SL 10 / 2018
Diposting oleh : Administrator
Kategori: Sing Lucu - Dibaca: 145 kali

Pak Guru

Guru : “Apa krama inggile- mripat!”

Nita   : “Soca utawi paningal.”

Guru : “Hudi, nek irung?”

Hudi : “Grana, pak.”

Guru : “Netty, nek kuping?”

Netty : “Talingan, pak.”

Guru : “Ruddy, nek sikil!”

Ruddy :       (karo kukur-kukur sirahe)... penjenengan, pak.”

Guru : “Lho, nyang apa kok aku?”

Ruddy :       “Menawi sampeyan, mangke lepat.”

Guru : “Sing bener kuwi- sampeyan/ampeyan.”

(Kir: Soebagjo, Kediri)



Asyik 1

Parno : “Ngerti ana kobongan ing ngarep mripat/mata, ora ditulungi, kok malah muni, asyik. Coba bedheken?”

Pardjo :       “Wong demo, ngobong ban ing ndalan.”

Parno   :       “Durung bener.”

Pardjo  :       “Kok ora tau bener!”

Parno   :       “Wong udud/rokokan. Kae ngobong rokok, rak terus asyik, ya ta...?!” (Kir: Pakne Andi, Purwokerto)



E s

Parno :        “Es apa sing ora atis?”

Pardi   :        “Kabeh es ya mesthi atis, es batu, es krim.”

Parno :        “Ngono wae ora ngerti? Kae lho es dhe, es em pe, es em u, es elon, es em, es ti.”

Pardi   :        “Yen karepmu ngono, jenenge srekalan!?”

(Kir: Pakne Andi, Purwokerto)

 

Asyik 2

Parno :  “Kandhane kelangan, kok malah muni asyik, marem, apa hayo?”

Pardjo :       “Ah mosok, ya mesthi gela ta.”

Parno   :       “Jawabe gampang kok. Esuk-esuk, nongkrong, mbucal rak kelangan, asyik ta.”

Pardjo :       “Wah saru ah, ning ya bener lho.”

(Kir: Pakne Andi, Purwokerto)

Berita Terkait

Samak Minggu Ini

img

img

Sumber Semangat

Urip ing donya iki gawe kesel, merga akeh wong kang pengin mamerake bab-bab kang satemene dheweke ora nduweni.

Klik

BUKA PALING DAWA

Rekor buka pasa paling dawa ing donya, ana ing Hanover, Jerman mentas iki. Dawane nggayuh 10.2 km. Gunggung mejane 10.200 meja, lan sing melu buka ana wong 42.100. Acara iki wis kaca-thet ing Guiness Book Record. Iki nuduhake yen wong kang nggilut agama Islam ing Jerman saya akeh wae. (d/ist)

Pethilan

Janji-janji reformasi diajab enggal dicepetake

Janji kang dilalekake

Jamane reformasi wis 20 taun

KKN durung ilang uga

Bulog mesthekake stok beras aman nganti riyaya

Bab mundhak orane rega aja takon lo ya