SL 13 / 2018
Diposting oleh : Administrator
Kategori: Sing Lucu - Dibaca: 171 kali

Dony Keset

Guru   :        “Don! Geneya kowe ngalamun wae?”

Dony   :        “Mboten ngalamun pripun? Bapak kula wonten kantor polisi, ibu kula wonten rumah sakit.”

Guru   :        “Ya wis muliha wae!”

Guru   :        “Ibune dhong lara apa kok neng rumah sakit?”

Siswa sakelas  :  “Ibunipun Dony dokter, lajeng bapakipun polisi.”

Guru   :        ???!!! (Kir: Aris Irianti-Kutoarjo)


Bedhekan

Budi : “Tak bedheki omongan walikan, lan basa campuran.”

Iwan   :          “Okey, ndang bedhekana.”

Budi : “Apa sammu jik halokes?”

Iwan   :          “Apa masmu jik sekolah.”

Budi : “Kera kodew iku wanyik, ya?”

Iwan   :          “Arek wedok iku ayu, ya. Ah... dhasar mata keranjang! (Kir: Soebagjo-Kota Kediri)


Romantis

Antarane Rozaq karo Agus padha crita. Mangkene critane,

Rozaq :       “Wingi aku romantisan karo cewek lho Gus!”

Agus : “Lhe romantisan piye Zaq?”

Rozaq :       “Nanging bar kuwi aku dibalang sandhal.”

Agus : “Lha iya piye?”

Rozaq :       “Lha wong cewekku tak pasang kembang.”

Agus : “Dipasang kembang ya seneng.”

Rozaq :       “Lha wong aku le masang kembang nganggo kembang api!”

Agus : ????  (Kir: Aris Irianti-Kutoarjo)



Satus Seket

Ana ing Pasar Bringharjo, Turis Bule nyang-nyangan arep tuku tas ransel.”

Pedagang : “Mangga dipundhuti mister.”

Turis manca :        “Halga belapa?”

Pedagang : “Satus seket mawon.”

Turis manca :        “Kalo selatus lima puluh boleh gak?”

Pedagang : “Nggih mpun.” (Kir: Aris Irianti-Kutoarjo)



O T W

Tumini   :      “Sakiki kowe neng ngendi kang?”

Tumino :      “OTW mulih.”

Tumini   :      “OTW wis tekan ngendi?”

Tumino :      “Dikandhani OTW kok!”

Tumini   :      “Lha iya neng ngendi?”

Tumino :      “OTW ki aja takon wae.”

Tumini   :      ????? (Kir: Aris Irianti-Kutoarjo)


Aksara Jawa

Cenet : “Pri nek ing bahasa Indonesia huruf abjad ana piro jal?”

Supri  : “Ya ana 26 ta Net, lha ujarmu pira?”

Cenet   :       “Wah pinter kowe Pri, lha nek ing aksara Jan jumlahe 20. Saupama dibuwang SA_NGA gari  pira jal?”

Supri : “Ya gari 11 ta, ujare nyong bodho pa?”

Cenet : “Ha…ha…ha… ya kurang bener ta kang Supri, nek kaya iku. Wong aksara 20 Jawa dibuwang SA lan NGA ya gari 18 ta.”

(Kir: Agus Supriyanto-Kebumen)

 

Berita Terkait

Samak Minggu Ini

img

img

Sumber Semangat

Urip ing donya iki gawe kesel, merga akeh wong kang pengin mamerake bab-bab kang satemene dheweke ora nduweni.

Klik

BUKA PALING DAWA

Rekor buka pasa paling dawa ing donya, ana ing Hanover, Jerman mentas iki. Dawane nggayuh 10.2 km. Gunggung mejane 10.200 meja, lan sing melu buka ana wong 42.100. Acara iki wis kaca-thet ing Guiness Book Record. Iki nuduhake yen wong kang nggilut agama Islam ing Jerman saya akeh wae. (d/ist)

Pethilan

Janji-janji reformasi diajab enggal dicepetake

Janji kang dilalekake

Jamane reformasi wis 20 taun

KKN durung ilang uga

Bulog mesthekake stok beras aman nganti riyaya

Bab mundhak orane rega aja takon lo ya