Layang saka Sabrang
Diposting oleh : Administrator
Kategori: Cerita Cekak - Dibaca: 205 kali

Ora kanyana, lan wis lawas ora tau nggagas, lha kok ana layang saka Manila. Alamate jelas : Gracianus S. Reyes, 1025 Cortada Street, Ermi­ta, Manila, Philippines. To dear Suryadi, Mireng Rt. 09 Rw. 03 Trucuk, Klaten. Ora sranta amplop dak bukak. Layange nggu­nakake basa Jawa. Iku ora gawe gu­munku. Ngene unine :

Mas Suryadi kang minulya.

Nganti kliwat patang puluh taun aku nggoleki alamatmu, lagi ketemu saiki atas bantuane putrane bulik sing saiki tugas dadi dhokter ing Rumah Sakit Klaten. Garwane bulik, yaiku paklik dhokter Sigit wis pensiun lan kondur ing Magelang. Mas, aku maklum, awake dhewe biyen kapedhotan hubungan, sabab sapungkur­mu biyen aku nuli ditugasake menyang Mindanau, dadi juru rundhing pamarentah karo pehak separatis Moro. Aku dhewe ora bisa kirim layang merga ora ngerti alamatmu. Sing dakngerteni mung: asal­mu saka dhaerah Klaten.

Mas, crita liyane liya wektu disam­bung. Yen perlu nganggo telephone apa internet, awit saiki teknik komunikasi wis maju banget. Ing layang iki aku mung ke­pengin crita, yen aku biyen sida kelakon nikah karo Rizalina Macabali, anakku telu lanang-wadon-wadon, saiki wis padha ku­lawarga dhewe-dhewe. Dadi saiki aku pulih kaya nganten anyar.....he-he-he.

Semene dhisik, sabab aku ora yakin layangku iki bisa tekan sliramu apa ora. Yen bisa tekan tenan, liya wektu critane disambung maneh. Mula aku nyuwun kersaa mbalesi, kepriye critane lelakonmu samulihmu menyang Indonesia biyen. Ing ngisor iki daktulis alamat omahku saiki lan uga nomor telponku. Rizalina titip sa­lam kagem sliramu. Salamku saka tanah sabrang. Gracianus S. Reyes.

Sarampunge maca layang aku nje­greg sauntara. Trenyuh rasaku, nanging uga bungah dene ora kanyana bisa sam­bung maneh karo mitra raketku ing man­ca. Sakala aku kelingan gawang-gawang lelakon patang puluhan taun kepungkur.

Dhek semana, rampung kuliyah ing Stikes, aku oleh bea siswa tugas belajar pasca-sarjana menyang Filipina, njupuk program Master Sanitasi ing Institute of Hygiene Manila. Lagi telung sasi ing kana, aku kenal karo bocah lanang sing  gawe gawok rasaku, awit kenalku aneh banget. Sawijining bengi bakda Magrib aku dolan ing Luneta Park, taman kang endah ing pesisir teluk Manila. Aku lungguh nyawang kapal-kapal ing segara karo rengeng-rengeng nembang Sinom. Lha kok ana bo­cah lanang nyaketi karo nyapa kanthi basa krama .

“Menapa panjenengan saking Yog­yakarta?”

Aku noleh karo mangsuli, “Kula saking Klaten.”

“Oh, sak wetan Prambanan,” ucape karo ngulungake tangane. “Tepangaken, kula Gracianus Reyes.”

Daktamat-tamatake bocah iku. Yen nitik prejengane, wong Filipina karo wong Jawa iku angel dibedakake. Nanging

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan