Ngadhepi Asian Games 2018, Atlet Wushu Indonesia Latihan ing Iran lan Hong Kong
Diposting oleh : Administrator
Kategori: Anyar Katon - Dibaca: 77 kali

Para atlet wushu Indonesia bakal nindakake pemu­satan latihan menyang Iran lan Hong Kong sasi April meng­ko dhimen kanggo matengake persiapane ngadhepi Asian Games 2018.

“Atlet-atlet kita disiplin sanda isih latihan ing Kema­yoran, Jakarta Pusat, dene atlet-atlet disiplin taulo latihan ing Simprug, Jakarta Selatan,” tuture Sekretaris Jenderal Pengurus Besar Wushu Indonesia (PB WI) Ngatino.

“Kita bakal ngirim atlet sanda menyang Iran lan ngirim atlet taulo menyang Hong Kong suwene sewulan,” bacute Ngatino.

Sawise saka Iran lan Hong Kong, tim wushu Indonesia bakal bali latihan ing Tanah Air, sateruse nerusake latihan menyang China ing tengahe Mei nganti seminggu suwene sadurunge Asian Games 2018.

“Kita mung fokus latihan ing China merga kana pancen tim kang kuwat ing cabang wushu. Kita uga bakal melu sawenehing pertandhingan lokal ing China,” ujare Ngatino.

Wushu Indonesia ngincer medhali emas siji saka 15 nomer pertandingan ing Asian Games 2018.

“Kita nyiapake 15 atlet kang dumadi saka wolung atlet-atlet taulo lan pitung atlet sanda,” ujare Ngatino.

Optimisme tim wushu Indonesia oleh emas siji Asian Games 2018 asale saka asil kejuaraan wushu disiplin sanda ing Moskow, Rusia tanggal 16-20 Februari 2018.

Nalika iku, skuat wushu Merah Putih oleh medhali emas telu, perak loro, lan perunggu siji.

Kejuaraan Wilayah Dadi Ajang Seleksi Kukkiwon Cup 2018

Sauntara kuwi Kejuaraan Wilayah (Kejurwil) Universal Taekwondo 2018 bakal didadekake seleksi atlet kang mengkone bakal didhukake kanggo kejuaraan kang luwih dhuwur yaiku Kukkiwon Cup 2018 ing wulan Oktober.

Dioptimalake kegiatan ksb mujudake salah sijine keputusan rapat koordinasi utawa Rakernas UTI Pro ing Jakarta, Minggu 4 Maret 2018, kang ditekani dening perwakilan organisasi sa Indonesia.

“Pancen bener. Kejurwil bakal dadi ajang seleksi Kukkiwon Cup. Iki wis dadi keputusan bareng,” ujare pem­bina lan pendiri UTI Pro Lioe Nam Khiong ing keterangan resmine.

Lioe Nam Khiong nandhesake pentinge pembinaan prestasi ing UTI Pro. Jroning rakernas mau diputusake Ujian Kenaikan tingkat bakal luwih tertib. Yen sasuwene iki wis apik, mula wiwit saiki lan sateruse kabeh dadi ningkat. Kanthi mangkono, event kang digelar uga teratur.

Saka Kejurwil uga, para atlet kang apik bakal dipilih kanggo Tim Demonstrasi kang apik uga. Ana 34 Program mengkone kang dadi kawigaten yakuwi bisa bali ngirim wasit ing Olimpiade Tokyo, Jepang, taun 2020 kaya ing Olimpiade Rio, Brasil, 2016 kepungkur. Sadurunge Olimpiade Tokyo iku UTI Pro bakal ngirim para wasite menyang luar negeri.

“Kita wis siap ngirim wasit. UTI Pro duwe wasit kang mepaki syarat kanggo level dunia,” ujare Lioe Nam Khiong kang nyekel gelar DAN IX Kukkiwon.

Manut Lioe Nam Khiong, saben dina kudu latihan, dudu mung nalika ana event wae. Tanpa pembinaan, tanpa latihan, ora mungkin ana prestasi. (d/ist)

Berita Terkait

img

Samak Minggu Ini

img

img

Sumber Semangat

Saya tambah umur saya kabur mripat kita...Iki ora liya merga satemene Gusti Allah lagi madhangake mata batin kita kanggo ndeleng akhirat.

Klik

PASRAH DIPRIKSA DOKTER CILIK

Saperangan ing antarane kita ana kang duwe ingon-ingon ing omah. Apa kuwi asu, kucing, manuk, bebek, pitik lsp. Kerep kewan-kewan ksb nganti dianggep minangka perangan kulawargane dhewe. Malah saking rakete karo kewan ingon-ingone, kerep kewan ingon-ingone ksb pasrah nalika arep diapakake wae dening sing duwe. Kaya ing gambar iki contone. (d/ist)***

Pethilan

Ewonan seniman bakal dikerigake menyang sekolahan

Ngasah uteg tengene siswa

Uji materi nyalon presiden kemungkinan gagal

Calon akeh, patut ora?

Parpol ngerigake kekuwatan penuh ing Pilkada 2018

Ana sing pengin ngganti presiden pisan