Supaya ora lemu, Sawise Kakehan Mangan Perlu Detoks
Diposting oleh : Administrator
Kategori: Kasarasan - Dibaca: 228 kali

Terkadhang merga panganane enak-enak, kita lali yen wis mangan akeh. Kewaregen uga gawe padaran lara. Durung maneh klawan resiko ba­dan dadi lemu jalaran kakehan numpuke kalori njero badan.

Nah, supaya ora lemu merga kakehan mangan, wis wayahe kanggo nindakake detoksifikasi. Detoksifikasi iki perlu ditindak­ake kanggo netralake toksin (racun) njero badan. Mesthine uga kanggo mbiyantu nja­ga sistem pencernaan lan kasarasane ba­dan tetep seger. Sekabehane, kaya kang katur ing ngisor iki:

Jam 06.00-07.00

Sawise tangi turu, sethithike ngunjuk banyu putih sagelas. Dicuplik saka boldsky. com, klawan nginum banyu putih iki, kabu­tuhan cairan badan bakal kecukupan lan mbiyantu nglancarake sistem pecernakan sing sadurunge wis dikebaki dening sakeh­ing jinis panganan. Nginum banyu putih sadurunge sarapan iki uga wigati supaya uwal saka rasa muneg.

Sadurunge utawa pas jam 09.00

Sanajan dhek wingi wis kakehan ma­ngan, sarapan esuk kuwi aja nganti dilir­wakake ngono wae. Kita bisa memangan buah utawa panganan enthengan kang ora maregake banget kanggo ngrangsang sistem pencernakan bisa bali normal.

Antarane jam 12.00-13.00

Kanggo njaga gula darah tetep stabil lan njaga napsu mangan, wigati kanggo mangan saben 3 utawa 4 jam sepisan. Kita bisa me­mangan panganan kang ngandhut protein lan sayur sehat klawan karbohidrat sethithik kanggo nyukupi kabutuhan badan kita.

Jam 15.00-16.00

Ing jam-jam iki menawa wae kita bakal krasa ngelih maneh. Aja diumbar ngono wae, coba nggramih kacang-kacangan uta­wa woh-wohan kang ngawekani rasa ngelih.

Jam 17.00-18.00

Diprayogakake banget kanggo nin­-dak­ake olahraga ing jam-jam kasebut. Ora kudu olahraga sing abot-abot, cukup mla­ku-mlaku sante wae wis dadi salah siji cara kang ndayani kanggo ngebong kalori.

Jam 18.00-19.00

Mangan wengi  uga kudu digatek-ake. Pilih menu kang kalorine sethithik, ngan­dhut banyu akeh, lan akeh serat. Sup sa­yur samangkok bisa dadi pilihan kang trep.

Jam 21.00

Nah, saiki kang kita butuhake yaiku turu sing cukup. Badan kita diistirahatake kang­go mbalekake fungsi organ lumaku normal.

Njaga pola mangan wigati banget ditin­dakake kanggo njaga bobote badan tetep stabil lan kesehatan bisa jinaga kanthi be­cik. Muga-muga kawruh iki migunani. Di­eling-eling, uga aja nganti kewaregen lan kakehan mangan maneh ing dina-dina can­dhake. (Ist)

Berita Terkait

img

Samak Minggu Ini

img

img

Sumber Semangat

Yen saperangan gedhe urip kita en­tekake kanggo mu­lang, mula kita bakal dikenal mi­nangka guru nali­ka kita ma­ti. Yen kita entekake wek­tu kita kang­go main, kita mati mi­nangka gamers.

Klik

PERANG TOPAT

Ing Lombok Barat, NTB, ana tradhisi unik kang arane Perang Topat. Tradisi iki digelar sasi November-Desember, utawa sawise panen lan sadurunge mangsa tandur maneh. Masyarakat suku Sasak lan warga keturunan Bali ing Lombok Barat nggelar ritual iki bebarengan ing Pura Lingsar. Puncake perayaan ditindakake kanthi tradhisi pujawali perang topat utawa padhadene nyawatake kupat ing antarane warga. Ora ana rasa mangkel utawa memungsuhan ing acara kang wis umur atusan taun iki, sing ana malah rasa sukacita tumrap warga kang beda-beda agamane ksb. (d/sit)***

Pethilan

Hoaks luwih ngrusak ing negara berkembang

Ana sing seneng rusak-rusakan

Wajib njaga legitimasi Pemilu 2019

Sauger menang, apa wae ditindakake

Pradebat capres batal, paslon gela

Sabar… ngenteni kasus dagangan 80 yuta iku lerem dhisik