Kurban Tiwas Miras Oplosan Nggayuh Wong 51
Diposting oleh : Administrator
Kategori: Dredah Masalah - Dibaca: 14 kali

Pemerintah Kabupaten Bandung netepake kedadeyan gegayutan miras (minuman keras) oplosan minangka kejadian luar biasa (KLB) situ­asional Selasa (10/4). Iku merga kur­bane terus tambah.

“Bisa diarani KLB situasional merga disebabake tumindak alane manungsa, dudu merga pageblug penyakit,” kan­dhane Kepala Dinas Kesehatan Kabu­paten Bandung Ahmad Kustiaji marang wartawan.

Nganti Selasa, cacahe kurban tiwas akibat miras oplosan wis nggayuh wong 51. Wong 41 ing antarane mujudake war­ga Cicalengka, Kabupaten Bandung. Si­sa­ne, wong 4 warga Kota Bandung lan 6 liyane warga Pelabuhan Ratu, Kabu­paten Sukabumi.

Kapolda Jabar Irjen Pol Agung Budi Maryoto mratelakake, pehake wis nang­kep wong-wong sing dodol miras oplosan “maut” kasebut. “Ing Polrestabes Ban­dung wong sing dodol miras wis ditang­kep. Banjur Pelabuhan Ratu lan Cica­lengka uga wis ditangkep,” ujare sabu­bare Coffee Morning bareng karo pasa­ngan calon gubernur/wakil gubernur Ja­bar papat, ing rangken nyiptakake pil­kada aman ing Bandung Selasa.

Kabiyantu BPOM lan kedokteran fo­rensik, tambahe Agung, tugas kapolisen saiki njupuk ‘sampel’ kanggo uji lab. Sing dijupuk kanggo uji lab antara liya sampel getih, uyuh, lan sampel sing dijupuk saka usus. Sampel kasebut dibandhingake karo inuman sing dikonsumsi para kur­ban. “Saiki wis dikirim menyang labo­ratorium forensik. Asile ditunggu wae nganti rampung,” tandhese.

Pehak kapolisen bakal tumindak njing­glengi perkara kasebut kanggo nyu­murupi asal usule miras, distributor, lan ja­ringane. Polda Jabar uga bakal nga­nak­ake kerja bareng karo Polda Metro Jaya kanggo nylidhiki gegayutane per­kara kang padha ing wilayah hukum Polda Metro Jaya. Ing Polda Metro Jaya ana kurban tiwas kasus miras oplosan kehe wong 31.

Saka Jakarta, Wakil Direktur Tindak Pidana Ekonomi Khusus Kombespol Da­niel Silitonga ngandhakake, ana ke­mung­kinan alkohol para pengoplos iku asale saka toko-toko kimia. “Sajake gam­pang kok olehe nemokake,” ujare. Saiki lagi dideleng kepriye fakta hukume mengko. “Sing genah, Polri mbudidaya supaya ora diambali maneh kedadeyan mangkene iki,” tandhese.

Sumber ing lapangan ngandhakake, salah siji sumber para produsen miras iku antuk alkohol yaiku penyelewengan supir truk pabrik alkohol. Crita cekake, para supir kasebut tuku miras saka pega­we pabrik. Banjur digawekake cara su­paya bisa digawa metu saka pabrik. Banjur didol menyang pengepul utawa kulina disebut para supir minangka BL.

Sapa para BL iku? Sumber iku ngan­dhakake, satemene para BL kasebut wong biyasa. Nanging, ana uga sing aparat kapolisen lan aparat liyane.

“Aku nate kok ngedhunake alkohol ing jalan tol. Banjur ana mobil sing ana lampu bi­rune ing kap-e sing njaga,” kandhane.

Nalika dijaluki katrangane, Kadivhu­mas Polri Irjen Setyo Wasisto ngandhak­ake, becike enggal dilapurake. “Sawise iku kita tangkep,” tandhese.

Saiki Polri nlesih asal-usule para pro­dusen miras oplosan iku anggone ngo­lehake alkohol. “Mesthi, sapa sing ngedol menyang tukang oplos iki dideleng,” ujare nalika dipethuki ing Hotel Diraja, Jakarta mentas iki. (Ist)

Berita Terkait

Samak Minggu Ini

img

img

Sumber Semangat

Wong kang nglarani awakmu, yen dudu luwih kuwat ya luwih ringkih saka awakmu. Tumrape sing luwih ringkih saka awakmu, apu-ranen. Lan kang-gone kang luwih kuwat, apuranen awakmu dhewe.

Klik

PATUNG RASEKSA MAO ZHEDONG

Patung emas raseksa tilas pemimpin Cina, Mao Zedong ing desa Tongxu, Henan, Cina. Patung kang dhuwure 36,6 meter mawa cet emas iki madeg ing sandhuwure pategalane warga, ing desa Tongxu, provinsi Henan, Cina. Ragad kang dientekake kanggo mbangun patung iki kurang luwih Rp 6,3 milyar. Mao Zedong mujudake presiden pisanan negara pandha kang kuwasa suwene 27 taun. (d/ist)***

Pethilan

Rega pangan ngadhepi pasa dijamin

Pengin murah, tuku nang koran ae!

Gaya ngadibusanane Pres. Jokowi mujudake strategi komunikasi

Ana sing nggaya ote-ote uga

Legislator kena OTT KPK maneh. Ketua DPR Bambang Soesatyo nga¬jab iku kang pungkasan

Pungkasan sing korupsi apa pung­kasan sing konangan?