Akhire Zumi Zola ditahan KPK
Diposting oleh : Administrator
Kategori: Dredah Masalah - Dibaca: 57 kali

Sawise luwih saka rong sasi nandhang status tersangka gratifikasi, Gubernur Jambi Zumi Zola Zulkifli akhire ditahan Komisi Pemberantasan Korupsi (KPK), Senin (9/4) kepungkur. Penahanan iku ditin-dakake sawise penyidik KPK nitipriksa tilas pemain sinetron lan aktor film ka-sebut suwene nggayuh sangang jam.

Zumi Zola teka ing gedhong KPK jam 09.58. Politikus Partai Amanat Nasional (PAN) iku langsung mlebu ruwang pemeriksaan ing gedhong KPK.

Bojone Sherrin Tharia kasebut nalika dipriksa didhampingi sawatara advokat. Agenda iku mujudake jadwal ulang pemeriksaan Zola nalika Senin minggu kepungkur (2/4).

Nanging, nalika iku pejabat kelairan 1980 kasebut ora nekani panggilan KPK kanthi alesan durung nampa surat panggilan. Kamangka, surat iku wis dikirim KPK menyang omah dhinese Zola seminggu sadurunge pemeriksa-an iku dijadwalake. Tim penyidik uga njadwal ulang pemeriksaan iku kepungkur.

Nah, sawise dipriksa suwene meh sangang jam, Zola metu saka ruwang pemeriksaan. Nalika jam 18.49, Zola mlebu kendharaan tahanan KPK lang-sung menganggo rompi oranye. Kaya nalika wiwitan mlebu gedhong KPK, Zola ora akeh omong. Dheweke mung mesam-mesem nalika ditakoni para wartawan sing nunggu ing lobi Gedhong KPK.

Juru Wicara KPK Febri Diansyah ngandhakake, penyidik nahan Zola kanggo 20 dina mengarep. Gubernur sing dilantik taun 2016 iku ditahan ing Rutan KPK ing Jalan HR Rasuna Said (gedhong lawas KPK). Penahanan ditindakake kanggo kabutuhan penyi-dikan. “ZZ (Zumi Zola, Red) ing rutan KPK sing mapan ing gedhong KPK kavling C-1,” ujare Febri.

Febri nambahake, penahanan ditindakake kanthi alesan subyektif lan obyektif slaras pasal 21 ayat (1) lan (4) KUHAP. Katemtuwan iku nyebutake, antara liya, penahanan ditindakake jalaran tersangka dinuga nindakake tindak pidana lan dikuwatirake mlayu, ngrusak barang bukti, lan/utawa mbaleni tindak pidana sing disangkakake. “Penahanan iku tamtu ana wates wektune,” ujare Febri.

Dheweke uga ngajap marang para saksi sing mengko dipanggil kanggo kasus kasebut asikep kooperatif. Klawan mangkono, proses hukume Zola bisa ditindakake kanthi cepet lan efisien. Pangajap iku nganggo pa­thokan marang ora tekane Zola ing papriksan sadurunge kanthi pawadan durung nampa surat panggilan. “Aku ngajap saksi-saksi sing liyane asikep kooperatif.”

Perlu kawuningan, Zola ditetepake minangka tersangka merga perkara panampane gratifikasi saka sakehing kontraktor proyek ing Jambi. Pane-tepan tersangka iku mujudake pe-ngembangan perkara beselan (suap) ‘kethog palu’ rancangan APBD Provinsi Jambi 2018, KPK uga netepake tilas Plt Kepala Dinas Pekarjaan Umum dan Perumahan Rakyat (PUPR) Jambi, Arfan minangka tersangka ing perkara kasebut. (Ist)

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan