Narkoba
Diposting oleh : Administrator
Kategori: Surabayan - Dibaca: 102 kali

“Awak dhewe niki prihatin nemen. Sing arane narkoba niku saniki wis ngembrah nemen ndhuk masyarakat, wis mrasuk ndhuk ngendi-endi, dhilik-dhilik berita sing onok gandhengane barek narkoba rame ndhuk media massa, entes ae sing arane artis akeh sing ditangkep merga narkoba, sampek anake raja barek ratu ndhangdhut ya kenek masalah narkoba. Terus sing gae awak dhewe mrinding entas ae kecekel penyelundupan narkoba sing bobote sampek 1,6 ton, gak baen-baen, te­rusan onok informasi penyelundupan narkoka te­lung ton, cuma sampek saniki gurung kecekel sing nganggkut narkoba akehe samono niku. Bayangna narkoba sing abote sampek tontonan niku, awak dhewe yakin sasuwene niki  akeh pe­nyelundupan sing lolos. Cobak bayangna dulur sing akeh kecekel pengguna narkoba paling cumak nggawa setengah gram tah sak gram, mbok nek sampek ton-tonan niku dhuwike apa gak triliunan, terusan pira ae sing dirusak barek narkoba niku,” omonge Ning Sumeh ndhuk bala-balane.

Cak Bedja nyauti, “Lha niku ning makane sing arane Indonesia niki lak wis ditetepna minangka darurat narkoba  artine bahaya narkoba wis ndhuk puncak, sayange masiya wis ditetepna darurat narkoba, tapi peredaran narkoba tambah rame.”

“Ya niku cak, artine sing arane pemberantasan narkoba ndhuk Indonesia isik perlu ditingkatna maneh, supayane anak anak ojok sampek kena jahate narkoba. Sing ngonsumsi narkoba niku gak muk wong tuwa tah remaja, tapi wis kit cilik sampek tuwek, akeh sing wis kenek narkoba,” tambahe  Cak Ari.

Pak Lik Dur melok omong, “Gae mbrantas naskoba kudu ditindakna barek sapa ae, padha ngawasi ndhuk lingkungane dhewe-dhewe, nek awak dhewe eruh ya terus ae dikandhani, terutama anak-anak, kudu terus dipantau nek onok sing aneh kudu dijinglengi nemen, nah tandha-tandhane wong sing ngonsumsi narkoba niku wong ya kudu eruh, macaa ndhuk internet tah ndhuk buku. En­cene awale cumak gae gaya-gayaan tah cik ketok gaul tah modern, tapine nek wis suwe-suwe kecanduan, nek wis kecanduan niku, akibate gak isok lepas saka narkoba. Narkoba sing diserang utege sing ngonsumsi. Utege dadi koplak. Nah dulur-dulur awak dhewe kudu waspada, gatekna lingkungan.”

(Sing anti narkoba: Cak Ari, Cak Bedja, Pak Lik Dur barek Ning Sumeh)

Berita Terkait

Samak Minggu Ini

img

img

Sumber Semangat

Urip ing donya iki gawe kesel, merga akeh wong kang pengin mamerake bab-bab kang satemene dheweke ora nduweni.

Klik

BUKA PALING DAWA

Rekor buka pasa paling dawa ing donya, ana ing Hanover, Jerman mentas iki. Dawane nggayuh 10.2 km. Gunggung mejane 10.200 meja, lan sing melu buka ana wong 42.100. Acara iki wis kaca-thet ing Guiness Book Record. Iki nuduhake yen wong kang nggilut agama Islam ing Jerman saya akeh wae. (d/ist)

Pethilan

Janji-janji reformasi diajab enggal dicepetake

Janji kang dilalekake

Jamane reformasi wis 20 taun

KKN durung ilang uga

Bulog mesthekake stok beras aman nganti riyaya

Bab mundhak orane rega aja takon lo ya