Carane “Ngilangi” Stories Kanca kang Nyebelake ing Instagram, Tanpa Dingerteni Wonge!
Diposting oleh : Administrator
Kategori: Aiti - Dibaca: 8 kali

Sethithik akeh, kudu diakoni yen Instagram  pancen  nduweni ‘dampak’ marang panguripan sosial kita ing jagad nyata.

Kita bisa wae rumangsa ora penak yen ora aweh “love” marang postingane sahabatmu. Mangka, mungkin “love” iku ora ana hubungane karo sesambungan kekancan kita. Lan kang paling mbeba-yani yakuwi tombol unfollow.

Aweh unfollow kanca ing Instagram iku padha karo mungsuhi dheweke ing jagad nyata, iya ta?

Nanging piye ya, yen kita ora seneng karo postingan-postingane ing Insta­gram, utamane ing InstaStory, lan ora pengin ndeleng maneh?

 

Geneya InstaStory?

Dibandhingake ndeleng postingan ing Instagram kang ora urut, saiki wong lu­wih sering ndeleng Story.

Nanging kerep anyel pancen karo kanca kang seneng ngunggah Stories akeh banget, nganti-nganti garis-garis ing bagian ndhuwure saemper jaitan! Wkwkwkwk….

Arepe unfollow wedi konangan, na­nging rasane nyebelake yen ora di-un­follow.

Tenang, ing ngisor iki bakal kita we­nehi tips piye carane “ngilangi” Stories kanca kang nyebelake mau ing Insta­gram. Yakuwi kanthi migunakake fitur kang jenenge “Mute”. Kanthi fitur mute iki, kita bisa bebas saka Stories kanca kang ora pengin kita deleng maneh.

Carane gampang kok, kita mung kari tekan kang rada suwe ing Stories kanca kang nyebelake mau. Nganti metu pilihan “View Profile” lan “Mute”, pilih wae “Mu-te”. Dijamin wis! Kita ora bakal kegang-gu maneh dening Stories kanca iku.

Lan yen kita wis rumangsa siap kang­go ndeleng Stories-e maneh, kita mung kari nggeser Stories kang ana ing bagian ndhuwur Instagram mengiwa.

Stories kanca kang kita mute mau ba­kal ana ing panggonan paling mburi lan putih warnane.

Kari tekan kang rada suwe sarta pilih “Unmute”.

Gampang ta? Monggo dicoba! (d/ist)***

 

Berita Terkait

Samak Minggu Ini

img

img

Sumber Semangat

Aja nganggep awakmu tansah salah, uga aja nganggep awakmu tansah bener.

Klik

KAYA JELI

Iki dudu plastik utawa ager-ager jeli, nanging iki bangsane iwak. Jelase iki Plankton kang wujude bening. Jeneng latine yakuwi Salp (Salpingo-oophorectomy) mujudake kewan kang nduweni kaunikan kanthi kulit transparan. Saking transparane, akeh wong ngira yen plankton iki plastik bening kang ngambang ing laut. (d/ist)***

Pethilan

Saperangan gedhe kabutuhan bawang putih diimpor

Petani wis biasa nangis bawang Bombay kok!

Sertifikasi tanah kuwi program nyata, dhawuhe Presiden

Dadi sing apus-apus sapa iki?

Wakil rakyat saya adoh saka rakyat

Saya adoh, menyang segara wae!