MotoGP Zarco Kepengin Munggah Podium Paling Dhuwur
Diposting oleh : Administrator
Kategori: Olahraga - Dibaca: 108 kali

Pembalap tim Yamaha Tech3, Johann Zarco atekad nuntasake balapan MotoGP seri Argentina (Minggu 8/4/2018) kanthi munggah podium paling dhuwur. Mo­tivasi Zarco kebrongot sawise gagal munggah podium ing balapan pambuka ana Qatar. Kamangka dheweke wis mimpin balapan nganti 16 lap. Peluang Zarco bisa menang ing balapan kasebut gedhe jalaran taun kepungkur dheweke tampil apik ing Argentina.

“Motivasiku kebrongot kanggo mba­leni ngebut kanthi wektu paling cepet, lan aku kepengin mimpin balapan ma­neh, kalodhangan iki becik banget kanggo ngranggeh impianku mau” ujare Zarco.

Pembalap asal Perancis mau yakin banget manawa time siap methik asil apik banget ing Amerika Latin.

Ana ing balapan seri Qatar telung wulan kepungkur , Zarco kasil mimpin balapan ngati 16 ubengan, nanging posisine terus mrosot merga ana ma­salah ing ban ngarep kendharaane.

“Aku mbudidaya nyiapake diri sa­becik-becike. Muga bisa kasil ngungguli saingan sainganku” tuture  Zarco.

Kancane nunggal tim Zarco, Hafizh Syahrin,  uga wis nyiapake dhiri sacara fisik lan nambah kawruhe kanggo nga­dhepi tantangan balapan seri ka loro ing Termas de Rio Hondo Argentina.

“Wiwit Qatar, aku mbudidaya sinau luwih akeh aku bisa nonton maneka aksi MotoGP taun kepungkur kanggo nde­leng apa kang padha ditindakake ing tataran qualifikasi lan balapan. Aku bisa oleh akeh pengalaman kanthi nggatek­ake balapan kasebut lan saiki aku kepengin ngadaptasi sing tak tonton kuwi ing akhir minggu iki,” ujare pem­balap asal Malaysia kasebut njlen­trehake.

Manager Tim Yamaha Tech3 Herve Poncharal yakin manawa montor Ya­maha YZR-Ml bakal bisa mlayu cepet ing sirkuit Argentina. “Taun kepungkur Zarco bisa ngranggeh poine kang kapisan ing MotoGP kanthi posisi urutan kang nomer 5, sawijining prestasi sing apik dibandhingake kualifikasine sing ala.

Hafizh uga kudu nyinaoni trek iki. Nanging sajege nggabung karo Yama­ha, dheweke impresif banget lan bakal bisa krasa nyaman karo kendharaan Ml ing sirkuit iki,” jlentrehe.

 

Rival Kuwat

Sauntara kuwi pembalap andel andele Repsol Honda, Marc Marques, nelakake sawise oleh kasenengan ana ing balapan kapisan, saiki wancine kanggo, nata ati, konsentrasi lan mbu­didaya amrih bisa mlayu luwih cepet maneh.

“Prasaku balapan iki banget binuka kanggo sapa wae kang bisa menang, jalaran akeh rival kuwat sing bisa wae ngungkuli bantere motorku” kandhane Marquez. **

 

Berita Terkait

Samak Minggu Ini

img

img

Sumber Semangat

Urip ing donya iki gawe kesel, merga akeh wong kang pengin mamerake bab-bab kang satemene dheweke ora nduweni.

Klik

BUKA PALING DAWA

Rekor buka pasa paling dawa ing donya, ana ing Hanover, Jerman mentas iki. Dawane nggayuh 10.2 km. Gunggung mejane 10.200 meja, lan sing melu buka ana wong 42.100. Acara iki wis kaca-thet ing Guiness Book Record. Iki nuduhake yen wong kang nggilut agama Islam ing Jerman saya akeh wae. (d/ist)

Pethilan

Janji-janji reformasi diajab enggal dicepetake

Janji kang dilalekake

Jamane reformasi wis 20 taun

KKN durung ilang uga

Bulog mesthekake stok beras aman nganti riyaya

Bab mundhak orane rega aja takon lo ya