Arta Rp. 20.000,- lan Rp. 2.000,-
Diposting oleh : Administrator
Kategori: Layang Saka Warga - Dibaca: 46 kali

Arta Rp. 20.000,- lan Rp. 2.000,-

Arta Republik Indonesia (model enggal) Rp. 20.000, lan Rp. 2.000,- …. Radi jumbuh…kathah kedadosan warga masyarakat ingkang ngalami kapitunan, amargi salah anggenipun mundhut. Niyatipun badhe nyusuki Rp. 3.000,- nanging ingkang dipun paringaken Rp. 21.000,-,  lembaran Rp. 20.000,- setunggal lan lembaran Rp. 1.000,- setunggal. Arta Rp. 20.000,-lan arta

Rp. 2.000,- senajan gambaripun benten, nanging warnanipun meh sami, ugi ukuran dawa lan ambanipun sami…

Kawula usul dhumateng ingkang kawogan (Pemerintah R I), mbenjang menawi nyetak arta enggal supados dipun rancang kados punika:

1.    Warnanipun benten (berbeda nyata) antawisipun arta setunggal lan setunggalipun.

2.    Ukuran (dawa lan amba) benten antawisipun aji (nominal) ageng lan sangadhapipun.

3.    Penulisan nominal jelas, upamanipun Rp. 100.000,-, Rp. 10.000,-, Rp 1.000,-, ugi  Rp. 20.000,- lan Rp. 2.000,-

Makaten, mugi wonten manfaatipun.

Tri Harjono, Jl. Mayjen Sutoyo I/95 Bondowoso.

 

Pengalamanku blanja nyang Easy Shopping

Maca PS terbitan nomer 10 / 2018 kaca 17, aku kok njur eling

pangalamanku melu-melu langganan blanja nyang Easy Shopping.Blanjaku wiwitane lancar, bareng aku blanja alat pemipil jagung, sak set pisau masak, lan sak set kunci pas bungkil kok ora dikirim-kirim kathik regane Rp. 1.006.000,- . Sawise tak surati aku ditanggapi kaping pindho liwat telpon.

Sepisanan tanggal 23-02-2018. Telpon kaping loro tanggal 24-02-2018

Isine telpon, aku kon ngirimne nomer rekening liwat BRI, tak jawab ora nduwe kirim wae liwat pos nanging ora isa, kudu liwat BRI. Wusana tanggal 24-02-2018 telpon maneh tak wenehi nomer rekening BRI. Bubar kuwi tak surati yen aku ya kirim nomer rekening liwat pos.

Diwangsuli tunggu seminggu utawa sepuluh dina transfer dhuwite kon ngungak nyang BRI. Bola-bali takon menyang BRI ora ana transfer nyang rekeningku, sing terakhir lehku nyang BRI tanggal 14 Maret 2018. Iki pengalamanku melu belanja Easy Shopping sedulur (a t). Aku titip salam nyang Easy Shopping ya? Matur nuwun.

Kadeni

RT 05 RW 01 Mojoarum, Gondang, Tulungagung 66263

Berita Terkait

Samak Minggu Ini

img

img

Sumber Semangat

Urip ing donya iki gawe kesel, merga akeh wong kang pengin mamerake bab-bab kang satemene dheweke ora nduweni.

Klik

BUKA PALING DAWA

Rekor buka pasa paling dawa ing donya, ana ing Hanover, Jerman mentas iki. Dawane nggayuh 10.2 km. Gunggung mejane 10.200 meja, lan sing melu buka ana wong 42.100. Acara iki wis kaca-thet ing Guiness Book Record. Iki nuduhake yen wong kang nggilut agama Islam ing Jerman saya akeh wae. (d/ist)

Pethilan

Janji-janji reformasi diajab enggal dicepetake

Janji kang dilalekake

Jamane reformasi wis 20 taun

KKN durung ilang uga

Bulog mesthekake stok beras aman nganti riyaya

Bab mundhak orane rega aja takon lo ya