Carane Kalibrasi Baterei HP Android Manual Tanpa kudu Root
Diposting oleh : Administrator
Kategori: Aiti - Dibaca: 8 kali

Baterei mujudake komponen utama kang penting banget lan kabeh HP wiwit saka HP lawas nganti kang anyar mesthi komponen kang siji iki ora bisa dipisahake. Baterei dhewe gedhe peranane minangka su­plyer energi listrik marang komponen smartphone. Yen tumrap awak menung­sa, Baterei kuwi kayadene panganan. Tan­pa panganan menungsa bakal mati. Semono uga smartphone.

Keri-keri iki smartphone terus dicip­takake lan dikembangake, teknologi kang ditawakake terus ngalami owah-owahan saengga fitur ing njerone canggih ba­nget. Mula ora nggumunake yen saikine akeh wong kang ninggalake komputer banjur milih smartphone minangka gan­tine. Contone wae ing babagan streaming video, saiki ditindakake ing smart­phone uga bisa, saengga akeh wong kang luwih milih streaming liwat smartphone katimbang ing komputer.

Nanging ana sawijining masalah kang kerep muncul nalika nggunakake smartphone iku dhewe, ya masalah mau yakuwi daya tahan Baterei, dinane iki akeh smartphone kanthi spesifikasi kelas dhuwur nanging mung mampu tahan sa­wenehing jam wae. Senajan wis akeh smart­phone kanthi kapasitas Baterei gedhe, tetep ora bisa tahan suwe nalika terus-terusan digunakake.

Masalah liya kang sering muncul ya­kuwi Baterei kang kadhang error utawa gampang entek. Baterei kang wis suwe digunakake sering ana masalah, beda karo nalika smartphone isih tas tuku, Batereine lancar tanpa alangan. Nanging tenang wae, masalah iki saiki bisa di mi­nimalisir, yakuwi kanthi cara nindakake kalibrasi. Kanthi cara iki paling ora Bate­rei bakal bali normal utawa kondisine pulih kaya maune. Nanging, yen kondisi Baterei sadurunge wis parah banget lan dikalibrasi ulang ora kasil, mula solusine ya kudu tuku Baterei anyar kanthi kua­litas original.

Nah, kanggone kang pengin ngalibrasi Baterei sacara manual, kaya mangkene carane.

1. Charge Smartphone Android nganti  100% jroning kahanan urip, sawise kebak banjur patenana smartphone-ne.

2. Sawise Smartphone mati, charge maneh android ksb nganti kebak. Gatekna wae ing layar, indikator bakal nuduhake warna ijo utawa 100% yen Baterei wis kebak.

3. Saiki uripna maneh smartphone ksb,  banjur dicharge maneh nganti kebak 100%.

4. Sabanjure pigunakna smartphone mau, mbuh kanggo streaming, instagraman, nge-game lsp nganti smartphone ksb kentekan daya Baterei lan mati karepe dhewe.

5. Sawise mati, togna wae kira-kira 10-15 menit.

6. Langkah sabanjure yakuwi charge maneh smartphone android kuwi nganti kebak jroning kahanan mati.  Eling lo, aja diuripake yen Batereine  durung kebak.

7. Sawise kebak, saiki smartphone bisa  diuripake maneh.

Nah, kanthi cara mangkono kuwi, Baterei android kita wis kasil dikalibrasi sacara manual. Balenana maneh yen perlu nganti krasa asil lan bedane. Pan­cen kudu sabar lan disiplin. Nanging yen ora gelem repot mbolan-baleni, sajake bi­sa nyoba aplikasi kang jenenge Cur­rentWidget : Battery Monitor. Kita mung kari instal lan nindakake langkah-lang­kahe, mula Baterei bakal dikalibrasi kan­thi otomatis. (d/ist)***

 

Berita Terkait

Samak Minggu Ini

img

img

Sumber Semangat

Wong kang nglarani awakmu, yen dudu luwih kuwat ya luwih ringkih saka awakmu. Tumrape sing luwih ringkih saka awakmu, apu-ranen. Lan kang-gone kang luwih kuwat, apuranen awakmu dhewe.

Klik

PATUNG RASEKSA MAO ZHEDONG

Patung emas raseksa tilas pemimpin Cina, Mao Zedong ing desa Tongxu, Henan, Cina. Patung kang dhuwure 36,6 meter mawa cet emas iki madeg ing sandhuwure pategalane warga, ing desa Tongxu, provinsi Henan, Cina. Ragad kang dientekake kanggo mbangun patung iki kurang luwih Rp 6,3 milyar. Mao Zedong mujudake presiden pisanan negara pandha kang kuwasa suwene 27 taun. (d/ist)***

Pethilan

Rega pangan ngadhepi pasa dijamin

Pengin murah, tuku nang koran ae!

Gaya ngadibusanane Pres. Jokowi mujudake strategi komunikasi

Ana sing nggaya ote-ote uga

Legislator kena OTT KPK maneh. Ketua DPR Bambang Soesatyo nga¬jab iku kang pungkasan

Pungkasan sing korupsi apa pung­kasan sing konangan?