang­sulana!” panyentake Ris­ma. Nanging tersangka enem iki panggah mingkem.

Unit Reskrim Polsek Tegalsari mbutuhake wektu meh sesasi kanggo nangkep komplotan ke­las kakap kasebut. Kapolrestabes Surabaya Kombespol Rudi Se­tiawan ngandhakake, pangung­kape kasus kasebut sakawit saka pengembangan tangkepan BNNK Surabaya dhek Maret ke­pungkur. “Alhamdulillah bisa nylametake atusan ewu nyawa­ne anak,” ujare.

Kepala BNNK Surabaya AKBP Suparti ngandhakake, sasuwe­ne Januari engga April ana 84 bocah ing Surabaya kang dire­habilitasi. Dheweke mlebu dhaf­tar pasien kang ditangani BNNK merga ngosumsi narkoba. “Wi­wi­tane tansah ngosumsi pil ko­plo. Saiki sing dirawat jalan ana bocah 19,” ujare.

Ora beda karo Suparti, Risma nelakake keprihatinane marang kasus pil koplo sing kerep dite­mokake marang anak-anak iki. Dheweke nyritakake, petugas Satpol PP kerep nganakake ope­rasi marang anak sing lagi teler. Sawise dipriksa, pranyata dheweke ngosumsi pil sing ma­wa kodhe dobel L iku. “Mesak­ake anak-anak kira iki,” ujare.

Dheweke nambahake, anak Surabaya ora perlu wedi nga­dhepi masalah apa wae. Uta­mane masalah keluwarga. Bab iki dikandhakake jalaran sing nganggo pil koplo iku akeh-akehe lagi ngadhepi masalah keluwarga. “Kowe kabeh ora susah wedi. Ana aku lan Pak Ka­polrestabes sing bisa mbiyantu,” tandhese.

Pangungkapan kasus iki mu­judake rekor anyar ing Suraba­ya. Pangungkapan gedhe pung­kasan dianakake BNNK klawan barang bukti 588 ewu iji pil ko­plo. Saiki Polsek Tegalsari adoh ngliwati iku.

Rudi nyebutake, dheweke kagabung ing komplotan Jakar­ta kang nyangkutake komplo­tan lapas.

Sing ngiderake iku migunak­ake para napi minangka sales lan penghubunge para kurir. Para napi kang kesangkud ana ing Lapas Sidoarjo, Lapas Porong, lan Lapas Madiun. “Carane kerja temen-temen tumata banget,” ujare.

Kanitreskrim Polsek Tegalsari Iptu Zainul Abidin nyritakake, dheweke kanthi urut kasil nang­kep Edo, Endri Wijanarko, Mu­ham­mad Alimin, Ahmad Taufiq, Orlando Sanjaya, lan Stepvans Setiawan. Dheweke kabeh ditangkep ing kutha beda-beda. Yaiku, ing Tangerang, Jakarta, lan Surabaya. “Sesasi wutuh penyelidhikan iki ditindakake,” tandhese.

Komplotan kelas kakap iku kulinane ngirim pil koplo me­nyang Jawa Timur liwat dalan dharat. Jasa pengiriman sing digunakake duwe peraturan kang nguntungake. Sebab, ora ana pengecekan babar blas. “Nganti saiki anggotaku ana sing isih ing Jakarta kanggo pengem­bangan kasus,” ujare Kapolsek Tegalsari Kompol David Triyo Prasojo. (Bsh)

Berita Terkait

img

Samak Minggu Ini

img

img

Sumber Semangat

Yen kita sukses, bakal akeh ‘kanca palsu’ lan akeh ‘lawan nyata’. Ora usah perduli, tetepa dadi wong sukses apa wae kahanane!

Klik

DESA KANTHI PENDHUDHUK GOLEKAN

Desa Nagoro kang ana ing Jepang ndhisike dipanggoni atusan kepala keluarga. Nanging saikine kabeh mau wis owah. Sing ngenggoni mung puluhan wae, sing liyane wis padha tilar donya. Sing rada aneh saka desa iki, amrih ora sepi merga sithike pendhudhuk, akeh golekan kang dipasang ing ngendi-endi kanthi dipacaki kaya patrape menungsa tenanan. Kaya upamane lagi jagongan, nyapu, nyawah lsp. (d/ist)***

Pethilan

Kekarone capres ajeg nyapa calon pemilih

Wiwit selfie nganti aweh klambi

Anggaran pelatnas seret

Pengin emas, wenehana baki

Bab ngragati partai, parpol siap aweh data menyang KPK

Apik kuwi, katimbang menehi koruptor wae…