SL 17 / 2018
Diposting oleh : Administrator
Kategori: Sing Lucu - Dibaca: 205 kali

Semprul

Tangguh :     “Yul, awakmu ngerti, sapa sing mateni Calon Arang?” 

Yulio     : “Aku lali Ngguh.”

Tangguh :     “Masak gak ngerti, Yul?”

Yulio     :       “Gak ngerti, Ngguh. Lha sapa sing mateni Calon Arang?”

Tangguh :     “Ya musuhe ta Yul.”

Yulio     : “Oo... semprul!” (kir: Achmad EG)

 

Bedug

Bono : “Don, bedhekan yuk, yen esuk srengengene nang wetan, yen bedhug nang ndi???”

Dono : “Ya nang ndhuwur!”

Bono : “Ya salah!”

Dono : “Lha kok salah?”

Bono : “Sing bener ya nang mesjid ta, wiwit biyen nganti saiki ora pindhah-pindhah!”

Dono : “Oh ya, rika bener!” (kir: Mukhrisotun Khasanah)

 

Kucing

Narto   :       “Par, rika kan seneng ngingu kucing, nganti turu be dikeloni. Jal saiki takbedheki, nangapa kucing nek digodha nylinguk meng mburi?”

Parto   :       “Ora mung takkeloni, sepiring berdua mbarang. Amarga sing nggodha kuwi wong gagah. Jajal nek sing nggodha wong elek, ora nylinguk malah langsung mlayu.”

Narto   :       “Sepiring berdua? Kaya lagu bae. Jawabanmu ngawur! Kuwi lho kowe sing seneng nggodha prawan nganti padha mlayu, kowe kan wong elek. Haha….”

Parto   :       “Wah ngenyek banget. Adhimu be dhemen karo aku.”

Narto   :       “Lha apa iya?”

Parto   :       “Ya mbuh ya… Trus jawabane apa bedhekanmu kuwi?”

Narto   :       “Amarga kucing ora duwe spion. Jajal nek duwe, mesthi ora nylinguk.”

Parto   :       “Motor lha duwe spion. Haha….”

(kir: Hidayatul Mukaromah-Kebumen)

 

Upil lan Apel

Susi   :          “Ti, takbedheki ya. Apa bedane upil karo apel?”

Tuti   :          “Apa sih ya? Ora ngerti lhu. Aku senenge mangan apel karo ngupil. Haha…”

Susi   :          “Ihh…kemproh banget sih. Jawabane, nek apel kuwi ana ing ndhuwur wit, upil nang ngisor meja.”

Tuti   :          “Kuwi penggaweyanmu jaman SMP !”

Susi   :          ???? (kir: Hidayatul Mukaromah-Kebumen)

 

Basa Korea

Parno :        “Jare kabare kowe lagi ajar basa Korea?”

Pardi   :        “Iya bener, jalaran ditawani gaweyan nang kana!”

Parno :        “Saiki aku takon, nek tembung Hungdang nakdhuk dangpi nakger, apa artine?”

Pardi   :        “Oh iku artine, pohung diedang enak medhuk, wedang kopi enak seger.”

Parno   :           “Wah pinter lho?” Wis ayo diserbu, iki pohung karo kopine!” (kir: Pakne Andi)

Berita Terkait

img

Samak Minggu Ini

img

img

Sumber Semangat

Yen kowe weruh semut kepleset lan ceblok ing banyu, mula angkaten lan tulungana dheweke...  Sapa ngerti kuwi dadi sebab anane ampunan tumrapmu ing akherat mengko.

Klik

FESTIVAL CAGANARES

Caganers yakuwi sawijining festival kang dianakake saben wulan Desember ing daerah Catalunya utawa Barcelona, Spanyol. Festival iki bakal ndadekake sapa wae gedheg-gedheg. Kepriye ora, merga masyarakat ing kono ngumpulake maneka figur tokoh dunia kang lagi mbukak kathoke lan (ngapunten) bebuwang. Tokoh duniane macem-macem, kaya Ronaldinho, Albert Einstein, Michael Jackson, Donald Trump, Barrack Obama, lsp. Festival iki ngemu teges yen sapa wae satemene padha tanpa ndeleng trah utawa jabatane nalika bebuwang. (d/ist)***

Pethilan

LP Banda Aceh ribut, 113 napi kabur

Sapa sing betah nang pakunjaran?

Cawe-cawene guru ora bisa digenteni

Apamaneh sing jenenge Pak Google

600 dina kasus penyerangan Novel durung kawiyak

Aparat lagi asyik ngetung dina mbok­menawa