Oplosan Maut
Diposting oleh : Administrator
Kategori: Surabayan - Dibaca: 81 kali

“Lagu oplosan nek digatekna temen asline apik isine nuturi gae sing doyan mendem, apa ora eman dhuwite gae tuku banyu setan, tutupun botolmu tutupen oplosanmu emanen nyawamu aja mbok teruske mergane gak onok gunane. Emanen nyawamu aja mbok terus teruske mergane gak ana  gunane. Kae kanca-kancamu akeh sing padha gelimpangan ditumpakna ambulan.Tapine masiya wis kulina nyanyekna lagu niku wong-wong niku nek wis kadhung karem, ya gak direken. Akhire korban miras oplosan kelakon maneh ndhuk Jawa Barat, barek DKI gak baen-baen sing matek sampek onok wong 81. Encene asline nek ngeman rakyate kudune pemerintah kudu sing tegas, ojok diuber sing seneng  mendem-mendem tapine sing gae  sing kudu dicekel, terusan peredaran miras sing gak jelas niku temen-temen kudu diawasi. Artine ojok sampek onok sing ngedol barang haram niku,” omonge Ning Sumeh.

“Aku salut barek Wakapolri sing mrentahna ndhuk anak buah supaya “meratakan tanah” sing arane inuman ngandhut methanol niku. Diprentahna  kabeh Kapolda kudu meratakan dengan tanah kabeh prodhusen barek sing dodol miras oplosan,” kandhane Cak Bedja.

“Encene sing arane minuman keras niku wis ana kit kuna-makuna. Dibrantas tuntas ya gak isok  cumak sing arane miras oplosan niku kudu ilang saka  Indonesia. Nek jare Wakapolri korban miras oplosan niku asline luwih akeh tinimbang sing katon, ndhuk jabar 51 terusan ndhuk DKI wong 30 durung  sing ndhuk luar Jawa. Wakapolri mrentahna  Ramadhon sing arane miras niku kudu wis bersih”, sauté Cak Ari.

“Iya aku maca ndhuk Koran sing nggarahi wong-wong niku mati merga ndhuk miras oplosan niku ngandhung methanol, methanol niku ngrusak  organ lambung usus barek ati, paru paru, ngrusak fungsi pernafasan. Ya niku sing ngakibatna wong mati lemes. Jare campuran oplosan niku antara liya minuman energy, minuman ringan kang ngandhut karbon, sirup, banyu putih barek alcohol. Lha campuran niku sing nggarahi metune methanol, niki gak disadhari barek sing gae.” Pak Lik Dur melok urun rembug barek nyruput kopi.

(Sing gak arep miras : Cak Ari, Cak Bedjo, Pak Lik Dur barek Ning Sumeh).

Berita Terkait

img

Samak Minggu Ini

img

img

Sumber Semangat

Yen saperangan gedhe urip kita en­tekake kanggo mu­lang, mula kita bakal dikenal mi­nangka guru nali­ka kita ma­ti. Yen kita entekake wek­tu kita kang­go main, kita mati mi­nangka gamers.

Klik

PERANG TOPAT

Ing Lombok Barat, NTB, ana tradhisi unik kang arane Perang Topat. Tradisi iki digelar sasi November-Desember, utawa sawise panen lan sadurunge mangsa tandur maneh. Masyarakat suku Sasak lan warga keturunan Bali ing Lombok Barat nggelar ritual iki bebarengan ing Pura Lingsar. Puncake perayaan ditindakake kanthi tradhisi pujawali perang topat utawa padhadene nyawatake kupat ing antarane warga. Ora ana rasa mangkel utawa memungsuhan ing acara kang wis umur atusan taun iki, sing ana malah rasa sukacita tumrap warga kang beda-beda agamane ksb. (d/sit)***

Pethilan

Hoaks luwih ngrusak ing negara berkembang

Ana sing seneng rusak-rusakan

Wajib njaga legitimasi Pemilu 2019

Sauger menang, apa wae ditindakake

Pradebat capres batal, paslon gela

Sabar… ngenteni kasus dagangan 80 yuta iku lerem dhisik