MANTAN
Diposting oleh : Administrator
Kategori: Rena-rena - Dibaca: 80 kali

MANTAN Mengko Maritim Rizal Ramli bingung, dene Menkeu Sri Mulyani mrentah Kemetri-an/Lembaga Negara blanja nganggo Kartu Kredit. * Duwe dhuwit utang, mek­sa blanja kanthi utang, negara pontang-panting rakyat melu kepenthung-pen­thung.

***

MBAH Amien Rais ngarani Jokowi mung “ngibul”, dundum sertipikat mrana-mrene, ning nyatane 74 % lemah RI dikuwasani asing. * Dundum sertipikat dianggep apus-apus, jan ora urus! Apa Mbah Amien ndakwa Jokowi durung pecus keselak besus?                                                                          

***

KETUM Gerindra Prabowo Subianto ngramalake wewaton nonovel Barat “Ghost Fleet”, Indonesia bakal bubar taun 2030. * Biyen ana Jangka Jayabaya, saiki ana Jangka Prabowo. Eman dhasare kok mung seka novel, isine mesthi wae magel tur gawe anyel.

***

NGADHEPI Pilkada Serentak 28 Juni, pemerintah ngajab KPK ngaso dhisik nangkepi jago Pil-kada sing padha dadi tersangka. * Ter­sangkane dhewe ora waspada, ngerti ana Pilkada kok ya tumindak mengada-ada, apa ora wedi bakal dadi narapi­dana?

***

NANGING minangka lembaga independen KPK ora merduli pamrayogane negara, penangkepan para tersangka tetep jalan terus. * KPK kepeksa nekad, awit sing (K)orupsi (P)ancen (K)eparat, numpuk bandha sak arat-arat, rikala rakyate isih mlarat.

***

TUMRAPE Gerindra, “Jangka Prabowo” mau minangka pepenget, ning manut pengamat ekonomi dhestun Indonesia bakal dadi negara ma­ju. * Senajan mung pepenget, na­nging rasane sumlenget, muga-muga du­du panemune wong ngawur ba-

nget.

***

OMBUDSMAN netepake, Gubernur DKI Anies Baswedan sing nutup Jl. Jatibaru kanggo PKL, nyalahi aturan lan yen tetep mbregudul bisa dinon-aktifake. * Mbelani PKL pancen hebat, nanging yen aturan diba-bat, sisip sembire dipisuhi: pejabat ke­nang sibat!

***

NYAK Sandang (91) saka Aceh, penyumbang pemerintah tuku pesawat taun 1950, dibantu Presiden Jokowi operasi katarak gratis, munggah kaji lan dibangunake mesjid. * Begja temenan, liyane mung entuk se­pedha genjotan, tur kudu mbadhe te­bakan.

***

H Rijiek sing suwe ana Mekah, manut Ketum PBNU KH Said Aqil Siradj kena wae Nya­pres sesaingan karo Jokowi, ning sing wi­gati mulih dhisik ngadhepi proses hu­kum. * Habib aja gemaib, pancen ana salat ghoib, nanging ora ana Capres ghoib.

***

PT JASA Marga ora kabotan, menawa pemerintah njaluk tarif tol kanggo truk angkutan barang di­udhunake. * Bisnise Jasa Marga pancen paling keserga, saben rong taun ngun­dhakake rega, ning kudu ngerti duga prayoga, butuhe rakyat ora mung sega.

***

KETUM Perindo Hary Tanu siap ndhukung Jokowi ing Pilpres 2019, nanging entek-entekane tawa awake dhewe: siap dadi Cawapres Jokowi. * Politisi kegedhen pamrih, nga­rih-arih kepengin dipilih, mung ngen­delake sugih, dudu lelabuhan luwih.

***

PERUSAHAAN taksi Uber ing Asia Tenggara klebu sing ana Indonesia, sidane diedol temenan ma-rang Grab. * Metu sepisanan Uber tan­sah diuber-uber saben Pemda, sajake pametune kurang luber, awit pelanggan padha miber, pengusahane gaber-gaber.

***

PARTAI Kebangkitan Bangsa (PKB) ngancam, yen Capres Jokowi ora enggal milih Cak Imin dadi Cawaprese, bakal ana Capres poros ka­telu. * Nek ngono apa PKB iku (P)artai (K)epengin (B)anget, nganti ora enget yen sing melik Cawapres akeh banget.

***

WALIKOTA Malang non aktif M. Anton dalah 18 anggota DPRD-ne padha dadi tersang-ka KPK, merga kasus suap pembahasan APBD-P 2015. * Nuruti napsu aluamah, tu­mindak dudu meksa ditemah, korupsi nganti berjamaah, wekasane buwi di­enggo omah.

***

 (GTS)

 

Berita Terkait

Samak Minggu Ini

img

img

Sumber Semangat

Wong kang nglarani awakmu, yen dudu luwih kuwat ya luwih ringkih saka awakmu. Tumrape sing luwih ringkih saka awakmu, apu-ranen. Lan kang-gone kang luwih kuwat, apuranen awakmu dhewe.

Klik

PATUNG RASEKSA MAO ZHEDONG

Patung emas raseksa tilas pemimpin Cina, Mao Zedong ing desa Tongxu, Henan, Cina. Patung kang dhuwure 36,6 meter mawa cet emas iki madeg ing sandhuwure pategalane warga, ing desa Tongxu, provinsi Henan, Cina. Ragad kang dientekake kanggo mbangun patung iki kurang luwih Rp 6,3 milyar. Mao Zedong mujudake presiden pisanan negara pandha kang kuwasa suwene 27 taun. (d/ist)***

Pethilan

Rega pangan ngadhepi pasa dijamin

Pengin murah, tuku nang koran ae!

Gaya ngadibusanane Pres. Jokowi mujudake strategi komunikasi

Ana sing nggaya ote-ote uga

Legislator kena OTT KPK maneh. Ketua DPR Bambang Soesatyo nga¬jab iku kang pungkasan

Pungkasan sing korupsi apa pung­kasan sing konangan?