LSW 13 / 2018
Diposting oleh : Administrator
Kategori: Layang Saka Warga - Dibaca: 10 kali

Waluyan Bab: Ngleresaken Ukara Ingkang Lepat

Katur Mbah Kasnohoedojo, ing Gedung Mulyo RT. 03, RW 03, lasem Rembang! Matur nuwun banget, dene panjenengan paring panyaruwe, ngleresake cakepan-cakepan sekar Macapat pupuh Pangkur, ing irah-irahan tulisanku kanthi irah-irahan; MANJING AJUR AJER. Ya maklum, mbah. Lha wong tembang mau wis “kawak awu”. Pangkur kang purwaning gatra kanthi cakepan: PARA KANCA SUMURUPA, lst. Iki aku mung maca tulisane kamasku RM Tridaja Kusumasardjono (suwargi) ing taun 1950. Malah kebeneran banget, sisan nggawe, aku nyuwun pirsa ganepe Tembang-tembang kuna kang cakepane mangkene:

1. DHUH WONG WADON, ANENG NGENDI NAK-ANAKMU (MEGATRUH).

2. NIMAS RATU KALINYAMAT. (PANGKUR)

3. LAMUN BENJANG YEN PALASTRA (SINOM)

Dene panjenengan ngersakake bacute tulisanku MANJING AJUR AJER (3), iki dak aturi, ndilala ngrembug bab pahargyan I M L E K. muga-muga ditampa dening Redaktur PS. Nuwun.

Rama Setyadji Pantjwidjaja – Kusumanagara Singa III/4 Semarang, Tlp. 024-6711288

HP KRT. Harta ta RK, SE: 081 5650 1942

 

 

Nggoleki Kanca Lawas

Lumantar LSW iki..aku nggoleki kancaku SMPsing jenenge Mustajab (umur kira-kira 51 th).

Alamat asale Buyutan, Banyurejo, Tempel  —  Sleman, Yogya. Biyen sekolah ing SMP Sendangsari Minggir klas C....kabare saiki manggon ng Surabaya..

Mbokmenawa ana sing kenal karo Mustajab...tulung hubungi aku.Samsul Arifin..085292955156.(sms/telp/WA)..utawa hubungi : Agus Supangkat (klas D) ing KBS (WA 081553260904)..utawa Nur Ismanto ing Sidoarjo (WA 082131355337).

Awit ing taun iki arep dianakke Reuni Alumni SMP Sendangsari th 83. Marang para kanca saangkatan sing ngerti utawa bisa sesambungan, tulung supaya bisane sesambungan karo aku, dimen lestari anggen kita kekadangan lan seduluran.

Nuwun. 

Samsul Arifin. Tobayan, Minggir, Sleman

Berita Terkait

Samak Minggu Ini

img

img

Sumber Semangat

Aja nganggep awakmu tansah salah, uga aja nganggep awakmu tansah bener.

Klik

KAYA JELI

Iki dudu plastik utawa ager-ager jeli, nanging iki bangsane iwak. Jelase iki Plankton kang wujude bening. Jeneng latine yakuwi Salp (Salpingo-oophorectomy) mujudake kewan kang nduweni kaunikan kanthi kulit transparan. Saking transparane, akeh wong ngira yen plankton iki plastik bening kang ngambang ing laut. (d/ist)***

Pethilan

Saperangan gedhe kabutuhan bawang putih diimpor

Petani wis biasa nangis bawang Bombay kok!

Sertifikasi tanah kuwi program nyata, dhawuhe Presiden

Dadi sing apus-apus sapa iki?

Wakil rakyat saya adoh saka rakyat

Saya adoh, menyang segara wae!