Carane Ngatasi Hp Android kang Cepet Panas
Diposting oleh : Administrator
Kategori: Aiti - Dibaca: 26 kali

Smartphone saikine dadi kebutuhan kang penting banget kanggone sapa wae. Menyang ngendi wae hp android tansah kelet ing awak, sajake kaya ana sing kurang yen ora nggawa barang siji iki. Ing kalodhangan iki kita bakal aweh ulasan bab-bab kang nyebabake handphone android cepet panas. Ing antarane yakuwi:

1.  Kerep migunakake HP ing panggonan kang panas hawane. Nalika panas ngenthak-enthak perangkat android kita bakal nyerep suhu panas saka njaba, seangga bakal ngganggu marang daya penyimpanan battrei lan kabeh sistem elektronik ing njero aplikasi android.

2.  Kinerja Hp Android kang kakehan. Kaluwihan saka Hp Android yakuwi bisa nglakokake aplikasi kanthi multitasking utawa kerja bebarengan nanging akibate bakal cepet ndadekake panas.

3.  Kerusakan Battrey Android. Salah sijine bab kang marahi hp android cepet panas yakuwi rusake battrei. Yen battrei hp android wis aweh tandha-tandha lemah anggone nyimpen utawa ngedrop mula hp uga bakal cepet panas.

4.  Sinyal Jaringan HP Android Ora Stabil. Siji maneh kang kita ora ngira yakuwi senajan hp android kita katon apik-apik wae nanging yen jaringan kang ditangkep sinyale lemah pranyata bisa ndadekake HP cepet panas.

5.  Aplikasi kang Mlaku ing Background Android. Sering migunakake aplikasi kang mlaku ing background sistem kayadene wallpaper live lan uga perkiraan cuaca bisa dipesthekake yen Android kita bakal cepet panas.

6.  Bledug kang akeh ing HP Android. Katutupe bolongan (rongga) merga akehe bledug ing Hp Android uga bakal nyebabake hp cepet panas.

 

Carane Ngatasi

1.  Tansah ngecek kondisi Battrei Hp Android. Yen battrei Handphone wis aweh tandha –tandha cepet ngedrop becike enggal ngganti karo battrei kang duwe spesifikasi padha, amrih kejaga kestabilan Device Hp Android.

2.  Ajeg ngesiki handphone saka anane bledug kanthi migunakake tisu kang diwenehi minya kayu putih sethithik.

3.  Becike migunakake HP ing suhu ruangan utawa ing panggonan kang ora langsung kena sunare srengenge.

4.  Yen pancen loading ing browser kita lelet mula becike enggal dipateni wae paket data ing hp android mau.

5.  Salah sijine tindakan paling becik sawise migunakake aplikasi yakuwi kanthi cara enggal nutup amrih aplikasi android ora akeh mangan kinerja RAM lan Processor ing Hp.

6.  Sing pungkasan yakuwi perlu nggatekake Spesifikasi Hp Android kita. Sebab kanthi mangerteni detail smartphone, kita bisa mangerteni batasan saka panganggone Hp mau.

7.  Salam. (d/ist)***

 

Berita Terkait

Samak Minggu Ini

img

img

Sumber Semangat

Aja nganggep awakmu tansah salah, uga aja nganggep awakmu tansah bener.

Klik

KAYA JELI

Iki dudu plastik utawa ager-ager jeli, nanging iki bangsane iwak. Jelase iki Plankton kang wujude bening. Jeneng latine yakuwi Salp (Salpingo-oophorectomy) mujudake kewan kang nduweni kaunikan kanthi kulit transparan. Saking transparane, akeh wong ngira yen plankton iki plastik bening kang ngambang ing laut. (d/ist)***

Pethilan

Saperangan gedhe kabutuhan bawang putih diimpor

Petani wis biasa nangis bawang Bombay kok!

Sertifikasi tanah kuwi program nyata, dhawuhe Presiden

Dadi sing apus-apus sapa iki?

Wakil rakyat saya adoh saka rakyat

Saya adoh, menyang segara wae!