Nggoleki Kanca Lawas
Diposting oleh : Administrator
Kategori: Layang Saka Warga - Dibaca: 170 kali


Aku alumni SMA Negeri 01 Ponorogo, tahun ajaran 1965/1966. Biyen gedhunge ana tulisane KOPERASI BAKTI ing jalan Bathara Katong.

Ing kene aku nggoleki kancaku lawas antarane asmane:

1. Tri Nartini (Tinton) biyen Kos ana daleme Pak Serat lurah Cokromenggalau Jl. Tirtotejo. Dene Tinton kuwi putrane Bapak Camat Barat Magetan.

2. Sekti Asri, mbiyen ndherek kangmas lan mbakyue ing Jl. Gatot Kaca (Mas Harto lan Mbak Sasi).

3. Siti Purwati biyen daleme Perumahan FD (Jl. Diponegoro putrane pak Kardi pulisi).

4. Sri Purminiati (daleme Madiun)

5. Bambang Supriono (Yoyon) (Ngawi)

6. Subagiyo (Badegan-Ponorogo)

7. Marianto

8. Titik Hermiasih biyen daleme Jl. Banda putrane Pak Herman kepala kantor PUK.

9. Muhtar biyen daleme Jl. Suropati sing tau main drama karo aku.

Drama Rara Mendut-Pranacitra, aku dadi Rara Mendhut, Muhtar Pranacitra sutradarane Bpk. Kaswo guru Basa. Indonesia.

Aku kepengin banget sambung silaturahmi, sareuni. Kita kabeh wis sepuh ora perlu Silaturahmi anjang sana cukup lewat telpon/Hp wae. Agustus taun iki umurku wis ndungkap 72 taun, aku biyen dadi guru ing SMP Negeri 03 Lumajang nganti purna tahun 2006. Anakku 3 putuku 6 sakwise pensiun keluwargaku lan bojoku kerep lara. Mulane aku lan bojoku banjur bali pindhah Ponorogo maneh. Alamatku: Perumahan Pinang Indah I/10 Jl. Cakraningrat Kel. Kauman Kec. Ponorogo Kab. Ponorogo.

Merga salah sijine anakku ana sing kerja ing PEMKAB PONOROGO, dene yen kanca-kanca ana sing maos LSW iki utawa sing ana hubungane karo LSW iki aku nyuwun kabar, senajan beda jurusan karo aku.

Aku biyen ing SMA Jurusan Sastra dan Budaya, sak bangku karo Tri Nartini (Tinton), No. Hpku: 081 358 444 188 nanging HP jadul sebab aku ora bisa WA-Wanan. Muga-mug LSW ku iki bisa diwaos kanca-kanca ing ngendi wae senajan beda jurusan lan aku tansah ngantu-antu kabar saka panjenengan.

Wucana cukup semene, titip salam kagem para putra wayah, dene yen ana kanca sing wis katimbalan. Innalillahi wainnaillaihi rojiun, mugi Allah maringi ngapunten sedaya lepat lan dosanipun, dipun tampi amal ibadahipun, dipun paringi ganjaran kaswargan. Amiinn. Matur nuwun sanget.

Aku sing tansah ngantu-antu kabar panjenengan :

Ririn Yoeharini  —  Ponorogo.

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan