Silating “Danau Toba”ne Pemalang !
Diposting oleh : Administrator
Kategori: Plesir - Dibaca: 269 kali

Minangka obyek wisata kondhang Tlaga Silating ana ing Desa Sikasur Kec. Belik Kab. Pemalang, Jateng, sing loka­sine kang gampang dituju, sekitar 33 km menyang ngidul saka kutha Pemalang,  saliyane ora adoh saka dalan gedhe/aspal uga akeh angkutan kendharaan kang bisa kanggo tumpangan, menawa ora nggawa montor utawa mobil dhewe.

Kanggo pinuju menyang tlaga Sila­ting, ancer-ancere saka kutha Pemalang bisa numpak bis umum jurusan Pemalang-Purwokerto lan mudhun ing Desa Sikasur, iki kanggo nyepetake  teka menyang Telaga Silating, bisa nyewa ojeg utawa numpak becak kanthi dalan desa kang aspalan adohe kurang saka sa- kilometeran. Nanging menawa ke­pengin aloh-alon utawa santai, nganggo kendharaan dhewe mau kanthi langsung pinuju papan kang pancen enak kanggo plesiran kuwi.

Kanggo dingerteni, tlaga Silating yaiku papan kang unik, merga ing lokasi iku ana jare (konon) tilas  tlapak sikile Bima, salah siji tokoh jrone carita pewa­yangan kuwi. Tlapak sikil mau dawane 50 meter. Sisih ngarep amba 25 meter lan sisih mburi luwih cilik. Pancen mirip tlapak sikil nanging ora ketok tilas  driji-drijine.

Jare iku tlapak sikil sisih tengen. Wondene tlapak sisih kiwa ana kurang luwih 500 meter ing sisih kulone. Adhe­dhasar jroning crita pemayangan, tilas  tlapak sikil loro mau nggambarake ga­gah lan perkasane Bima. Ing kalangan warga (masyarakat) Sikasur percaya ana­ne legenda kasebut, menawa tlaga Silating kedaden akibat pidekane  sikil Bima.

Kepala Desa Sikasur Kusin mra­telake, ing tilas sikil Bima kasebut metu tuke lan saiki dadi tlaga. Dene sumber banyu kang metu diarani Banyu Kamul­yan. Kang pinercaya  menawa  raup  nganggo banyu kasebut praupane bakal  kethok luwih enom lan sumunar. 

“Wondene tla­pak sikil Bima kang sisih kira esih di­delengna (dibiar­kan) arupa sen­dang, ora di­man­faatake kang­go objek wi­sata,’’ je­lase Ku­sin men­tas iki, sing  piyambake,  ora diterangake ge­ne­ya saiki ara­ne tlaga Silating, dudu tlaga Tapak Bima.

Mengkono uga miturut ahli Budaya lan Kepa­ri­wisataan ing Pemalang, Mundofir, jare anane tlaga Silating kuwi mawujud merga sikil tokoh wayang kang jeneng Bima. Telapak sikile tokoh kang pera­wakane dhuwur lan gedhe mau ngidek lemah banjur ninggalake tilas blum­ba­ngan  banyu kang jero lan amba kuwi kang saiki dadi telaga.

“Mula telaga Silating iku dijenengi Tlaga Telapak Bima. Nanging merga papane ana ing Dukuh Silating Desa Si­ka­sur, warga Pemalang gampang bae nyebute Telaga Silating,” tuture Mun­dofir.

Sekda Pemalang Budhi Rahardjo marang wartawan sawetara wektu ke­pungkur, negasake, tlaga Silating mi­nangka andalan wisata tlaga ing Kab. Pemalang wis dikemas kanggo daya tarik wisatawan, becik lokal apadene wisatawan asing, bisa teka mrene.

“Minangka andalan wisata banyu tlaga Silating ing Sikasur pancen dikem­bangkan dadi andalan wisata plesiran, merga jroning RPJMD Kab. Pemalang ana desa telu kang diploting minangka desa wisata ing Kec. Belik, yaiku Desa Sikasur, Desa Mendelem lan Desa Gombong,’’ tandhese Budhi Rahardjo.

Mula ora kaluwihan, menawa tlaga Silating sing dadi andalane wisata banyu ing Kab. Pemalang iku minangka “Danau Toba”ne Pemalang.

(Imam As)

Berita Terkait

img

Samak Minggu Ini

img

img

Sumber Semangat

Yen kowe ora nduweni apa sing mbok senengi, mula senengana apa kang mbok duweni dinane iki.

Klik

CUKUR WULU UNTA

Jroning ngadhepi riyaya qurban, ing Pakistan unta-unta kanggo keperluan kurban padha dicukur luwih dhisik amrih mbentuk wulu kanthi motif kang edipeni. (d/ist)***

Pethilan

Nom-noman Indonesia akeh tampil ing panggung jagad

Indonesia saya ‘mendunia’

Ormas dadi bandhul kang ngimbangi polaritas akibat pemilu

Parpol kang ngebot-eboti

Kerukunan kuwi modal penting pembangunan

Aja gelem digawe usreg terus