Woh Pare Gedhe Kasiyate lan Bisa Nahan Virus HIV
Diposting oleh : Administrator
Kategori: Anyar Katon - Dibaca: 104 kali

Pare (momordica charantia) asline saka Asia tropis (India Barat) akeh tinemu ing laladan Assam lan Burma. Saiki wis nyebar tekan ngendi-endi. Ing Indonesia woh pare wis mujudake komoditi pertanian kang tembe mburine nengsemake. Saliyane regane sing  lumayan, wit pare jare kadang tani ora mempan saka serangan ama.

Miturut asil panaliten, ing 100 gram woh pare tinemu kandhutan kalori 29,00 kal, lemak 0,3 gram, proyein 1,1 gram, karbohidrat 6,6 gram, kalsium 45 miligram, zat besi 1,4 miligram, vitamin A 180 SI, Vitamin B 0,68 miligram, Vitamit C 52,0 miligram, lan banyu 91,20 gram.

Kejaba kandhutan ing ndhuwur, woh pare uga nduqweni kandhutan albiminoid lan zat warna. Ing kalangan herbal tradhisional, woh pare kang isih enaom kerep digunakake minangka obat diabetes (kencing manis), gangguwan pencernaan, obat malaria kang ampuh, penyakit kuning lan uga penyakit bronkhitis.

Malah godhonge sing rasane pait kuwi uga ngandhut protein, besi, kalsium, fosfor, vitamin A,B1 lan C kang nduweni khasiyat kanggo njaga rusake kulit kang diakibatake saka panase surya ultra violet saengga bisa nyegah anane dlemokan (flek) ing pasuryan.

Wiji pare sing wis tuwa ngandhut saponin, alkaloid, triterpenoid lan asam momordial. Wiji pare iki mujudake antioksidan kang kuwat kanggo nyegah tuwuhe sel kanker lan uga penuaan dhini.

 

Virus HIV

Miturut Profesor Lee Huang saka Univesitas New York, nemokake anane zat kang ngedab-edabi kang tinemu ing woh pare. Yakuwi senyawa anti virus HIV-AIDS. Zat iki sinebut alpha-momorchorin, beta momorchorin lan MAP 30 (momordica antiviral protein 30) tinemu ing wiji pare sing wis tuwa kuning utawa abang.

Kapsul isi wiji pare cukup ampuh kanggo nahan sumebare virus HIV-AIDS. Saka terapi pare iki wong sing nandhang virus mbebayani kasebut ing Amerika lan Thailand sacara klinis katon luwih sehat lan bobot badane mundhak. Para ahli kesehatan donya gedhe pangarep-arepe yen 10 taun kang bakal klakon kasil bisa nemokake obat kanggo wong lara HIV-AIDS. Virus iki minangka virus kang ndadekake kekebalane badane manungsa mudhun nyengkrek.

Saka panaliten liyane, University of Colorado, Amerika Serikat nemokake yen kandhutane woh pare bisa nyegah lan ngobati kanker payudara. Kabukten anane zat lesichin lan zat liyane kang bisa ngaktifake zat kekebalan kang tundhone bisa nglawan mrambate sel kanker payudara.

 

Ngati-ati

Woh pare pancen mujudake jinis sayuran kang migunani lan bisa kanggo ngusadani sawenehe lelara tinamtu. Nanging kita kudu eling, bocah-bocah lan ibu-ibu kang nembe ngandhut ora diolehake memangan woh pare iki. Sebab, woh pare ngandhut senyawa kang akibate bisanggugurake kandhutan. Dene mungguhing bocah cilik, dikuwatirake sayur pare kang dipangan bisa mrebawani kadar gula darahe bisa anjlog.

Pancen pare banget murakabi kanggo ngedhunake zat gula darah, nanging yen kita lagi ngunjuk obat-obatan saka dokter becike diwatesi anggone dhahar pare (sayur utawa jus) lan kerep kontrol laborat, kanthi pangajap supaya kadar gula darah kita ora drop. (FX.Suyatno)

Berita Terkait

img

Samak Minggu Ini

img

img

Sumber Semangat

Ora ana sing ora bisa diikhlasake...

Klik

OJEK MAYIT

Ojek mujudake salah sijine jasa angkut migunakake sepedhahmotor. Ing jaman modern saiki, jasa iki malah bisa dipesen liwat HP, yakuwi kang diarani Ojek Online (Ojol). Ojol ora mung ngeterake wong, nanging uga panganan, barang lan blanjan. Nanging senajan wis modern, pranyata ojol ing Indonesia isih klebu biyasa-biyasa wae. Beda karo ojek ing Kongo, Afrika. Ojek ing kene ora mung bisa ngeterake blanjan utawa panganan wae, nanging uga ngeterake mayit! Carane nggawa kanthi cara dibonceng ing mburi lan ditaleni rapet karo tukang ojeke. Maklum, mayit kuwi ora bisa nggamblok dhewe... (d/ist)***

Pethilan

Akibat anane lindhu, pegawe hotel lan restoran dikon prei

Ujian kanggo kita kabeh minangka bangsa Indonesia

Idrus Marham durung karep dadi justice kolaborator

Mbokmenawa isih bingung milih je­neng-jeneng kang pantes di-‘nya­nyek’-ake

Asil ing Asian Games 2018 dadi tetenger gumregah

Kabeh kanggo Indonesia