Menteri Susi Mertinjo Kapal Cantrang Ing Juwana
Diposting oleh : Administrator
Kategori: Laporan - Dibaca: 147 kali

Menteri Kelautan lan Perikanan Republik Indonesia Susi Pudjiastuti ngandharake, ngenani kawicaksanan kang becik saka Pemerintah Pusat uga saka Kementrian Kelautan Perikanan kabeh tujuane kanggo ningkatake kesejahtraan para masyarakat nelayan.

Bab kasebut dipratelakake  Susi Pudjiastuti marang para kadang nelayan nalika acara kunjungan kerja kanthi agenda utama mertinjo gerai saka KKP RI kanggo verifikasi sarta pendataan ulang kapal cantrang ing Pelabuhan Perikanan Bajomulyo Kecamatan Juwana Kabupaten Pati, Jawa Tengah, Dina Kemis (1/3) kepungkur.

Sadurunge menteri Susi Pudjiastuti sa-rombongan  teka ing Plataran Syahbandar Juwana kang disambut dening Bupati H.Haryanto, SH.MM.Msi, Wakil Bupati Pati H.Saiful Arifin, Dandim 0718/Pati Letkol Inf. Arif Darmawan, Kapolres Pati AKBP Maulana Hamdan, Kepala UPPP Syahbandar Drs. Japet Simanjutak, Kepala PPI I Jafar Lumban Gaol. Banjur katerusake kanthi nitih kapal kliling/ngubengi  kali Silugonggo, wusanane tekan ing PPI I Bajomulyo langsung mertinjo gerai saka KKP RI kanggo verifikasi sarta pendataan ulang kapal cantrang lan uga nemoni  perwakilan paguyuban cantrang.

Menteri Susi Pudjiastuti mratelakake, para nelayan lan masyarakat nelayan pemilik kapal cantrang uga non cantrang, nelakake  maturnuwun marang  kawigaten sarta penyengkuyunge. ”Peraturan sing digawe pemerintah utamane kebijakan saka kementrian kelautan perikanan ora ana maksud liya kajaba tujuane supaya para nelayan olehe golek iwak kuwi bisa kasil lan pengasilane tambah apik,” pratelane Susi.

Sawise menteri Susi dhawuh, swasana katon umyeg  amerga para nelayan cantrang padha bengok-bengok nulak apa sing mentas  diucapake dening menteri. Saengga Bu Susi praupane rada nesu. Ing sela-selaning acara dialog, menteri kelautan lan perikanan mandek sedhela olehe ngendika jalaran kadang nelayan isih ana sing nyuwara banter, sawise wis meneng banjur nerusake aweh penjelasan.

Sanajan dialog katerusake ing sangarepe para masyarakat nelayan nanging protes nulak  katon ngambra-ngambra apa maneh nalika ditawani bab peralihan alat tangkap. Saking gemese pihak pengamanan njaluk supaya para nelayan ora gawe rusuh, bisa ngrungokake apa sing didhawuhake menteri Pudjiastuti.

Acara dialog wusanane tanpa ana sesi tanya jawab karo Bu Menteri, ing kalodhangan kasebut menteri kelautan lan perikanan Susi Pudjiastuti ngan-dharake.”Yen ora gelem  yo wis, aku sedhelok maneh ora njabat menteri, aku mung mbiyantu para kadang nelayan ora gelem ora apa-apa,” ujare Susi Pudjiastuti sing langsung ninggalake PPI I Bajomulyo Juwana.

Sauntara kuwi, miturut Wakil Ketua Paguyuban nelayan cantrang Mina Santoso Heri Budiarto, sanajan dikunjungi langsung Menteri Kelautan Perikanan pranyatane, nelayan cantrang ing wewengkon Juwana isih durung marem marang kebijakan Pemerintah. Lan apa sing di ngendikake dening Menteri Susi ora padha sing dingendikakake  Presiden Joko Widodo nalika aksi damai ing Jakarta sawetara wektu kepungkur.

“ Ngenani nelayan dikongkon ganthi alat tangkap sing intine setaun, padahal miturut Presiden Jokowi wis ngetoke Inpres ora ana batasan wektu kanggo ganthi  piranthi tangkap, sanajan mengkono kabeh kanca-kanca gelem ngganti alat tangkap nanging kudu pinjaman ing bank lunas dhisik, padhahal kanggo pelunasan bank iki butuh wektu udakara 3 nganti 4 taun,” jlentrehe.

Wakil Ketua paguyuban nelayan cantrang ngajab marang pemerintah, supaya bisa menehi wektu telung taun kanggo nglunasi bank  dhisik  lan uga gelem ganti alat tangkap. Perlu kawuningan nelayan cantrang ing Juwana tetep arep ngganti alat tangkap amerga umume nelayan ing Pati luwih seneng migunake alat sing luwih maju.”Marang para kadang nelayan cantrang, kita tetep nerusake gerai saka KKP RI kanggo verifikasi lan pendataan ulang kapal cantrang,” kandhane Heri katon serius.

(Didik Andoyo)

Berita Terkait

img

Samak Minggu Ini

img

img

Sumber Semangat

Aja gumedhe mung merga ayu-ne rupa, amarga kuwi bakal luntur dening wektu. Nanging elinga, ayune kridha ora bakal luntur senajan digawa mati pisan...

Klik

NGANTUK

Ora kober ndlosor, semendhe ing tembok uga ora apa-apa. Mangkono mbokmenawa ujare si meong iki. (d/sit)***

Pethilan

Trilyunan rupiah dhuwit negara mili menyang desa

Koruptore aja nganti katut keli

Lumantar gerakan #2019Pilpres Ceria, Mahfud MD ngajak publik milih kanthi cerdas

Amarga kecerdasan kita wis saya ilang akibat memusuhan

Golkar ngukuhi caleg mantan koruptor

Ngajab para pemilihe padha pikun!