Begal Wengis Ditembus Mimis
Diposting oleh : Administrator
Kategori: Dredah Masalah - Dibaca: 88 kali

Nalika mbegal sepedha motor ing dalan nuju Jembatan Suramadu, Sonheji (44), warga Desa Alang-Alang, Kecamatan Tragah, Bangkalan (Madura), lan Rohman (35), warga Banyu Urip Wetan, Kelurahan Sawahan, Sura­baya sajak medeni banget.

Nanging, sawise ditembus mimis ang­gota Satreskrim Polres Bangkalan Senin (5/3), nalika dituntun petugas, lelorone begal wengis iki malah ngrintih klaran. Sanheji lan Rohman makaping-kaping sam­bat klaran nalika ngangkat sikile sing ditembus timah panas kasebut.

Leloro begal kang dilumpuhake ing Desa Alang-Alang iku, pancen ora wigah-wigih anggone natoni kurbane nganggo gaman.

Kapolres Bangkalan AKBP Anissullah M Ridha ngandhakake, dalan nuju Suramadu uga dadi dalane para mahasiswa lan murid sekolah. “Sing saiki kurbane bocah mahasiswa. Lelorone begal iki mepet kur­bane lan nuthukake garane gaman jinis clurit menyang sirahe kurban,” ujare Anis nalika jumpa pers.

Kasus iku dumadi Jumat kepungkur watara jam 11.00 WIB. Nalika kurban MR (20) mahasiswa asal Desa Tambin, Keca­matan Tra­gah lagi mulih saka kampuse.

Awan iku sepi lan kur­ban ijenen num­pak Honda Vario 125 putih nopol M 6321 J. “Kurban tiba sa­wise dipepet lan dikepruk garan clurit. Pranyata kur­ban iki tepung karo salah siji durjanane. Ewasa­mono, pelaku tetep ngga­wa mlayu motore kur­ban,” jlentrehe.

Saka katrangane kur­ban, petugas ne­mokake panggonan sing kulinane kanggo kumpule Rohman, lan nalika iku Rohman dibedhil sikile. Saka kene Rohman diglan­dhang petugas menyang omahe Sonheji. Merga Sonheji nedya arep mlayu dibedhil pisan karo pulisi.

Petugas kasil mbeslah Vario 125 ireng nopol L 4980 WV lan Revo ireng nopol L 6627 RG, sarta kunci T.

Anis nambahake, durjana iki tansah njaluk dhuwit tebusan marang kurban marang motor sing dibeslah.

“Pulisi uga kasil mbeslah dhuwit Rp 5 yuta asil saka trekah jahate lelorone,” tan­dhese. (esye)

Berita Terkait

img

Samak Minggu Ini

img

img

Sumber Semangat

Yen saperangan gedhe urip kita en­tekake kanggo mu­lang, mula kita bakal dikenal mi­nangka guru nali­ka kita ma­ti. Yen kita entekake wek­tu kita kang­go main, kita mati mi­nangka gamers.

Klik

PERANG TOPAT

Ing Lombok Barat, NTB, ana tradhisi unik kang arane Perang Topat. Tradisi iki digelar sasi November-Desember, utawa sawise panen lan sadurunge mangsa tandur maneh. Masyarakat suku Sasak lan warga keturunan Bali ing Lombok Barat nggelar ritual iki bebarengan ing Pura Lingsar. Puncake perayaan ditindakake kanthi tradhisi pujawali perang topat utawa padhadene nyawatake kupat ing antarane warga. Ora ana rasa mangkel utawa memungsuhan ing acara kang wis umur atusan taun iki, sing ana malah rasa sukacita tumrap warga kang beda-beda agamane ksb. (d/sit)***

Pethilan

Hoaks luwih ngrusak ing negara berkembang

Ana sing seneng rusak-rusakan

Wajib njaga legitimasi Pemilu 2019

Sauger menang, apa wae ditindakake

Pradebat capres batal, paslon gela

Sabar… ngenteni kasus dagangan 80 yuta iku lerem dhisik