Deontay Wilder: Anthony Joshua Bakal Ngrasakake Remuk nalika Lawan Aku
Diposting oleh : Administrator
Kategori: Olahraga - Dibaca: 39 kali

Juara tinju kelas berat versi WBC, Deontay Wilder, yakin yen dheweke dilairake kanggo ngalahake juara tinju liyane, yakuwi Anthony Joshua.

“Aku wis akeh komunikasi karo Anthony kanggo nganakake dhuel, nanging dheweke ora tau teka. Mbokmenawa dheweke wedi banget karo aku” ujare Wilder nyuplik Boxing Scene.

Rasa percayane Wilder iki saya ningkat nalika dheweke ngerti kalodhangan dhuel karo Joshua mau wiwit ana, luwih-luwih sawise dheweke bisa ngalahake Luiz Ortiz.

Wilder sukses ngukuhi sabuke kanthi ngalahake Ortiz ing rondhe sepuluh ing Barclays Center, Brooklyn, New York, Amerika Serikat, Sabtu wingi (3/3/2018).

Kemenangan ksb ndadekake Wilder bisa ketemu karo sang juara tinju versi IBF, IBO, lan WBA Anthony Joshua.

Syarate, Joshua luwih dhisik kudu menangi dhuel unifikasi lawan Joseph Parker (juara tinju kelas berat WBO) kang bakal digelar akhir Maret iki.

“Anthony ngerti dheweke bakal ngrasakake kalah sawijining dina mengko, lan iku kedadeyan nalika dheweke lawan aku. Aku ngerti, aku bakal gawe remuk dheweke” ujare Wilder maneh.

Petinju kelas berat asal Amerika Serikat iku banjur ngandhakake yen dhuel lawan Joshua kayadene laga urip-mati.

“Iki bakal dadi urip lan mati kanggone dheweke. Nalika dheweke kesel, aku bakal nyekseni dheweke nyerah” tuture Wilder maneh.

 

Saupama Wilder Menang lawan Anthony Joshua

Petinju kelas berat, Deontay Wilder (Amerika Serikat) ngandhakake yen ora mung pengin ngalahake Anthony Joshua (Britania Raya) wae.

Atlet kang nyekel sabuk juara dunia versi WBC iku uga duwe rencana nibakake petinju asal Inggris ksb.

“Aku bakal dadi wong paling ala ing divisi iki. Iki kaya lunga menyang penjara nalika kowe pengin nemokake priya paling kuwat ing kana kanggo nuduhake supaya dheweke nekani kowe” ujare Deontay Wilder.

Deontay Wilder banjur nambahake tarung lawan Joshua bakal dadi tarung paling gedhe ing sejarah tinju kelas berat.

“Aku ora mung menang, nanging uga ngremukake. Iki mujudake dhuel paling gedhe jroning uripku” ujare Wilder.

Ora lali Deontay Wilder uga  ndongakake Anthony Johua bisa menang nalika dhuel lawan Joseph Parker mengko.

Dhuel antarane Anthony Joshua lawan Joseph Parker dhewe bakal dianakake ing Principality Stadium, Cardiff, 31 Maret 2018.

“Muga-muga Joshua menang. Ayo kita wenehi jagat iki tontonan kang wis dienten-enteni”

Kanthi mangkono, yen Joshua bisa menangake pertarungan lawan Parker, mula petinju Inggris iku bakal ngoleksi patang gelar juara dunia (IBF, IBO, WBA, lan WBO). Lan yen Joshua tarung lawan Wilder, pemenange bakal dadi juara dunia kang ora bisa dibantah maneh (undisputed champion) merga nyekel gelar juara dunia versi IBF, IBO, WBA, WBO, lan WBC. (d/ist)***

 

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan