Tjakrawedana II
Diposting oleh : Administrator
Kategori: Banyumasan - Dibaca: 404 kali

“Ramane, inyong kepengin takon ming rika. Nang Ba­nyumas ana adipati Tumenggung Tjakrawedana. Lha nang kadipaten Cilacap, uga ana Tumenggung Tjakrawedana. Nu­rut rika, apa ana gandheng cenenge Tjakrawedana Ba­nyumas karo Tja­krawedana Cilacap?” takone mbekayu Sari, penyiar Banyumasan nang radio swasta niaga sing pancen sering olih takonan sekang pendhengar. Apamaning babagan seni, budaya lan sejarah wewengkon Banyumas.

Tjakrawedana Banyumas karo Cilacap pancen ana gan­dheng cenenge. Tjakrawedana Banyumas utawa Tja­kra­we­dana I kuwe adipati Banyumas sing uga kanjeng ramane Tumenggung Tja­krawedana II sekang Cilacap sing asmane, sedurunge dadi Adipati yakuwwe Tjakradimeja.

Nalika Kadipaten Dayeeuhluhur dibusek jalaran Kanjeng Adipati Tumenggung Prawiranegara dilereni, Dayeuhluhur digabug maring Purwakerta (Tumenggung Martadireja II utawa Adipati Paguwon). Kanjeng Tjakradimeja dijunjung dadi patih kuasa nang Cilacap. Wektu semono Tjakrawe­dana yuswane nembe 20 taun. Taun 1839 (2 Oktober), Tja­kradimeja jinunjung resmi dadi patih nang afdeling Cilacap, njuran diparingi pangkat Rangga.

Tahun 1847 Tjakradimeja derewangi daning Demang Can­dhuk lan Demang Gumelem, ngedegaken pendhapa Cilacap (sing njuran dijenengi Pendopo Wijayakusuma). Nalika pas nge­dekaken pendhapa, lahir putrakawitan sing diparingi asma Bagus Donan, sekang garwa hampeyan Nyi Ayu Tisna sing nurut sejarah, asli sekang Penyarang. Bagus Donan sing mengkone dadi adipati Cilacap ngganteni kan­jeng ramane kanthi asma Tumenggung Tjakrawedana III.

Kabegjane Tjakrawedana II tambah maning, jalaran sewise pendhapa dadi lan kagungan putra, pangkate uga munggah dadi Tumenggung. Ningen wilayah nyambut ga­wene egin tetep dadi onder regen lan  egin dadi wilayahe Banyumas.

Lha 2 Mei 1856, nalika yuswane kanjeng Tumenggung Tjakrawedana II 45 taun, jinunjung resmi dadi adipati Ci­lacap kapisan. Dadi seliyane trukah ngedegaken kadipaten Cilacap, kanjeng Tumenggung Tjakrawedana II sing asma sedurunge Tjakradimeja, uga dadi adipati kakwitan Cilacap.

“Ramane, angger kaya kuwe putra Adipati Banyumas Ka­sepuhan Tjakrawedana I dadi pimpinan nang Cilacap luwih sekang 40 taun ya Ramane?” takone mbekayu Sari.

“Bener Sari, Tjakrawedana II dadi penguasa nang Cila­cap luwih sekang 40 tahun. Mulai sekang kuasa patih Ba­nyumas Kasepuhan nang Cilacap, dadi rangga nganti dadi adipati diwiwiti tahun 1831 sewise Perang Diponegoro, nganti sedane nang Banyumas jalaran gerah taun  1873. Tumenggung Tjakrawedana II, pendiri Cilacap desarekaken nang Pesarean karangsuci Cilacap, nang sepinggiring Kali Donan. KLILAN

 

Berita Terkait

img

Samak Minggu Ini

img

img

Sumber Semangat

Yen kowe weruh semut kepleset lan ceblok ing banyu, mula angkaten lan tulungana dheweke...  Sapa ngerti kuwi dadi sebab anane ampunan tumrapmu ing akherat mengko.

Klik

FESTIVAL CAGANARES

Caganers yakuwi sawijining festival kang dianakake saben wulan Desember ing daerah Catalunya utawa Barcelona, Spanyol. Festival iki bakal ndadekake sapa wae gedheg-gedheg. Kepriye ora, merga masyarakat ing kono ngumpulake maneka figur tokoh dunia kang lagi mbukak kathoke lan (ngapunten) bebuwang. Tokoh duniane macem-macem, kaya Ronaldinho, Albert Einstein, Michael Jackson, Donald Trump, Barrack Obama, lsp. Festival iki ngemu teges yen sapa wae satemene padha tanpa ndeleng trah utawa jabatane nalika bebuwang. (d/ist)***

Pethilan

LP Banda Aceh ribut, 113 napi kabur

Sapa sing betah nang pakunjaran?

Cawe-cawene guru ora bisa digenteni

Apamaneh sing jenenge Pak Google

600 dina kasus penyerangan Novel durung kawiyak

Aparat lagi asyik ngetung dina mbok­menawa