Woh Ackee Madu utawa Racun, Gumantung Mangsake
Diposting oleh : Administrator
Kategori: Kagunan Dapur - Dibaca: 225 kali

Mbokmenawa ing Nuswantara, mangsakan saka woh iki durung akeh. Nanging, ing warung makan gedhe, wiwit ana sing nyugatake. Yaiku olahan kang ngandhut ackee. Ackee utawa Blighia sapida sejatine isih saktrah karo woh leci. Woh iki asale saka tlatah Afrika Barat. Jeneng ackee uga dijupuk saka basa Akan, Ghana. Woh iki banjur dadi salah sijine woh khas Jamaika, sawise ngrembaka tekan kana ing abab 18.

Kaya woh-wohan umume, nalika isih mentah, ackee wernane ijo. Tansaya tuwa, woh bakal malih werna kuning, oranye, semburat abang. Sing nyleneh, woh ackee nalika isih mentah, ngandhut racun. Sing kewanen mangan woh kasebut bisa mumet, blokekan gumoh, lan malah bisa nganti nemahi pati. Dene yen wis mateng, ackee ngandhut vitamin C, kalsium, uga zat besi. Mula ya pancen ora kena nggragas yen kepengin memangan woh kasebut. Kudu ngenteni nganti mateng tenanan, lan diolah kanthi pener.

Kepriye carane ngerti yen woh kasebut wis mateng? Sejatine gampang wae. Yaiku kanthi ngematake nalika woh isih ing uwite. Nalika wis mateng, ackee bakale mlethek dhewe, lan ngatonake wiji-wijine sing wernane ireng njanges. Umume gunggunge wijine ana telu.

Banjur, perangan endi sing kena dipangan? Yaiku ing perangan mburine wiji ireng kasebut. Kaya-kaya maune dadi wungkuse wiji kasebut, wernane putih rada kuning, kaya woh rambutan utawa leci. Perangan kasebut arane arilus utawa salut biji.

Dene carane ngolah, woh ackee sing uwis mateng kasebut digodhog dhisik, banjur diolah bebarengan bawang, tomat, uga iwak laut. Olahan kasebut, ing jaman mbiyen, minangka lawuh sarapane para tenaga kasar. Nanging, saiki dadi salah sijine menu khas Jamaika sing kawentar. (prili)

Berita Terkait

img

Samak Minggu Ini

img

img

Sumber Semangat

Yen kowe ora nduweni apa sing mbok senengi, mula senengana apa kang mbok duweni dinane iki.

Klik

CUKUR WULU UNTA

Jroning ngadhepi riyaya qurban, ing Pakistan unta-unta kanggo keperluan kurban padha dicukur luwih dhisik amrih mbentuk wulu kanthi motif kang edipeni. (d/ist)***

Pethilan

Nom-noman Indonesia akeh tampil ing panggung jagad

Indonesia saya ‘mendunia’

Ormas dadi bandhul kang ngimbangi polaritas akibat pemilu

Parpol kang ngebot-eboti

Kerukunan kuwi modal penting pembangunan

Aja gelem digawe usreg terus