Sosok Guru Ingkang Njawani
Diposting oleh : Administrator
Kategori: Layang Saka Warga - Dibaca: 156 kali

Sosok Guru Ingkang Njawani

Sedherek sedaya, kula sampun maca anggitanipun kadang Gunarso (PS 13, 31 Maret 2018) bab sapatemon kalayan kanca-kanca sekolahipun lan Bapak Guru Ismadi. Miturut pamanggih kula seratan punika sae basanipun lan ingkang langkung prayogi, nggambaraken lan mameraken sosok guru ingkang anjiwani marwah pendhidhikan. Guru Ismadi (kula boten tepang) ngrakit sosok GURU ingkang “njawani”. Mekaten kedahipun jiwa guru.

Artikel punika wau njurung, ngangkat, drajadipun para guru. Jer ing kala semanten guru pantes lan kedah dados panutan, tansah digugu lan ditiru sarta teras kaemut. Mugi-mugi taksih kathah malih anggitan para sedherek sanes ingkang ngemot bab Guru, ingkang pancen keleres kala semanten pantes sanget digugu lan ditiru, mboten wagu tur kuru. Guru-guru kula kinurmat sakpunika sampun mboten wonten ingkang taksih sugeng, nanging kula taksih kemutan sadaya (sakpunika umur kula, pikantuk pangestu para sepuh, sampun ngancik 84 taun) asma lan dalemipun (ing Jepara, 1942; ing Salatiga1944 ing Purwodadi  Grobogan (1947-1948). Ugi bapak tuwin Ibu Guru ing Semarang (SMP II; SMA Bag. B- taun –taun 1949-1953).

Para guru kasebat maringi sangu kawruh urip ingkang migunani. Panjenenganipun sadaya madeg kenceng tut wuri handayani.

Nuwun.

Bambang Hidayat-—Bandung

 

Amrih Dalan Kutha Yogya Ora Macet

Wiwit taun 2015 dalan-dalan ing kutha Yogyakarta macet, mligine ing dalan P. Mangkubumi mengidul tekan titik nol. Macet yen pas ana weekend (Sabtu, Minggu), mobil-mobil plat non AB, padha golek liburan ngebaki dalan Malioboro.

Dalan Jokteng sepi, dina Setu kepungkur aku dolan menyang kutha Yogyakarta saperlu njupuk HR ing Koran KR, jalan P. Mangkubumi. Sakwise rampung urusane, aku banjur mubeng-mubeng kutha Yogyakarta. Asile, ora kabeh dalan macet, malah ing pojok beteng wetan lalin-ne lancar, ora macet.

Sing macet saka dalan P. Diponegoro Jetis tekan Titik Nol Yogyakarta, yen pas dina malem Minggu dalan ing Malioboro macet total. Aku usul, becike kutha Yogyakarta ditambahi ambane dalan-dalane, amrih kendharaan rodha papat ora tabrakan lan rebutan papan kanggo parkir. Nuwun.

Tri Wahyono-Godean, Sleman

 

 

 

Berita Terkait

img

Samak Minggu Ini

img

img

Sumber Semangat

Yen kowe weruh semut kepleset lan ceblok ing banyu, mula angkaten lan tulungana dheweke...  Sapa ngerti kuwi dadi sebab anane ampunan tumrapmu ing akherat mengko.

Klik

FESTIVAL CAGANARES

Caganers yakuwi sawijining festival kang dianakake saben wulan Desember ing daerah Catalunya utawa Barcelona, Spanyol. Festival iki bakal ndadekake sapa wae gedheg-gedheg. Kepriye ora, merga masyarakat ing kono ngumpulake maneka figur tokoh dunia kang lagi mbukak kathoke lan (ngapunten) bebuwang. Tokoh duniane macem-macem, kaya Ronaldinho, Albert Einstein, Michael Jackson, Donald Trump, Barrack Obama, lsp. Festival iki ngemu teges yen sapa wae satemene padha tanpa ndeleng trah utawa jabatane nalika bebuwang. (d/ist)***

Pethilan

LP Banda Aceh ribut, 113 napi kabur

Sapa sing betah nang pakunjaran?

Cawe-cawene guru ora bisa digenteni

Apamaneh sing jenenge Pak Google

600 dina kasus penyerangan Novel durung kawiyak

Aparat lagi asyik ngetung dina mbok­menawa