Resolusi Industri IV: Pangancam lan Kalodhangan
Diposting oleh : Administrator
Kategori: Pangudarasa - Dibaca: 154 kali

Nganti abad XVII negara kita isih kena diarani negara agraris murni, pancèn ya durung ana industri apa-apa. Ing benua Eropa, wis akèh industri lan pabrik-pabrik senajan mesin-mesiné dimotori tenaga manungsa lan kéwan. Bareng James Watt nemokaké mesin uap, disambung anané sepur lan kapal api (angkutan massal sing nggunakaké mesin uap) sarta pabrik-pabrik uga padha nggunakaké mesin uap, kedadéyan iki sok disebut Revolusi Industri I. PHK massal saenggon-enggon, akèh pengangguran, tenaga manungsa dadi murah banget. Negara-negara Éropa guncang ekonominé. Miris lan mri­hatinaké.

Sawisé Benjamin Franklyn nemokaké listrik, pengem­bangan teknologi kena diarani mlumpat. Penemuan telegrap (Morse), Telepon (Alexander Graham Bell), Radio (Manconi) lan wiwit digunakaké minyak bumi, penguripan ing jagad dadi malik grémbyang, disebut Revolusi Industri II. Saben penemuan anyar mesthi nggawa kemajuan sing segnifikan, nanging uga njalari kurban. Ngasilaké pengangguran ing ngendi-endi. Penguripaning manungsa kaya saya gampang, arus informasi sing mauné dikuwasani pos (layang), ganti liwat elektronik.

Sawisé ditemokaké televisi, disusul perangkat digital nggentèni perangkat analog, ditemokaké komputer, internet, telepon genggam lan sabangsané. Perangkat komunikasi sing mauné kaya hébat luwar biyasa, saiki dadi barang kuna, mlebu museum. Mesin uap “tundhuk” pasrah bong­kokan marang Diesel sing bahan bakaré solar. Ing Éra Re­volusi Industri III iki fotografi ireng putih liwat prosès ing kamar gelap wis ganti elektronik sing berwarna, praktis, cepet, gampang lan akurat. Kedadéyan ing panggonan tinamtu, sumebar menyang saindengan donya mung jroning étungan menit. Bumi sing jembar dadi mung kaya bal saklapa gedhéné. Kita bisa mubeng njajah désa milang kori kanthi gampang tanpa metu saka kamar. Cekak gam­pangé, owah-owahan teknologi wis ngowahi jagad kanthi cepet banget. Revolusi Industri wis ngundhakaké produk­tivitas, sing uga mbuktèkaké yèn “akal” bisa ngalahaké “okol”, ateges yèn wong pinter, ahli ngèlmu lan teknologi mesthi menang mungsuh wong bodho.

Saiki, tanpa kita sadhari, kita wis mlebu ing Éra Revolusi Industri IV, utawa ana sing nyebut Industri 4.0. Kita ora bakal bisa nulak utawa nyélaki. Kemajuan lan owah-owahan iki ditandhani trend paling anyar teknologi sing super canggih, sing gedhé pengaruhé marang produksi ing sektor manufaktur; kalebu kecerdasan gawéyan, perdagangan elektronik, data raksasa, teknologi finansial, ekonomi ber­bagi nganti penggunaan robot. Pancèn isih dadi pitakonan bab tembé mburiné, apa bakal ngundhakaké PDB. Sing wis genah, mesthi bakal nyuda tenaga kerja sing bodho lan sing pinter (berpendhidhikan).

Banjur kepriyé kanggoné Indonesia ? ILO (Organisasi Buruh Internasional) naksir, Indonesia, Filipina, Thailand, Vietnam lan Kamboja bakal mindhahaké 56 % panggawé­yan ma­rang otomatisasi. Mula, kaya uga wis diandharaké pre­siden Jokowi, kita kudu fokus marang limang bab : 1. In­dustri makanan lan minuman, 2. Tekstil lan pakaian, 3. Oto­motif, 4. Kimia, lan 5.Elektronik. Bab mau sing tetep bisa duwé daya saing internasional. Kita kudu nyiapaké tenaga liwat pendhidhikan lan pelatihan ing limang bab mau supaya mengkoné tenaga kerja kita tetep bisa bertahan ngadhepi kemajuan teknologi ing Industri 4.0. Dampak Industri 4.0 bisa dadi kalodhangan sekaligus ancaman marang negara kita.

Ancaman nyuda tenaga kerja pancèn ora nganti anga­bèhi (menyeluruh), ananging pengaruhé bakal gedhé ba­nget marang bangsa kita lan negara ASEAN liyané. Yèn ora bener antisipasiné, bakal dadi ajur. Nanging yèn bener, bakal bisa bertahan terus, malah nggedhèkaké PDB, najan uga durung bisa secara gedhèn-gedhènan. Éwa semono, kita tetep kudu tata-tata lan ngawékani. Yèn kliru kita bakal ajur. Yèn pener kita bakal survive lan tetep megar lan kecu­kupan. (MW).

Berita Terkait

img

Samak Minggu Ini

img

img

Sumber Semangat

Yen kowe weruh semut kepleset lan ceblok ing banyu, mula angkaten lan tulungana dheweke...  Sapa ngerti kuwi dadi sebab anane ampunan tumrapmu ing akherat mengko.

Klik

FESTIVAL CAGANARES

Caganers yakuwi sawijining festival kang dianakake saben wulan Desember ing daerah Catalunya utawa Barcelona, Spanyol. Festival iki bakal ndadekake sapa wae gedheg-gedheg. Kepriye ora, merga masyarakat ing kono ngumpulake maneka figur tokoh dunia kang lagi mbukak kathoke lan (ngapunten) bebuwang. Tokoh duniane macem-macem, kaya Ronaldinho, Albert Einstein, Michael Jackson, Donald Trump, Barrack Obama, lsp. Festival iki ngemu teges yen sapa wae satemene padha tanpa ndeleng trah utawa jabatane nalika bebuwang. (d/ist)***

Pethilan

LP Banda Aceh ribut, 113 napi kabur

Sapa sing betah nang pakunjaran?

Cawe-cawene guru ora bisa digenteni

Apamaneh sing jenenge Pak Google

600 dina kasus penyerangan Novel durung kawiyak

Aparat lagi asyik ngetung dina mbok­menawa