Peresmiyan Kampung Parikan
Diposting oleh : Administrator
Kategori: Yak Opo Kabare - Dibaca: 38 kali

Direnggani ‘mural’ tokoh-tokoh seni budaya Surabaya jaman biyen kayadene Cak Momon, Cak Markeso, lan Cak Bambang Gentolet.

Bekupon omahe doro me­lok Nipon tambah soro......, Sambel pete lalap pete, lali ru­pane eleng rasane..... Pa­rik­an iki ngrenggani omah-omah lan gapura kampung sing ana ing sauruting Bosem (wadhuk), sing wis didandani apik dadi kampung werna-werni lan kebak tulisan pa­rikan.

Ing regol gang kampung iku, tulisan parikan mawa cat endah kasebut ora mung ga­we rasa kudu ngguyu, na­nging uga gawe apike pasren kampung. Sebab, saliyane tu­lisane apik uga katon nyolok banget.

Sawijining warga RT-06 Mo­rokrembangan kandha se­neng lan kalipur klawan anane pasren parikan ing sakehing tembok kampung. “Ngguyok­ake lan ndhidhik,” ujare.

Ora mung parikan, omah-omahe warga uga dicet apik lan endah. Ana puluhan “mural’ khas Surabaya, tokoh lu­drug engga larikan ‘tipografi’ parikan.

Erwin Poedjiono, tim kre­atif kang uga tinanggenah mi­nangka ‘kreator’ Kampung Pa­rikan Surabaya iki ngan­dhak­ake, kampung aneh iku mujudake ada-adane lemba­ga Hot Line Surabaya. “Ana pa­rikan 30 lan mural,” kan­dhane.

Kampung Parikan iki, Ke­mis (1/3) kepungkur dires­mek­ake dening Kepala Dinas Pariwisata Surabaya Widodo Suryantoro. “Iki minangka kam­pung budaya sepisanan ing Surabaya,” kandhane.

Peresmiyan kampung iku di­­regengake tontonan ba­rong­sai lan tokoh punakawan Gareng, Petruk, Semar. Sa­wa­tara para kanoman di­sang­kutake nggarap mural lan tipografi. Warga umume padha seneng ndeleng kam­punge dadi apik lan resik, en­dah sinawang.

Erwin nambahake, kam­pung iku bisa dadi cikal bakale museum budaya khas Sura­baya. Ing tembe kampung iki bakal dadi pelestari budaya khas Surabaya.

“Bakal ana wulangan ga­we parikan kanggo kanoman lan bocah-bocah,” jlentrehe.

 

Tokoh ludruk

Omah-omahe warga iku ora mung dipasreni parikan, nanging temboke salah sa­wijining warga uga ana sing digambari tokoh ludrug ja­man biyen, kayadene Cak Mo­mon, Cak Markeso, lan Cak Bambang Gentolet.

Erwin ngakoni, saiki ka­noman lan bocah-bocah ing kam­pung padha ora weruh sa­pa Bambang Gentolet. Dhe­weke uga ora bisa gawe pa­rikan.

Tokoh utama ludruk Sura­baya iku dilanggengake dadi ‘ikon’ Kampung Parikan. “Aku sakanca dadi kegugah kang­go nglestarekake budaya Su­rabaya,” ujare Suyadi, tokoh budaya Kampung Bosem.

Parikan kang dadi tete­nger khas Surabaya, tam­bahe, bakal antuk panggonan mligi ing pembinaan budaya, kandhane. (Bsh)

Berita Terkait

Samak Minggu Ini

img

img

Sumber Semangat

Aja nganggep awakmu tansah salah, uga aja nganggep awakmu tansah bener.

Klik

KAYA JELI

Iki dudu plastik utawa ager-ager jeli, nanging iki bangsane iwak. Jelase iki Plankton kang wujude bening. Jeneng latine yakuwi Salp (Salpingo-oophorectomy) mujudake kewan kang nduweni kaunikan kanthi kulit transparan. Saking transparane, akeh wong ngira yen plankton iki plastik bening kang ngambang ing laut. (d/ist)***

Pethilan

Saperangan gedhe kabutuhan bawang putih diimpor

Petani wis biasa nangis bawang Bombay kok!

Sertifikasi tanah kuwi program nyata, dhawuhe Presiden

Dadi sing apus-apus sapa iki?

Wakil rakyat saya adoh saka rakyat

Saya adoh, menyang segara wae!