Supaya Uteg lan Jantung Sehat
Diposting oleh : Administrator
Kategori: Kasarasan - Dibaca: 283 kali

Coba dikontrol maneh apa sasuwene iki kita wis njaga pola mangan kang becik kanggo uteg lan jantung? Saliyane ajeg olahraga, wi­gati uga kanggo nggatekake lebon pa­nganan inuman kita ing saben dinane. Luwih-luwih ana jinis panganan tinamtu kang becike didhahar ajeg jalaran bisa mbiyantu njaga kasarasane uteg lan jan­tung kita.

Dicuplik saka boldsky.com, ing jurnal Stroke kang diumumake dening American Heart Association and the American Stroke Association, uteg lan jantung mbutuhake ili­ne getih sing lancar. Yen ili­ne getih ora lancar, mu­la resiko keta­man se­rangan jantung lan ke­ganggune fungsi uteg bakal dhuwur. Saliyane ajeg olahraga lan ngedohi ngrokok sarta alko­hol, wi­gati kanggo njaga tekanan darah lan koles­te­rol tetep normal klawan cara ajeg memangan panganan-panga­nan ing ngisor iki:

 

Kacang-kacangan

Kacang-kacangan kayadene kacang kenari lan almond nduweni kandhutan serat lan lemak kang becik kanggo njaga kesehatane jantung. Memangan sacuku­pe kanggo ngganti menu camilan ora se­hat kanggo ngasilake manfaat kang becik.

 

Woh-wohan

Jeruk lan kates kang sugih beta karo­ten, kalium, magnesium, lan serat becik kanggo njaga kasarasane jantung. Mula memangan woh-wohan ing saben dinane wigati banget supaya jantung lan uteg kita tetep sehat.

 

Janganan ijo

Maneka janganan (sayuran) kayade­ne bayem, brokoli, lan asparagus sugih beta karoten, folat, lan serat. Memangan janganan iki kanthi ajeg uga bisa mbi­yantu njaga kasarasaning jantung.

 

Flax seed (wiji rami)

Flax seed utawa wiji rami iki uga becik kanggo mbiyantu marang kasara­sa­ning jantung. Bab iki ora liya merga kandhutan ing njerone nglimputi asam lemak omega-3, serat, lan phytoestro­gen kang apik kanggo jantung.

 

Wiji-wijian wutuh (whole grain)

Gandum wutuh, kacang-kacangan, lan maneka wiji-wijian wutuh sugih ma­rang serat uga becik didhahar kanthi ajeg. Kejaba bisa mbiyantu njaga kasa­rasaning jantung, wiji-wijian wutuh uga bisa mbiyantu nglancarake iline getih ing saranduning badan.

Pilih panganan sehat kanggo didha­har, ajeg olahraga, lan nata pola pangu­ripan kang sehat supaya kasarasaning uteg lan jantung tansah jinaga.

Sawatara iku, uteg lan jantung wis jinaga kanthi becik, kita uga kudu nata turu kita. Sebab turu iku wigati banget mungguhing manungsa urip. Turu mu­judake kabutuhan lan tandha yen badan kita merlokake wektu kanggo ngaso. Na­lika wektu turu, kabeh perangane badan kita kanthi alami nindakake becik-becik utawa regenerasi sel saka njero. Badan kita bakal gawe hormon kortisol nalikane turu. Hormon iki kang gawe badan kita luwih seger lan bebas saka rasa kesel na­lika tangi turu.

Kurang turu iku bisa nu­wuhake akibat kang mbe­bayani banget mung­guhing kasarasan. Salah siji akibat sing gawe mu­met yaiku badan da­di lemu lan angel lencir kang­gone wanita.

Pakulinan begadhang lan kurang turu aki­bate marang gangguan tingkat gula darah lan prodhuksi leptin. Leptin yaiku hor­mon kang migunani kanggo menet napsu mangan. Nalikane kita kurang turu mula badan bakal kurang ngasilake lep­tin. Iki kang bakal ndadekake kita kerep ngelih.

Nah, nalika kita kerep ngelih mula kita bakal nayogyani milih panganan kang akeh ngandhut glukosa, lemak, lan kar­bohidrat. Kurang turu uga bisa menga­ruhi marang metabolisme badan saeng­ga ndadekake pembakaran lemak suda. Akibate, kita bakal dadi lemu.

Mula iku wiwit saiki kita kudu turu sing cukup supaya badan kita tansah seger sumyah ora sayah. (Ist)

Berita Terkait

img

Samak Minggu Ini

img

img

Sumber Semangat

Yen saperangan gedhe urip kita en­tekake kanggo mu­lang, mula kita bakal dikenal mi­nangka guru nali­ka kita ma­ti. Yen kita entekake wek­tu kita kang­go main, kita mati mi­nangka gamers.

Klik

PERANG TOPAT

Ing Lombok Barat, NTB, ana tradhisi unik kang arane Perang Topat. Tradisi iki digelar sasi November-Desember, utawa sawise panen lan sadurunge mangsa tandur maneh. Masyarakat suku Sasak lan warga keturunan Bali ing Lombok Barat nggelar ritual iki bebarengan ing Pura Lingsar. Puncake perayaan ditindakake kanthi tradhisi pujawali perang topat utawa padhadene nyawatake kupat ing antarane warga. Ora ana rasa mangkel utawa memungsuhan ing acara kang wis umur atusan taun iki, sing ana malah rasa sukacita tumrap warga kang beda-beda agamane ksb. (d/sit)***

Pethilan

Hoaks luwih ngrusak ing negara berkembang

Ana sing seneng rusak-rusakan

Wajib njaga legitimasi Pemilu 2019

Sauger menang, apa wae ditindakake

Pradebat capres batal, paslon gela

Sabar… ngenteni kasus dagangan 80 yuta iku lerem dhisik