Semarang Nyiapake Sirkuit MXGP
Diposting oleh : Administrator
Kategori: Olahraga - Dibaca: 339 kali

Pembangunan Sirkuit MXGP ing Semarang Jawa Tengah,  terus digelak amrih bisa digunakake kanggo ajang seri ka 13  MXGP suk 7 - 8 Juli 2018. Sirkuit sing dibangun ing lemah kang jembare 24 hektar ing laladan Bukit Semarang Baru mau diajap bisa rampung Mei.

Lintasan sirkuit kang lagi dibangun katon ing lemah abang mawa pola munggah mudhun ing sawetara bagiane. Sadurunge,  lahan duweke swasta iki mujudake alas wit karet.

“ Youthstream minangka kang tanggung jawab kelakone balapan, mbiji manawa kahanan lemah ing kono becik banget. Pihake  uga njaluk supaya lemah ora digawe rata, tegese dijarake wae kaya asline, “ kandhane  Kepala Dinas Kepemudaan lan Olah Raga kota Semarang  Gurun Risyad Moko, ing Semarang mentas iki.

Taun iki Indonesia kebagian nggelar rong seri MXGP urut urutan. Kota Pangkal Pinang, Kepulowan Bangka Belitung, bakal dadi tuan rumah seri 12 suk 30 Juni lan 1 Juli 2018. Diterusake seri 13 tanggal 7 - 8 Juli 2018 ing Semarang.

Dikira-kira bakal ana wong 1500 klebu kroser dunia lan kru-ne sing melu ing ajang balap motokros kelas dunia kasebut. Kagelare ajang iki diyakini bisa nuwuhake dampak positif tumrap mekare oleh raga motokros ing Indonesia, sarta tumrap ekonomi lokal.

“Ana efek dominone . Kang terang hotel-hotel wis padha dipesen, uga njurung marang payune pangedole souvenir, kuliner lan sapiturute” pratelane Gurun.

Sawise nggelar MXGP pemerintah  Kota Semarang bakal kerja bareng klawan Ikatan Motor Indonesia kanggo nggelar ajang-ajang liyane. Panggajabe para kroser Asia  apadene tingkat dunia padha kepencut melu lomba ing Semarang.

Menteri Pemuda dan OlahRaga (Menpora) ing sawijining kolodhangan ana Semarang  nuturake dene Indonesia dipercaya  nggelar rong seri  MXGP patut disukuri.  Jalaran ora gampang nggelar ajang balapan kang mujude gawe gedhe  ing tingkat dunia.

Menteri nguwuh supaya ajang kasebut dimanfaatake dening para kroser asal Indonesia.” Tak jaluk temenan supaya kroser Indonesia bisa nonton kepriye kroser-kroser dunia tandhing. Mesthi bakal padha mamerake ketrampilane sing paling apik. Iki wigati didadekake pelajaran tumrap kroser Tanah Air” ujare. (at)

Berita Terkait

img

Samak Minggu Ini

img

img

Sumber Semangat

Yen saperangan gedhe urip kita en­tekake kanggo mu­lang, mula kita bakal dikenal mi­nangka guru nali­ka kita ma­ti. Yen kita entekake wek­tu kita kang­go main, kita mati mi­nangka gamers.

Klik

PERANG TOPAT

Ing Lombok Barat, NTB, ana tradhisi unik kang arane Perang Topat. Tradisi iki digelar sasi November-Desember, utawa sawise panen lan sadurunge mangsa tandur maneh. Masyarakat suku Sasak lan warga keturunan Bali ing Lombok Barat nggelar ritual iki bebarengan ing Pura Lingsar. Puncake perayaan ditindakake kanthi tradhisi pujawali perang topat utawa padhadene nyawatake kupat ing antarane warga. Ora ana rasa mangkel utawa memungsuhan ing acara kang wis umur atusan taun iki, sing ana malah rasa sukacita tumrap warga kang beda-beda agamane ksb. (d/sit)***

Pethilan

Hoaks luwih ngrusak ing negara berkembang

Ana sing seneng rusak-rusakan

Wajib njaga legitimasi Pemilu 2019

Sauger menang, apa wae ditindakake

Pradebat capres batal, paslon gela

Sabar… ngenteni kasus dagangan 80 yuta iku lerem dhisik