SL 12 / 2018
Diposting oleh : Administrator
Kategori: Sing Lucu - Dibaca: 54 kali

Pak Guru

Guru : “Coba gaweya ukara cekakan warung, lan apa tegese!”

Warji :        “Warnet, warung internet.”

Adi   : “Wartel, warung telekomunikasi.”

Kardi   :        “WTS... anu... pak...”

Guru   :        “Hus... ora pareng.”

Kardi   :        “Anu kok pak, warung tengah sawah.”

Guru   :        ?????  (Kir: Soebagjo, Kediri)


Mukhidi karo Si Bule Senggolan

Mukhidi             :   “Im sorry, Sir...”

Si Bule               :   “Im sorry too.”

Mukhidi             :   “Im sorry three...”

Si Bule (bingung)    :        “Sorry for...?”

Mukhidi             :   “Sorry five.”

Si Bule (bingung)    :        “Are you Sick?”

Mukhidi             :   “No Sir, I’m seven...”

Si Bule (mumet) : !!!! (Kir: Haura Arzaqi W, Kutoarjo)


Bangsawan

Tarjo   :        “Aku sakbare pensiun iki, aku saiki dadi Bangsawan!”

Tarno :        “Lho kok bisa, kowe dudu turunan Raja kok dadi bangsawan?”

Tarjo   :        “Isa wae, aku wis pensiun terus dadi Bangsawan yaiku bangsane tangi awan, lha wis ora nyambut gawe je!”

Tarno :        “Sontoloyo kowe, sing ngrungokake tenanan je!”

(Kir: Gunarso W, Yogya)

 

Jenengku Angel

Guru  : “Jenengmu sapa ndhuk?”

Siswa   :       “Dipanggil Angel mawon bu guru!”

Guru : “Wah jenengmu unik la yen neng omah celukane sapa?”

Siswa   :       “Menawi simbok ngundang Dika, menawi bapak nimbali Dani.”

Guru : “Wah... jenengmu pancen huapik tenan. La jane jenengmu sapa?”

Siswa   :       “Ha... ha... ha...”

Guru : “Lha piye ta? Jenengmu sapa?”

Siswa   :       “Angel dikandhani bu.”

Guru    :           ?????  (Kir: Aris Irianti, Kutoarjo)

Berita Terkait

Samak Minggu Ini

img

img

Sumber Semangat

Aja nganggep awakmu tansah salah, uga aja nganggep awakmu tansah bener.

Klik

KAYA JELI

Iki dudu plastik utawa ager-ager jeli, nanging iki bangsane iwak. Jelase iki Plankton kang wujude bening. Jeneng latine yakuwi Salp (Salpingo-oophorectomy) mujudake kewan kang nduweni kaunikan kanthi kulit transparan. Saking transparane, akeh wong ngira yen plankton iki plastik bening kang ngambang ing laut. (d/ist)***

Pethilan

Saperangan gedhe kabutuhan bawang putih diimpor

Petani wis biasa nangis bawang Bombay kok!

Sertifikasi tanah kuwi program nyata, dhawuhe Presiden

Dadi sing apus-apus sapa iki?

Wakil rakyat saya adoh saka rakyat

Saya adoh, menyang segara wae!