Akreditasi Internasional Teknik Kelautan
Diposting oleh : Administrator
Kategori: Laporan - Dibaca: 21 kali

Minangka salah sijine pawiyatan luhur ing Nuswantara, Institut Teknologi Sepuluh Nopember (ITS) Surabaya tansah ngupaya ngundhakake kwalitase amrih antuk pangakon ing tingkat nasional, uga internasional. Durung suwe iki, Departemen Teknik Kelautan wis kasil antuk Akreditasi Provisional saka Indonesia Accreditation Board for Engineering Education (IABEE).

Sasuwene iki, IABEE kinawruhan minangka lembaga akreditasi internasional sing migunakake pathokan Washington Accord minangka salah sijine standar akreditasi internasional bidang teknik. Akreditasi IABEE negesake marang “implementasi pendidikan berbasis capaian pembelajaran” (outcome based education). Mula bisa njamin anane owah-owahan tumuju undhak-undhakan sing becik.

Kepala Departemen Teknik Kelautan ITS, Dr Eng Rudi Walujo Prastianto ST MT ngandharake, pangupaya iki wis ditindakake wiwit  November 2017 dening Sekretaris Departemen Teknik Kelautan, Dr. Yoyok Setyo Hadiwidodo, S.T., M.T, minangka koordinator, bebarengan tim persiapan akreditasi IABEE Teknik Kelautan.

Akreditasi tingkat internasional iki nduweni ancas nyengkuyung gegayuhan ITS, yaiku dadi World Class University (WCU). “Ora cukup akreditasi nasional wae sing kita butuhake kanggo mujudake WCU saka ITS ini,” ujare priyayi asli Bojonegoro kasebut.Rudi uga njlentrehake yen sadurunge, Departemen Teknik Kelautan wis antuk akreditasi A saka Badan Akreditasi Nasional Perguruan Tinggi (BAN-PT). “Dadi pancen wis wayahe mundhak maju ing tingkat internasional,” ujare pawongan klairan Mei 1971 iku.

Mula sawise didhaftarake lan melu sakehing pambiji, saka tahap wiwitan nganti visitasi dening para reviewer IABEE, wusanane Program Studi (Prodi) Sarjana Teknik Kelautan, Departemen Teknik Kelautan antuk akreditasi provisional tingkat internasional saka IABEE.

Akreditasi Provisional saka IABEE iki wis dipasrahake dening Ketua Persatuan Insinyur Indonesia (PII), Dr. Hermanto Dardak, nalika acara Dissemination of International Accreditation, IABEE Inauguration and International Seminar on Quality of Engineers ing Hotel JS Luwansa Jakarta. Bebarengan panampa akreditasi dening Rektor ITS Prof. Ir. Joni Hermana M.Sc.Es, PhD, akreditasi IABEE uga kanugrahake marang universitas lima liyane, yaiku Universitas Indonesia (UI), Institut Pertanian Bogor (IPB), Universitas Islam Indonesia (UII), Telkom University, lan Universitas Surabaya (Ubaya). (prili)

 

Berita Terkait

Samak Minggu Ini

img

img

Sumber Semangat

Urip ing donya iki gawe kesel, merga akeh wong kang pengin mamerake bab-bab kang satemene dheweke ora nduweni.

Klik

BUKA PALING DAWA

Rekor buka pasa paling dawa ing donya, ana ing Hanover, Jerman mentas iki. Dawane nggayuh 10.2 km. Gunggung mejane 10.200 meja, lan sing melu buka ana wong 42.100. Acara iki wis kaca-thet ing Guiness Book Record. Iki nuduhake yen wong kang nggilut agama Islam ing Jerman saya akeh wae. (d/ist)

Pethilan

Janji-janji reformasi diajab enggal dicepetake

Janji kang dilalekake

Jamane reformasi wis 20 taun

KKN durung ilang uga

Bulog mesthekake stok beras aman nganti riyaya

Bab mundhak orane rega aja takon lo ya