Bal Raseksa kanggo Ngregengake Asian Games
Diposting oleh : Administrator
Kategori: Olahraga - Dibaca: 128 kali

Jroning mapag tekane Asian Games 2018, Kementerian Pemuda lan Olahraga Republik Indonesia (Kemenpora RI) bakal ma­jang 34 bal raseksa. Bal kang dhu­wure 3 meter iki bakal digelindhing­ake ing 34 provinsi kang ana ing Indonesia.

Rencana iki diandharake dening Menteri Pemuda lan Olahraga RI (Men­pora RI) Imam Nahrawi ing Ja­karta, durung suwe iki.

Ragat nggawe bal raseksa ksb ora migunakake Anggaran Pendapatan Be­lanja Negara (APBN), nanging do­nasi saka Hartono Motor kang mu­judake komunitas mobil-mobil antik.

Saikine, bal-bal raseksa mau lagi di­gawe dening para pengrajin ing Ma­jalengka, Jawa Barat. Yen wis ram­pung mengko, bal bal raseksa mau ba­kal dikirim menyang 34 provinsi kang ana ing Indonesia.

“Dak ajab marang panitia amrih temen-temen nindakake prosesi kang becik. Mengko sawise ana ing 34 pro­vinsi, masyarakat oleh nandhatanga­ni bal mau, lan Presiden Joko Widodo uga tandha tangan ing bal iku kok,” ujare Imam.

“Kira-kira 15 Agustus, bal bal ra­seksa mau wis ana ing Jakarta lan bakal diseleh ing GBK. Yen ing GBK kebak, kita bakal njejer ing ngarepe Kantor Kemenpora,” imbuhe Imam Nah­rawi.

Imam mbacutake, sakabehing bal raseksa iku bakal ana ing Jakarta ngan­ti Asian Games lan Asian Para Games 2018 rampung.

Sawise iku, kabeh bal raseksa ba­kal dibalekake menyang provinsine dhewe-dhewe lan dadi monumen Asian Games 2018. “Bal-e digawe saka kulit. Bener-bener bal asli, na­nging raseksa. Yen dudu kulit bisa dicoblos,” ujare Imam.

Rencanane, peluncuran proses bal raseksa bakal ditindakake tanggal 7 April 2018 iki ing Kantor Kemenpora, Jakarta.

Kegiatan ksb minangka simbol wujud paseduluran masyarakat Indonesia jroning ngregengake Asian Games 2018.

Lan, gegandhengan klawan ngge­lindhinge bal raseksa, uga bakal dia­nakake kegiatan arak obor kang dite­kakake saka New Delhi, India tanggal 15 Juli 2018 mengko. New Delhi dhe­we mujudake panggonanan pisanan anane Asian Games.

Geni obor iki sateruse bakal diu­rub­ake ing api abadi Mrapen, Kabu­paten Grobogan, Jawa Tengah tang­gal 18 Juli, lan banjur digawa me­nyang Candhi Prambanan saperlu di­anakake seremoni.

Sawise iku, obor diarak menyang 17 provinsi lan disowanake menyang Pre­siden Joko Widodo ing Jakarta tang­gal 17 Juli jam 20.00 WIB. Esuke langsung digawa menyang Gelora Bung Karno. (d/ist)***

 

Berita Terkait

Samak Minggu Ini

img

img

Sumber Semangat

Urip ing donya iki gawe kesel, merga akeh wong kang pengin mamerake bab-bab kang satemene dheweke ora nduweni.

Klik

BUKA PALING DAWA

Rekor buka pasa paling dawa ing donya, ana ing Hanover, Jerman mentas iki. Dawane nggayuh 10.2 km. Gunggung mejane 10.200 meja, lan sing melu buka ana wong 42.100. Acara iki wis kaca-thet ing Guiness Book Record. Iki nuduhake yen wong kang nggilut agama Islam ing Jerman saya akeh wae. (d/ist)

Pethilan

Janji-janji reformasi diajab enggal dicepetake

Janji kang dilalekake

Jamane reformasi wis 20 taun

KKN durung ilang uga

Bulog mesthekake stok beras aman nganti riyaya

Bab mundhak orane rega aja takon lo ya