Risma Nyepakake Lahan Kanggo Rumdin Kajati Jatim
Diposting oleh : Administrator
Kategori: Yak Opo Kabare - Dibaca: 38 kali

Wali Kota Surabaya Tri Rismaharini nindakake peletakan batu pertama pembangunan rumah dinas (Rumdin) Kepala Kejaksaan Tinggi (Kajati) Jawa Timur ing Jalan Ngagel 215-217 Surabaya, Selasa (3/4) kepungkur.

Rumah dinas iku manggoni lahan duweke PDAM Surya Sembada Surabaya jembare 1.100 meter pesagi.

“Dakucapake matur nuwun marang kejaksaan kang wis mbalekake aset-e Pemkot Surabaya,” kandhane Risma-paraban akrabe Tri Rismaharini-, kang didhampingi Kepala Dinas Pekerjaan Umum Bina Marga Jawa Timur, Gatot Hadi Sulistyo, makili Pemprov Jatim lan Kajati Jatim Maruli Hutagalung, sing bakal manggoni rumah dinas iki.

Sakehing aset, yaiku Gelora Pancasila ing Jalan Indra Giri, Jalan Kenari lan Kolam Renang Brantas, saiki isih lagi diupayakake supaya aset kasebut bisa bali.

Risma mratelakake, ora mung Kejaksaan Tinggi kang dibiyantu digolekake lahan. “Aku uga mbiyantu Komisi Yudicial kang durung duwe kantor. Jalaran ora ana kantore, mengko dakgolekake lahane,” ujare Risma.

Kanggo rumah dinase Kajati iki, dikandhakake, pehake mung nyepakake lahane. Dene ragade kanggo mbangun gedhong saka Pemprof Jatim. Mengko mung pinjam pakai,” tandhese Rasma.

Hibah

Ing tembe, yen ngarepake proses hibah menyang Kejaksaan Tinggi Jatim kudu liwat pasarujukane DPRD Surabaya.

“Dakajap omah jabatan sing sipate pinjam pakai enggal dihibahake wae menyang kejaksaan,” kandhane Kajati Jatim Maruli Huyagalung.

Malah, dheweke nambahake, sadurunge diresmekake pangajape omah jabatan iku wis dihibahake.

Wiwit taun 1962, manut Maruli, Kajati Jatim manggoni rumah dinas ing Jalan Jimerto 16. Omah iku mujudake silihan saka pamarentah.

“Mosok aku kudu ngenteni gantine Kajati anyar nduweni omah dinas nganti kaping 29,” pratelane.

Maruli dhewe kandha, satemene wis ana dhuwit kanggo rencana mbeciki gedhong lawas. Nanging, saka asil kerjasame Pemkot Surabaya lan Pemprov Jatim, akhire dipindhahake menyang gedhong anyar.

n (Bsh)

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan