Pinter Keblinger
Diposting oleh : Administrator
Kategori: Surabayan - Dibaca: 41 kali

“Aku maca ndhuk Koran, mahasiswa telu salah siji universitas ndhuk Surabaya dicekel polisi merga dinuga ngrusak system jaringan computer ndhuk Los Angeles. Polisi LA njaluk tulung polisi Indonesia supaya nggoleki hecker sing ngganggu system IT-ne. Marine kecelel tibake hecker iku mau isik mudha-mudha, isik kuliah, umure selikur taunan. Niki gae gumun, arek-arek niku encene kepinterane ndhuk bidang IT luar biasa, diatas rata-rata rewange. Nek aku ngarani niku arane pinter keblinger, duwe kepinteran tapi disalahgunakna. Soale gak gampang lho dulur sampek isok ngrusak system IT ndhuk peru­sahaan utawa kantor apa maneh niku ndhuk LA. Aku ya ngarani arek-arek niku hebat, sayange ya niku mau gae nindakna kejahatan, embuh engkuk nasibe arek telu niku pas ngadhepi hukum.”

“Aku kadhang ya heran apa arek-arek tah sing arane hecker niku senenge ngrusuhi IT ne wong liya tujuane apa tah muk sabotase tah butuh liyane maneh sing awak dhewe asline gak eruh apa tujuane hecker niku mau. Soale perkara hecker sing dicekel polisi gak muk pisan niku tapine wis bolak balik,” sauté Cak Bedjo.

Cak Ari melok omong, “Aku ya gak pateka dhong barek sing arane kelakuane hecker niku mau, cumak capet-capet aku nate krungu, nek sing arane hecker niku mlebu ndhuk system IT ne wong liya niku akeh tujuane, cumak sing akeh ya masalah motivasi telek dhuwik. Si Hecker ngretas ndhuk system IT ne perusahaan. Terusan si Hecker gelem mbalekne system niku koyok maune, gak dirusak, nek perusahaan niku gelem mbayar, bayarane pira niku sing terus nyang-nyangan, perusahaan nek sampek sistem komputere dirusak takditahan gak isok dibukak ya rugi gedhe mergane data-datane pulih ilang kabeh, lha gae ndandani komputere niku maneh gak gampang gek kelangan data sing larang regane, makane geleke perusahaan niku polih gelem mbayar larang, pokoke sing arane system IT balik apik maneh, barek bisa diakses. Lha niku nek sing dileboni system bank, hecker isok mindhah isine rekening ndhuk rekening liyane. Koyok sing mari kedadeyan ndhuk Kediri.”

“Awak dhewe wis tuwek gak eruh sing arane kejahatan IT niku, nek arek saniki ngomonge ya niku sing arane kejahatan jaman now. Awak dhewe wis gak nutut,” sauté Paklik Dur.

(Sing isoke muk gedhek-gedhek: Cak Ari, Cak Bedja, Pak Lik Dur barek Ning Sumeh)

 

Berita Terkait

Samak Minggu Ini

img

img

Sumber Semangat

Aja nganggep awakmu tansah salah, uga aja nganggep awakmu tansah bener.

Klik

KAYA JELI

Iki dudu plastik utawa ager-ager jeli, nanging iki bangsane iwak. Jelase iki Plankton kang wujude bening. Jeneng latine yakuwi Salp (Salpingo-oophorectomy) mujudake kewan kang nduweni kaunikan kanthi kulit transparan. Saking transparane, akeh wong ngira yen plankton iki plastik bening kang ngambang ing laut. (d/ist)***

Pethilan

Saperangan gedhe kabutuhan bawang putih diimpor

Petani wis biasa nangis bawang Bombay kok!

Sertifikasi tanah kuwi program nyata, dhawuhe Presiden

Dadi sing apus-apus sapa iki?

Wakil rakyat saya adoh saka rakyat

Saya adoh, menyang segara wae!