Kemangi, Dimasak utawa Dilalap Enak, Nyuda Ganda Awak
Diposting oleh : Administrator
Kategori: Kagunan Dapur - Dibaca: 262 kali

Saka maneka tetanduran, akeh banget kang bisa dadi bahan pangan. Ana kang kudu dimangsak dhisik, nanging ana uga kang cukup dirahani ngono bae. Istilahe, lalapan. Salah sijine yaiku kemangi.

Godhong kemangi kang nduweni ganda khas iki kerep disuguhake bebarengan karo lalapan liyane. Adate kobis, timun, lan kacang lanjaran. Nanging godhong iki uga bisa dicemplungake ing mangsakan. Kaya ta ing Sumatra, ana mangsakan pindhang kang nggunakake maneka bumbu lan diimbuhi kemangi.

Direktur Akademi Gizi Surabaya, Andriyanto, negesake menawa kemangi ora mung seger gandane nanging uga akeh kasiate. “Bisa dadi srana ngatasi masalah pencernaan, radang lambung, infeksi usus, uga mriang lan sirah ngelu,” jlentrehe.

Kasiat liyane ora kalah nggumunake. Kanggone pawestri, kemangi becik mupangate marang kasuburan (reproduksi). Yaiku bisa nggrengsengake matenge sel telur utawa ovulasi. Amarga, kemangi ngandhut zat stigmaasterol. “Malah ana panaliten kang mgandhakake yen kemangi bisa ngrerendhet menopouse, jalaran ngandhut zat triptofan,” kandhane Andriyanto.

Para priya ora perlu meri, amarga kemangi uga ngandhut zat kang becik kanggone kasarasan srana vital. Yaiku zat arginin kang bisa njalari sperma luwih dawa umure. Mula, bisa nyegah kemandulan. “Zat Eugenol lan Apigenin fenkhona uga bisa nyengkuyung tenaga priya nalika arep saresmi,” Andriyanto nambahake.

Kejaba kasiat iku mau, sing paling prasaja, kemangi uga migunani amarga gandane. Seger getir-e kang khas bisa ngelongi abab kang mambu lan gandane awak. Carane gampang, yaiku sregep lalap kemangi saben dina. Bisa uga digawe omben-omben, kanthi diwenehi banyu wedang sethithik banjur diperes dijupuk sarine.

Andriyanto banjur ngandharake kandhutan gizi miturut Daftar Komposisi Bahan Makanan Direktorat Gizi Kementrian Kesehatan RI. Yaiku, saben 100 gram godhong kemangi ngandhut: vitamin A 5000 SI, mineral 45-75 mg, kalsium, lan fosfor.

Kanggone para ibu, yen kepengin ngolah kemangi, bisa njajal mangsak pindhang iwak patin. Bahan-bahane lan carane mangsak kaya mangkene:

 

Iwak patin sing rada gedhe : 2

Kemangi : sagengem (godhonge)

Lombok rawit wutuhan : 5 iji

Godhong jeruk purut : 6 lembar, dikruwes

Godhong salam : 2 lembar

Asem : dicom banyu anget, dijupuk banyune sacukupe

Sere : 2 iji, dikeprek

Laos : sakros

Uyah lan gula sacukupe

Jeruk purut siji

 

Bumbu sing diuleg:

Lombok abang gedhe 3 iji

Brambang 10 siyung

Bawang 8 siung

Jae sakros driji

Kunir sakros driji

 

Carane nggawe:

1. Iwak patin diresiki lan dikethok (siji dipara 5 utawa 6), banjur dicuri peresan jeruk purut, dinengake sedhela;

2. Bahan bumbu diuleg nganti alus;

3. Godhong banyu nganti umub, cemplungake iwak patin sedhela amrih nyuda ganda amise;

4. Gangsa bumbu alus, imbuhi godhong salam, godhong jeruk, laos, lan sere;

5. Sawise ngganda sedhep, imbuhi banyu 400 ml lan diumubake nganti bumbu taneg;

6. Iwak patin dicemplungake, imbuhi banyu asem, uyah, gula sacukupe.

7. Sawise iwak katon mateng, tambahake lombok rawit wutuhan lan godhong kemangi;

8. Diudhak alon-alon sedhela, banjur patine genine. n

Berita Terkait

img

Samak Minggu Ini

img

img

Sumber Semangat

Yen kowe ora nduweni apa sing mbok senengi, mula senengana apa kang mbok duweni dinane iki.

Klik

CUKUR WULU UNTA

Jroning ngadhepi riyaya qurban, ing Pakistan unta-unta kanggo keperluan kurban padha dicukur luwih dhisik amrih mbentuk wulu kanthi motif kang edipeni. (d/ist)***

Pethilan

Nom-noman Indonesia akeh tampil ing panggung jagad

Indonesia saya ‘mendunia’

Ormas dadi bandhul kang ngimbangi polaritas akibat pemilu

Parpol kang ngebot-eboti

Kerukunan kuwi modal penting pembangunan

Aja gelem digawe usreg terus