Anggota KPUD lan Ketua Panwaslu Garut Ditangkep
Diposting oleh : Administrator
Kategori: Anyar Katon - Dibaca: 54 kali

Operasi iki bakal terus dileksa-nakake engga pelaksanaan Pil-kada 2018. Mula, aja pisan-pisan nindakake praktek pokil. Kapolri ngajap, ing pilkada iki

ora ana praktek money politics.

Satgas Anti Politik Uang Mabes Polri lan Polda Jawa Barat mentas iki nangkep anggota Komisi Pemilihan Umum Daerah (KPUD) Ade Sudrajad lan Ke­tua Panitia Pengawas Pemilu (Panwaslu) Garut, Jawa Barat, Heri Hasan Basari.

Karo (Kepala biro) Penmas Divisi Hu­mas Polri, Brigjen Pol Mohammad Iqbal nerangake, panangkepe anggota KPUD lan Ketua Panwaslu Jawa Barat merga saka prentahe Kapolri Jenderal Pol Tito Karna­vian supaya ora ana praktek money politics ing pilkada.

“Operasi iki bakal terus ditindakake eng­ga pangrumate (penyelenggaraan) Pilkada 2018 iki. Dadi aja coba-coba penyeleng­gara lan pengawas Pemilu nindakake prak­tek pokil (curang). Iki kang dadi kewajibane pulisi lan iki buktine,” pratelane Iqbal, Sabtu (25/2) kepungkur.

Penyidik Polda Jawa Barat wis nahan anggota KPUD Garut Ade Sudrajad lan Ketua Panwaslu Heri Hasan Basari.

Perkara iki kawiwiti sawise ana rege­jegan merga panetepan KPUD marang pasangan papat minangka calon bupati lan wakil bupati Garut ing Pilkada 2018. Dhe­weke kasebut yaiku Rudy Gunawan-Helmi Budaman sing diusung Partai Gerindra, PKS lan Nasdem, Agus Hamdani Pradana-Aditya diusung PPP, PAN, lan Hanura, Imam Alirahman-Dedi Hasan diusung Golkar lan PDIP, sarta calon perseorangan, Suryana-Wiwin Suwindaryati.

Dene pasangan calon independen loro gagal ditetepake yaiku Agus Supridi Imas-Aan Ubudiyah lan Soni Sundari-Udin Nur­din jalaran kurang dukungan.

Pulisi banjur nindakake penyelidhikan. “Sawise dianakake penyelidhikan, (AS lan HHB) nyaguhi (Soni-Usep) bisa lolos, na­nging nalika penetapan pranyata ora lo­los,” ujare Direktur Kriminal Umum Polda Jawa Barat, Kombes Pol Umar Surya Fana.

Dd kang dinuga minangka pihak kang menehi beselan (suap) marang penyeleng­gara Pilkada ing Garut melu ditahan. “Ya, sing menehi beselan nembe dinuga priya jeneng cekakane Dd. Dheweke minangka salah siji tim sukses calon perseorangan Soni-Usep,” jlentrehe Umar Surya.

Kapolda Jawa Barat, Irjen Pol Agung Budi Maryoto nerangake, pehake nga­manake barang bukti arupa mobil Daihatsu Sigra werna putih siji klawan nomer pulisi Z 1784 DY lan sakehing dhuwit. Mobil sing diamanake kasebut dinuga duweke Ade Sudrajad.

Ketua Komisi Pemilhan Umum (KPU) Garut, Hilwan Fanaqi mesthekake pihake tetep nindakake tugas pilkada saregede­gan 2018 kaya apa mesthine.

“Susah lan nrenyuhake banget marang kedadeyan kasebut,” kandhane Hilwan.

Ewasamono, Hilwan ngandhakake sa­cara bebadan KPUD Garut ora ana pepa­lang. “Aku kabeh kudu nindakake jadwal kang wis direncakake,” ujare.

 

Langsu dipecat

Badan Pengawas Pemilu (Bawaslu) RI langsung nglereni Ketua Panwaslu Garut Heri Hasan Basari. Manut Ketua Bawaslu Abhan, anggone nglereni sauntara iki dite­tepake sinambi ngenteni panetepan Dewan Kehormatan Penyelenggara Pemilu (DKPP). “Nglereni sauntara Ketua Bawaslu Garut,” ujare Abhan.

Dheweke ngandhakake panangkepan iki mujudake kedadeyan kang ngisin-isini mungguhing bebadan Penyelenggara Pe­milu. Luwih-luwih, Bawaslu lagi nggreng­sengake gerakan tulak money palitics lan peningkatan kejujuran kang pinercaya jajaran penyelenggara pemilu, mligine Panwaslu.

Dheweke ngakoni, anggota penye­lenggara Pemilu tansah dikupeng sakehing panggodha kang nengsemake. Nanging, tandhese Abhan minangka penyelenggara Pemilu kudu saguh nahan pepinginan su­paya ora gampang kegodha klawan janji utawa paweweh apa wae saka pehak kang gegayutan karo proses demokrasi. “Ana prajanjen kejujuran kang kudu dijaga dening saben pribadi penyelenggara pe­milu,” tandhese Abhan.

Sauntara iku Ketua KIPP Indonesia, Kaka Sumita sajak nggetuni marang keda­deyan kang namani Ketua Panitia Pe­ngawas (Panwas) lan anggota KPUD Garut kasebut. Pawarta sing nampeg penyeleng­gara Pemilu sekabehane iku, jalaran sate­mene penanggungjawab akhir penyeleng­garaan Pilkada yaiku KPU lan penang­gung­ja­wab pengawasan Pilkada yaiku Bawaslu sarta Panwaslu.

Kedadeyan iki minangka wirang lan natoni pesta demokrasi. Klawan tetep ngajeni ‘asas praduga tak bersalah’, aku kabeh ngajap pehak kapolisen ngram­pungake kasus iki laras karo peraturan perundang-undangan.

Pehak-pehak kang gegayutan kudu menehi katrangan kang sagamblang-gam­blange supaya masyarakat bisa antuk katrangan kang pepak, jelas lan setimbang marang perkara iki. Marang Bawaslu Jawa Barat lan Bawaslu RI uga kudu menehi panggonan tumrap jejege hukum.

Sing ora kalah wigatine yaiku pembe­nahan lan evaluasi njero dhewe kang nga­behi lan ngandhakake marang masyara­kat, kanggo njamin proses pilkada lan pemilu ing tembe tetep bisa lumaku jujur lan adil. (Sy)

Berita Terkait

Samak Minggu Ini

img

img

Sumber Semangat

Akeh wong kang nindakake bab kang padha ing nalikane kowe ora. Kuwi ora ateges kowe salah.

Klik

GROJOGAN PEDHUT-

Yen grojogan umume sing mili yakuwi banyu, nanging grojogan ing Islandia iki sing mili pedhut. Pedhut ksb mbentuk pola kaya banyu kang nggrojog saka gunung menyang segara. Pranyata uga ana suwarane banyu gembrojog ing segara mau, saengga kaya banyu kang nggrojok temenan ing laut. (d/ist)***

Pethilan

Nangkis hoaks, publik perlu ndhi-sikake rasionalitas

Benci nganti tekan unyeng-unyeng kuwi mutawatiri

DPR ora kesusu ngrembug RUU HP

Ora kaya RUU MD3 ya?

Partai Demokrat njaluk syarat kanggo nyengkuyung Jokowi

Ora ana mangan awan gratis pancen…