Aplikasi Jagoan Matematika, Nanging Aja Kanggo Ngerpek ya!
Diposting oleh : Administrator
Kategori: Aiti - Dibaca: 17 kali

Kowe seneng pelajaran Matematika? Utawa malah paling males yen wis urusan karo angka? Sajake dudu mung pelajar wae sing kaya ngono. Sutresna PS liyane kadhang uga kangelan yen wis dikon nggarap soal-soal Matematika iki.

Kerep nalikane kita kangelan nggarap soal matematika lan butuh banget bantuan, pranyata ora ana wong kang bisa dijaluki tulung. Saengga dadi bingung dhewe. Mangka sesuk PR-e kudu dikumpulake! Nanging, selaras karo berkembange teknologi, pranyata saiki ana solusine kok. Nah, gatekna aplikasi-aplikasi cacah 5 ing ngisor iki kang bakal bisa mbantu kanca-kanca kabeh jroning nggarap soal Matematika kang ruwet kuwi. Penasaran? Ayo diwiwiti, nanging aja kanggo ngerpek alias nyontek ya!

 

1. PhotoMath

PhotoMath bisa diarani minangka guru Matematika kang ana ing njero handphone. Ya, aplikasi PhotoMath mujudake kalkulator kamera paling pinter ing donya. Kita cukup ngarahake kamera PhotoMath menyang soal matematika sing ora kita ngerteni, mula kanthi otomatis PhotoMath bakal nuduhake penjelasane lan jawabane. PhotoMath uga bisa dadi sarana sinau Matematika kang gampang lo. 


 

2. Rumus Free

Kanggone kanca-kanca kang kadhang bingung utawa lali karo rumus Matematika kang wis tau disinaoni, Rumus Free bisa mbantu. Kanthi sakehing rumus kayadene Geometri, Trigonometri, Matrix, Statistik, Intergration, lsp bisa mbantu kita nggarap soal-soal Matematika kang ora kita ngerteni. 

 


3. HomeWork Math Solver

Kanggone sing isih bingung utawa ora ngerti bab soal-soal Aljabar lan Aritmatika Dasar, aplikasi iki cocok kanggo sapa ae, merga aplikasi ik bisa nggampangake nggarap soal-soal Aljabar lan Aritmatika Dasar. Kita cukup nulis soal ing kolom soal-e lan sanalika iku uga kita bakal oleh penjelasan karo jawabane pisan kang pas. 


 

4. Myscript Calculator

Iki mujudake aplikasi kang majibake kowe nulis soal matematika nganggo tulisan tanganmu kaya yen kowe nulis ing buku ngono kae. Ya, kita cukup nulis soal-soal matematika kaya Akar Kuadrat, Trigonometri, Logaritma, lan Aritmatika, mula otomatis aplikasi iki bakal ngetungake jawabane. 

 

5. Math Expert

Aplikasi kanthi maneka rumus Matematika kang cukup lengkap iki bisa  didadekake aplikasi kang wajib kanggo didownload. Math Expert nduweni rumus Matematika akeh kang bisa  mbantu kita nggarap soal Matematika kang merlokake rumus. Saliyane Matematika, aplikasi iki uga bisa mbantu kita nggarap soal Fisika lo.

 

Piye kanca-kanca, saiki nggarap matematika dadi gampang to? Tapi awas, aja kanggo nyontek lo, merga sing rugi mengko kowe dhewe.

Sumangga. (d/ist)***

 

Berita Terkait

Samak Minggu Ini

img

img

Sumber Semangat

Wong kang nglarani awakmu, yen dudu luwih kuwat ya luwih ringkih saka awakmu. Tumrape sing luwih ringkih saka awakmu, apu-ranen. Lan kang-gone kang luwih kuwat, apuranen awakmu dhewe.

Klik

PATUNG RASEKSA MAO ZHEDONG

Patung emas raseksa tilas pemimpin Cina, Mao Zedong ing desa Tongxu, Henan, Cina. Patung kang dhuwure 36,6 meter mawa cet emas iki madeg ing sandhuwure pategalane warga, ing desa Tongxu, provinsi Henan, Cina. Ragad kang dientekake kanggo mbangun patung iki kurang luwih Rp 6,3 milyar. Mao Zedong mujudake presiden pisanan negara pandha kang kuwasa suwene 27 taun. (d/ist)***

Pethilan

Rega pangan ngadhepi pasa dijamin

Pengin murah, tuku nang koran ae!

Gaya ngadibusanane Pres. Jokowi mujudake strategi komunikasi

Ana sing nggaya ote-ote uga

Legislator kena OTT KPK maneh. Ketua DPR Bambang Soesatyo nga¬jab iku kang pungkasan

Pungkasan sing korupsi apa pung­kasan sing konangan?